1 Peteli 1:13 - ULufingwi uLupwa

¹³ Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

Tesitamenti Umupwa 1965

¹³ Mwe mumwo mufungajʼamalamba mumasana ga nsivo zyinyu, muteshelʼiṿintu. Ulusuvilo lwinyu lwonti mulusontelezyaje nzila kwe kuvwila vwe vukuvinzila lwʼaligwinkulilwʼuYesu Chilisiti.

1 Peteli 1:13 ပူးပေါင်းရင်းမြစ်များ

Matayi 20:4

Ahavhavhuuzya ahati, ‘Niimwe sogooli kuvhomba imbombo mu mugunda waane uwa mampensya. Kwe ninze imbalipe mwenti inza vwe yikwanzilwa.’

uLuuka 12:35

“Insiku zyonti muvhanje muyisengiinye kuvhomba imbombo, zyope inyaale zyinyu zyahaje.

uLuuka 17:30

Vwe ziliivha isiku liila, lye ne Mwana wa Aadamu ndiloleha apazelu.

uLuuka 17:8

Naawumo! Nkandi nalyoli angati, ‘Nsenganizanya ishaakulya, havhili umbombele kufishila lwe naamala kulya nu kumwela. Lwe naamala, pe niiwe ulye nu kumwela.’

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 8:19

Yeenya, ivipelwa vwonti vikuguliilila ku mwoyo wonti ahavhaliilizyo he uMulungu alivhalolesya apazelu avhaana vhaakwe.

1 VaKolinti 1:7

Poosye ishi mutasovheliilwe ishikunjilwa inga shooka isha Mupepo uMufinjile, lwe mukuguliilila kugaluha ukwa Mwene wiitu uYeesu Chilisiti.

1 VaKolinti 13:13

Ivintu ivi vitatu, ulwitiho nu lusuuvhilo ni shikunzi te vihaasile naalumo. Ileelo she shipiti muli ivwo, shikunzi.

VaEfeso 6:14

Mukwanzilwa kuyisengaanya inza ishi, kutumvanya nu Mukwalanzi. Inza vwe umusikaali akuyipinya ni ilamba mu musana, kuyisengaanya kulwa, niimwe mulandataje uvhwanalyoli uvhwa Mulungu, inga vhuvhavwaje. Havhili inza vwe umusikaali akuzwala inkwela ku shifuvha, inga ayidinde nu vhwele ni mpalala, niimwe mukwanzilwa muvhanje nu lujendo ulugolosu, inga muyidinde nu Mukwalanzi.

Kolosi 3:4

Uvhulanzi vhwinyu vhukufumiilana nu Chilisiti. Ahavhaliilizyo he uweene aliloleha, he niimwe muliloleha pooka nawo na mavhili aga vhushindamu.

2 VaTesaloniki 1:7

nu kuuvhapa ulutuuzyo imwe mwe mukuyimvilwa pooka niiswe. Alivhomba izyo lwe uMwene uYeesu akugaluha kufuma ku mwanya nu mwilo uwa mwoto, pooka na vhahavhizya vhaakwe avha maha.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 10:35

Kuli izyo, muvhanje nu vhudandamazu, mwe pe muliposheela ishipeelwa ishipiti nkaani kufuma kwa Mulungu.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

1 Peteli 1:10

Inongwa izya vhuposhi vhwinyu uvhwo, avhakuvhwi vhálondooye nu kupenza nkaani, inga vhazimanye. Vhákuvile inongwa izya vhwila uvhwa Mulungu vhwe ásivhiliiye kuuvhapa imwe.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.