1 Peteli 1:1 - ULufingwi uLupwa

¹ Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

Tesitamenti Umupwa 1965

¹ UPeteli umwapositili wa Yesu Chilisiti, kuvasavulwa avashintizi ve vasavaliye mu-Ponti namu-Galatiya namu-Kapadokiya namw-Asiya namu-Bitiniya,

1 Peteli 1:1 ပူးပေါင်းရင်းမြစ်များ

Matayi 10:2

Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Matayi 24:22

Inga uMulungu atazivhiihaje insiku izyo izya mayimba kuvha nyinsi, umuntu nuumo we aamile apokwaje. Ileelo kuzya vhasaavhulwa vhaakwe, uMulungu alizivhiiha insiku izyo kuvha nyinsi.

Matayi 4:18

Lwe uYeesu akujenda mu luvhazu mwa sumbi uwa Galilaaya, ahavhalola avhavuvhi avha nswi vhavhili, uSiimoni we izina ilyamwavho vhahatinji uPeeteli nu munine waakwe uAndeleeya. Vhahasumbilaga inyeelo zyavho mwa sumbi.

uLuuka 18:7

Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

Yohani 11:52

Havhili uYeesu te kuuti afwe kuzya Vhayuuda vheeka vhweleele, nkandi na kuzya kuuti avhavhungaanishe avhaana vha Mulungu vhe vhasaasite, inga vhavhe pooka.

Yohani 7:35

Pe avhalongozi avha Vhayuuda vhahapanzanya vhahati, “Vhuli, umuntu uno akwanza kusogola kwoshi kwe akuti iswe tutangamwaga? Vhuli, akwanza kusogola ku Vhayuuda vhe vhasaasite mu nkaaya izya vhe te Vhayuuda kuvhasambiilizya?

iMbombo izya Vhatumwa 18:2

Ukwo ahahomaana nu Muyuuda wumo we izina lyakwe vhahatinji uAakila, uyo ápafwilwe ku Ponto. UAakila pooka nu mushi waakwe uPuliisila vháfumile mu nkaaya iya Luumi mu nsi iya Itaaliya insiku ziniizyo, mwe pe umwene uKilavhudiyo álajiziizye kuuti, aVhayuuda vhonti vheepe mu Luumi. Pe uPaavhuli ahasogola kumulamuha uAakila nu mushi waakwe.

iMbombo izya Vhatumwa 18:23

Ahatendama ukwo ahavhaliilizyo hamo, pe ahajendeelela nu vhulendo kutuushila mu nsi iya Galaatiya ni ya Fuligiya, uku akuvhagomwa avhalandati vhonti.

iMbombo izya Vhatumwa 19:10

Ahajendeelela kuvhomba vhwevhulo ku havhaliilizyo aha maaha gavhili, pe vhonti vhe vhahatendamaga mu shigavho isha nsi isha Aasiya, aVhayuuda na vhe te Vhayuuda, vhahiivwa izwi ilya Mwene uYeesu.

iMbombo izya Vhatumwa 6:9

Ileelo aVhayuuda vhamo vhahalinga kudalinkana nu Siteefani. Ivho vháfumile mwi isinagoogi lye vhahatinji ilya Vhantu aVhasatushe. Vhamo muli ivho vháfumile mu nkaaya iya Kileene ni ya Alekizandiliya, vhamo vháfumile mu shigavho isha nsi isha Kiliikiya ni sha Aasiya.

iMbombo izya Vhatumwa 8:4

Avhantu ivho vhe vhásatiine vhahanda kulumbiilila Izwi iLyinza ponti pe vhahasogolaga.

1 VaKolinti 16:19

Avhantu vhe vhali mu vivhanza ivwa mu shigavho isha nsi isha Aasiya, vhakuvhalamuha. UAakila nu Puliisila, pooka ni shivhanza she shikuvhungaana mu nyumba yaavho, vhakuvhalamuha kwi izina ilya Mwene uYeesu.

2 VaKolinti 1:8

Vhamwitu, tukwanza mumanye vwe twáyimvile mu shigavho isha nsi isha Aasiya. Amayimba ge gátwazile gáali mapiti nkaani, gálusiizye na maha giitu, tuhasiivhaga kuuti kwe tufwe.

VaGalati 1:2

Ine na vhamwitu vhonti vhe vhali pooka niine, tukuvhalamuha imwe, mwe vha mu vivhanza ivwa Mulungu ivwa mu shigavho isha nsi isha Galaatiya.

VaEfeso 2:12

ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.

VaEfeso 2:19

Pe ishi, imwe mwe vhantu mwe te mwe Vhayuuda, te mwe vhajeni havhili. Mwe vhaana vha Mulungu, havhili mwe vhahaaya pooka na vhafinjile vhaakwe.

2 Timoti 1:15

Iwe umanyile kuuti avhamwitu avha mu nsi iya Aasiya vhandesile. Muli ivho aliipo uFugeelo nu Helimogeene.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”