1 Peteli 1:12 - ULufingwi uLupwa

¹² UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

Tesitamenti Umupwa 1965

¹² Ve kuli vuvo zihagwinkulwa zye zikuti vatahayivombela vuvo ndali nkandi mwenemwe muli zizyo, zye shinishi zivizilwe kulʼimwe muli vuvo ve vavavuzizyʼimwe Ivangeli muMupepʼuMufinjile wʼatumilwe ukufuma kumwanya, zyʼavahavizya vakusungwa ukuzyinanjizya.

1 Peteli 1:12 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 16:17

UYeesu ahamwamula ahati, “Ulosiitwe iwe Siimoni we mwana wa Yoona, mwe pe izi te muntu we akulolesiizye, nkandi wu Taata waane uwa ku mwanya.

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

uLuuka 15:10

“Nkuvhavhuuzya kuuti, vhwevhulo vwe uMulungu akuseshela pilongolela ilya vhahavhizya vhaakwe, lwe umutalamalandu wooka akutonta uvhutalamalandu vhwakwe.”

uLuuka 2:26

UMupepo uMufinjile ámuvhuziizye kuuti, “Te uhaafwe she ushiili kumulola uChilisiti uwa MWENE uMulungu.”

uLuuka 9:6

Pe avhasundikwa ivho vhahasogola mu ntala amavhiila mu mavhiila, umwo vhahalumbililaga Izwi iLyinza nu kuvhaponia avhavhinu kwonti kwe vhahasogolaga.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

iMbombo izya Vhatumwa 10:44

UPeeteli lwe akuyanga amazwi igo, uMupepo uMufinjile ahavhiishila vhonti vhe vhahatejelezyaga.

iMbombo izya Vhatumwa 16:10

Lwe uPaavhuli aalola injozi iyo, tuhamanya kuuti uMulungu atwisite kuuti, tuvhalumbiilile avhantu ivho Izwi iLyinza. Pe tuhayisengaanya naluvhiilo kusogola ku Makedooniya.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

iMbombo izya Vhatumwa 4:8

Pe uPeeteli she ayizuuye uMupepo uMufinjile, ahavhaamula ahati, “Mwe vhapiti na vhasongo vha mu Isilayeeli imwe!

iMbombo izya Vhatumwa 8:25

Avha Peeteli nu Yoohani lwe vhaafumwa uvhwahoome nu kulumbiilila izwi ilya Mwene uYeesu kuukwo, vhahanda kugaluha mu nkaaya iya Yelusaleemu. Lwe vhali mwi idala, vhahalumbililaga Izwi iLyinza mu nkaaya inyinji izya mu Samaliya.

VaLoma 1:15

Ishi she shikumbiiha ine kuuti inyonywe nkaani kwinza kuvhalumbiilila Izwi ilyo, imwe mwe vhantu avha ku Luumi.

VaLoma 1:17

Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

VaLoma 10:15

Havhili vhangakumusya vhuli, inga vhatatumiilwe? Izya kutumwa vhe vhakulumbiilila, uVhusimbe uVhufinjile vhukuti, “Kwinza nkaani kwinza ukwa vhantu vhe vhakulumbiilila Izwi iLyinza!”

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

1 VaKolinti 2:10

Ileelo iswe uMulungu átulolesiizye zyenezyo kutuushila kwa Mupepo uMufinjile. Yeenya, uMupepo uMufinjile we akupenza zyonti, poosye izya kukwilu izya Mulungu.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

VaGalati 1:12

Ntáposheleeye kufuma ku vhantu, havhili umuntu wonti atánsambiliziizye, nkandi uYeesu Chilisiti wuuyo we ándolesiizye.

VaGalati 1:16

Ávhwenyi kuuti hinza andolesezye uMwana waakwe vwe ali, inga ndumbiilile izwi lyakwe ku vhantu vhe te Vhayuuda. Ahavhaliilizyo haala ntásogooye naluvhiilo kwa muntu wonti kumuvhuziilizya zye nkwanzilwa kuvhomba.

VaEfeso 3:10

UMulungu ali nu vhushindamu uvhwa njeele mu zyonti zye akuvhomba. Pe akuvhalolesya avhantu ulukasamo lwakwe, inga kutuushila ku vhantu vhe vhakumwitiha uChilisiti, avhamanyisye vhe vhakukonzya na vhe vhali na maha mu nsi ye yitakuloleha pa minso amazelu, uvhushindamu uvhwa njeele uvhwo.

1 VaTesaloniki 2:9

Vhamwitu, mukukumbuha umute wiitu na mayimba giitu, tuhavhombaga uvhusiku nu musanya. Tuhavhombaga isho, kuuti inga lwe tukukumusya Izwi iLyinza ilya Mulungu tutahinze tumutamwe umuntu wonti kuli imwe.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

VaHebuli 4:2

Yeenya, niiswe tulumbiliilwe izwi ilyinza ilya pa lutuuzyo inza vwe avhataata vhiitu vhálumbiliilwe. Ileelo avheene lwe vhiivwa, Izwi ilyo litávhavwizye naashimo, mwe pe vhatályitisile.

1 Peteli 1:25

Ileelo izwi ilya MWENE uMulungu lya shiima.” Izwi ilyo lye Lizwi iLyinza lye lyálumbiliilwe kuli imwe.

1 Peteli 4:6

Ye nongwa avhantu vhe vhafuuye, vhoope vhálumbiliilwe Izwi iLyinza, inga vhalongwe ku mbombo zyavho izya muvhili inza avhantu avhanji, havhili vhavhe nu vhulanzi ku maha aga Mupepo uMufinjile pilongolela ilya Mulungu.

Ishitushizya 5:11

Pe nkeenya, nkiivwa amazwi aga vhahavhizya avhinji vhe vháshizyunguluuye ishitengo isha vhumwene ni vipelwa vine na vhasongo vhaala 24. Uvhwinji vhwa vhahavhizya wáamile amashumi na mashumi.