1 Peteli 1:21 - ULufingwi uLupwa

²¹ Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

Tesitamenti Umupwa 1965

²¹ Imwe muli wuyo mumwitisilʼuMulungu wʼamuzyusizye kuvafwe, wʼamupiye nuvumwamu, ukuti ulwitiho lwinyu nulusuvilo lwenyezye kwe kwa Mulungu.

1 Peteli 1:21 ပူးပေါင်းရင်းမြစ်များ

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

Yohani 12:44

Pe uYeesu ahayanga kwi izwi ipiti ahati, “Umuntu we akuniitiha ine, atakuniitiha neneene vhweleele, akumwitiha na ula we ansonteleziizye.

Yohani 14:1

Pe uYeesu ahajendeelela kuvhavhuuzya avhasundikwa vhaakwe kuuti, “Mutaswimililwaje mu mooyo giinyu. Mumumwitihaje uMulungu, munitihaje niine.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 17:1

Lwe uYeesu aamala kuyanga na vhasundikwa vhaakwe zyonti izyo, aheenya ku mwanya, ahalaavha ahati, “We Taata, ahavhaliilizyo haafiha. Uvhalolesye avhantu uvhushindamu vhwane ine ne Mwana waaho, inga niine ne Mwana waaho imbalolesye uvhushindamu vhwaho vwe vhuli.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

iMbombo izya Vhatumwa 3:13

UMulungu uwa vhataata vhiitu, avha Aabulahamu nu Yisaaka nu Yaakobu, amushindisile umuvhomvi waakwe uYeesu, we imwe mwámulonjeleeye ku vhapiti nu kumuhaana lwe uPilaato akuti amusatule.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

iMbombo izya Vhatumwa 4:10

Pe imwe pooka na vhantu vhonti avha mu Isilayeeli, mumanye ahinza kuuti, umuntu uno we ayimiliiye pilongolela lyinyu aapona nu kuvha mwinza, ku maha aga izina ilya Yeesu Chilisiti uwa ku Naazaleeti. UYeesu uyo, imwe mwámuhomeleeye pa shihovhenkanyo, ileelo uMulungu ahamuzyusya.

VaLoma 10:9

kuuti, inga wapemula ni ilomu lyaho weneewe kuuti, “UYeesu wu Mwene,” nu kwitiha mu mwoyo waaho kuuti uMulungu ámuzyusiizye, ukupokwa.

VaLoma 4:24

nkandi na kuli iswe swenti. Nalyoli gakutuvhuuzya kuuti, inga twamwitiha uMulungu, we ámuzyusiizye uMwene wiitu uYeesu, pe niiswe vhweleele tulivhaazilwa kuuti swe vhagolosu.

2 VaKolinti 6:15

Havhili uChilisiti nu Seetano vhangavha nu lwivwano? Poosye umwitisi na we te mwitisi, vhangavha nu vhuliilani?

VaEfeso 1:15

Kuli izyo, lwe niivwa kuuti mukumwitiha uMwene uYeesu nu kuvhakunda avhafinjile vhonti,

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 2:9

Ileelo tukumulola uYeesu, we uMulungu ámuvhiisile kuvha munsi kuluusya avhahavhizya ku havhaliilizyo hansi. Uyo we uMulungu amupiiye uvhushindamu nu mushinzi umupiti kufumiilana nu kuyimba nu kufwa kwakwe. UMulungu ávhomvile vhwevhulo, inga kwi idala ilya vhwila vhwakwe, uYeesu afwe kuzya kuvhapoha avhantu vhonti.

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.