1 Peteli 1:18 - ULufingwi uLupwa

¹⁸ Imwe mumanyile kuuti uMulungu ávhatavhuuye kufuma mu lujendo lwinyu lwe lutahondeeye, lwe mwáposheleeye kufuma ku vhataata vhiinyu. Ileelo atávhatavhuuye ku vintu vwe vikunanjiha inza impiiya ni sahaabu,

Tesitamenti Umupwa 1965

¹⁸ She mumanyile ukuti mutahombolilwe nutuntu twe tukunanjiha inza shʼufeza nusahabu ukuti muleshe ulujendo lwinyu ulwa shaha lwe muluposheleye kuvaso,

1 Peteli 1:18 ပူးပေါင်းရင်းမြစ်များ

Maliko 8:37

Poosye umuntu angaafumwa shintu vhuli, kuvhutavhula uvhulanzi vhwakwe?

VaLoma 1:21

Yeenya, pooka nu kuuti vhamumanyile uMulungu vwe ali, vhatámushindisile, poosye kumusalifwa inza vwe yikwanzilwa, nkandi vháamile ni nsiivho imbiivhi, pe injeele zyavho zihapootwa kumanyinsanya ziila zye ahanzaga vhazimanye.

1 VaKolinti 3:20

Havhili yisimviilwe mu Vhusimbe uVhufinjile kuuti, “UMWENE uMulungu azimanyile insiivho izya vhe vhali nu vhushindamu uvhwa njeele kuuti zitali ni ilonka naalimo.”

1 VaKolinti 6:20

mwe pe mwátavhuliilwe ku nsavho impiti. Ishi mumutiimaje uMulungu mu mavhili giinyu.

1 VaKolinti 7:23

Mukaziilwe imwe ku nsavho impiti. Ishi mutavhanje mwe vhazya avha vhantu.

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 9:12

Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.

1 Peteli 4:3

Nkuyanga vhwevhulo, mwe pe hali ahavhaliilizyo honti mu vhulanzi vhwinyu muhavhombaga zye avhantu vhe vhatamwitisile uMulungu vhakusungwa kuvhomba. Ahavhaliilizyo iho muhavhombaga uvhumalaaya nu kulandata impapilo imbiivhi nu vhwashimwela nu vhupafu nu kuvha ni vikulukuulu ivwa kumwela nu kupuuta iviholanyo.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.