San Mateo 19:3 - Nahuatl Northern Oaxaca

³ Ijkuakón sekimej fariseos omijkuanijkej inawak Jesús para kitlajtlakolmayawiskej, iwan okitlajtlanijkej: ―¿Kox kuale kajki in se tlakatl kikawas isiwa san ika itlaj tzikitzin?

San Mateo 19:3 ပူးပေါင်းရင်းမြစ်များ

San Mateo 16:1

Oejkokej in fariseos iwan saduceos para kitlajtlakolmayawiskej in Jesús, iwan okitlajtlanilijkej ma kichiwa se milagro kej se señas para kitaskej kox melawak in Yej witz de Dios.

San Mateo 22:35

Iwan se de yejwan katlej tlamachtij itech tlanawatile de Moisés, okitlajtlanij para kitlajtlakolmayawis:

San Marcos 10:2

Sekimej fariseos omijkuanijkej para kitlajtlakolmayawiskej iwan okitlajtlanijkej: ―¿Kox kuale kaj tla se tlakatl kikawas isiwa?

San Marcos 12:13

In fariseos iwan sekimej itekipanojkawan in Herodes oyajkej kan Jesús oyeka. Okitemoliayaj kanaj se tlajtole tlan ika kualtis kitilwiskej.

San Marcos 12:15

Pero Jesús yokimatia nik san teixkajkayajkej, iwan okinmilwij: ―¿Tlanik ankinekij annechmayawiskej ika itlaj tlajtole? Xinechwalkuilikan se tomin ma nikita.

San Juan 8:6

Okitlajtlanijkej ijkón porke okinekiaj kitlajtlakolmayawiskej para kajsiskej itlaj tlan ika kitilwiskej. Pero Jesús omotooloj iwan opéj tlajkuiloa ipan tlale ika imajpil.

1 Corintios 7:10

Pero nikpia se tlanawatile para namejwan katlej antlanamiktiltin. Yin tlanawatile mach de nej, sino de toSeñor. In tlanawatile kijta: in tesiwa amo ma kikawa iokich.

Hebreos 3:9

Ompa kan tlawaki in ya wejkawitl namoweyitajwan onechnonotzkej para kitaskej tlanon nikchiwas, maski ipan omenpoale xiwitl Nej onikinmititij miek tlamantle ika nopoder.