1 Peteli 1:22 - ULufingwi uLupwa

²² Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

Tesitamenti Umupwa 1965

²² Ilelo she muzelufizyʼamoyo ginyu mulusajilo lwa vwanalyoli ukuti mukundanʼishikunzi ishisitamafuji isha vanamuntu, mwe mumwo lelo mukundane numwoyo wonti shisitakutozoha.

1 Peteli 1:22 ပူးပေါင်းရင်းမြစ်များ

Yohani 15:17

Ishi nkuvhalajizya imwe kuuti, mukundanaje.”

Yohani 15:3

Imwe mupaluliliilwe, kwe kuuti mwe vhazelu, mwe pe muzyitisile insambiilizyo zyane.

Yohani 17:17

We Taata, uvhazelufwe kwi idala ilya vhwanalyoli vhwaho. Izwi lyaho vhwe vhwanalyoli.

Yohani 17:19

Nkuyifumwa kukuvhombela iwe ku zyavho, inga vhoope vhayifumwe kuli iwe mu vhwanalyoli.”

iMbombo izya Vhatumwa 15:9

UMulungu atásavhuliinye inga hansi, ku kwitu na ku kwavho, ahazelufwa amooyo gaavho kwi idala ilya kumwitiha uYeesu.

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 2:8

Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

VaGalati 3:1

Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

VaGalati 5:7

Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

VaEfeso 4:3

Muyikungulaje kuvhusunjiilila uvhuliilani vhwe mupeliilwe nu Mupepo uMufinjile. Uvhuliilani uvhwo muvhusunjililaje kwi idala ilya kulandila ku vhutehamu.

Filipi 1:9

Ine nkuvhalaavhila kwa Mulungu kuuti, ishikunzi shiinyu shonjelaje nkaani pooka nu vhushindamu uvhwa njeele nu vhumanyi vhwonti,

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

2 VaTesaloniki 2:13

Ileelo iswe tukwanzilwa kumusalifwa uMulungu amanda gonti ku zyinyu imwe vhamwitu, mwe uMwene uYeesu avhakunzite. Tukwanzilwa kuvhomba isho, mwe pe ávhasavhuuye imwe kufuma ku vhwandilo uvhwa kupela kwakwe inga muposheele uvhuposhi. Uvhuposhi uvhwo muvhuposheleeye kwi idala ilya Mupepo uMufinjile we akuzelufwa ni lya kwitiha uvhwanalyoli.

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 5:2

vhantanda avhagoosi vhe vhamaayi vhaaho. Vhoope avhalindu uvhasohaje ku mwoyo umugolosu ngati vhanine vhaaho.

2 Timoti 1:14

Izwi iLyinza lye uMulungu akupiiye, uligulilaje ku maha aga Mupepo uMufinjile we akutendama muhati yiitu.

VaHebuli 11:8

Mwe pe uAabulahamu ámwitisile uMulungu, lwe uMulungu amuvhuuzya kuuti ayeepe mu nsi yaakwe nu kusogola mu nsi ye uMulungu áfinzile kuumupa, uAabulahamu áyeefile mu nsi iyo pooka nu kuuti atámanyile kwe ahasogolaga.

VaHebuli 13:1

Ishi mujendeelele kukundana inza avhanine vwe vhakukundana.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

Yakobu 1:21

Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Peteli 2:17

Muvhashindihaje avhantu vhonti, nu kuvhakunda avhamwinyu. Mumunyilaje uMulungu nu kuumupa umushinzi umwene.

1 Peteli 3:1

Imwe mwe vhantanda mwe mwimaliilwe muvhashindihaje avhalume vhiinyu. Kwi idala ilyo, poosye inga avhalume vhiinyu vhatakwitiha izwi ilya Mulungu, kwe vhiitishe ishisita kulumbiililwa,

1 Peteli 3:20

Avhafwe ivho vhe hali lwe uNoowa ahagombaga imbogooso, vháhaanile kumushindiha uMulungu. UMulungu ájimbiliiye kuzya vhutalamalandu vhwavho kufishila ahavhaliilizyo he imbogooso yagombwa. Mu mbogooso umwo vhínjiiye avhantu vhansi vhweleele, vháamile 8. Ivho vhe uMulungu ávhaposile na minzi.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 4:17

Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?

1 Peteli 4:8

Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

2 Peteli 1:7

Kuvha nu lujendo ulwinza pilongolela ilya Mulungu, kuvhalilanaje ni shikunzi ku vhamwinyu inza avhanine vwe vhakukundana. Ishikunzi isho, mutavhakundaje vhe vhamwinyu vhweleele, nkandi na vhantu vhonti.

1 Yohani 3:11

Navhavhuuzya vhwevhulo, mwe pe inongwa zye mwázyivuuye kufuma ku vhwandilo uvhwa lwitiho lwinyu, zya kuuti tukwanzilwa kukundana.

1 Yohani 3:23

Ululajizyo lwakwe lwe luno, kuuti tulyitishe izina ilya Mwana waakwe uYeesu Chilisiti, nu kukundana, inza vwe átulajiziizye.

1 Yohani 4:12

Ataliipo umuntu wonti we amuvhwenyi uMulungu lumo. Ileelo inga tukukundana, uMulungu akulandila ku vhuliilani niiswe, havhili ishikunzi shaakwe shikulunjiha muli iswe.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.

1 Yohani 4:7

Mwe vhankundwa, tukundanaje, mwe pe ishikunzi shikufuma kwa Mulungu. Umuntu wonti we akuvhakunda avhamwavho, mwana wa Mulungu, havhili amumanyile uMulungu.

Ishitushizya 2:4

Ileelo indi ni izwi niiwe: Ushilesile ishikunzi shaaho ishitanzi.