San Marcos 3:5 - Nahuatl Northern Oaxaca

⁵ Jesús okintlatak in fariseos iwan okualanke, iwan omoyolkokoj porke sa tekitl yoltlakuawakej. Ijkuakón okilwij in kokoxke: ―Xikmelawa moma. In kokoxke okimelaj ima iwan san niman ijkuakón opajtik.

San Marcos 3:5 ပူးပေါင်းရင်းမြစ်များ

San Mateo 12:13

Tonses in Jesús okilwij in tlakatl katlej omawakke: ―Xikmelawa moma. Iwan nijkuak okimelaj, opajtik ima iwan omokaj ya kuale ken oksé ima.

San Marcos 3:4

Tonses, Jesús okintlajtlanij in fariseos: ―¿Tlan kijta itlanawatil in Moisés, kipia de mochiwas tlan kuale itech weyi tonale, o noso mochiwas tlan mach kuale? ¿Moneki se kipalewis in tlakatl itech inemilis o noso se kixpolos? Pero yejwan mach ok itlaj okijtojkej.

San Lucas 13:15

Ijkuakón in Señor Jesús okinankilij: ―Teixkajkayajkej, ¿amo ankitotomaj namejwan namotoro o noso namoburro nijkuak weyi tonale iwan anyawij ankatlititiwej?

San Lucas 17:14

Nijkuak in Jesús okinmitak, okinmilwij: ―Xiwian ximoteitititij innawak in tiopixkej. Iwan nijkuak yoyayaj ipan ojtle, opajtikej iwan ochipawikej itech innakayo.

San Lucas 6:10

Tonses Jesús okintlatak nochtin katlej okiyawalojtokaj, iwan okilwij in tlakatl: ―Xikmelawa moma. In tlakatl okimelaj ima, iwan opajtik.

San Juan 9:7

Iwan okilwij: ―Xiwia ximixpakati itech ameyale katlej itoka Siloé ―Siloé kijtosneki Tlatitlanile. In tlakatl katlej mach tlachia oyáj omixpakato. Iwan nijkuak omokuepato ya owelik otlachixke.

Romanos 11:25

Nokniwan, nikneki namechilwis se tlamantle katlej achtoj mach akaj okimatia. Nikneki xikmatikan para amo ximoweyinekikan, iwan amo xikyejyekokan nik namejwan okachi ankualtin iwan amo ken judiojtin. Sekimej judiojtin oyoltlakuawakej, pero yejwan ijkón yoltlakuawatoskej asta ijkuak ma ajsikan nochtin katlej mach judiojtin katlej kipia de momakixtiskej.

2 Corintios 3:14

Pero yejwan okuatlakuawakej iwan mach okimomakayaj kuenta in ya wejkawitl akuerdo. Iwan asta axan, nijkuak momachtiaj in ya wejkawitl akuerdo, mach yipa ya kimomakaj kuenta, kej yeskia tzaktok inmixtlamachilis ika se tzotzole iwan mach welij ixtlapowij. Pero welis ixtlajtlapowiskej tla yejwan kineltokaskej in Cristo.

Efesios 4:18

Nemij tlatleyualpan. Mach itlaj kimomakaj kuenta porke ixtzajtzaktokej iwan mach kipiaj yankuik nemilistle katlej Dios kitemaka. Porke yejwan mach kinekij kikakiskej in Dios.

Efesios 4:26

Tla ankualaniskej, amo xitlajtlakokan. Iwan nijkuak ankualaniskej amo xikualantokan nochi in se tonale sino niman ximotlapojpolwikan.

Efesios 4:30

Amo xikchiwakan de ma moyolkoko iEspíritu Santo in toTajtzin Dios, porke ika iEspíritu namejwan anmokajkej anseyadojtin (onmachiotitokej) para anyeskej kej iaxkawan in Dios asta nekáj tonale nijkuak Yej amechwikas para ilwikak.

Hebreos 3:10

Por yonik onikualanke innawak in yonmej tlakaj, iwan onikijtoj: “Yonmej tlakaj nochipa moyolpolojtinemij, iwan mach kinekij kixmatiskej noojwi.”

Hebreos 3:17

¿Iwan akinmej innawak okualanke in toTajtzin Dios omenpoale xiwitl? Pues innawak nochtin katlej otlajtlakojkej katlej omikkej ne kan tlawaki.

Hebreos 5:9

Iwan ijkón, Jesús okichij nochi tlan omonekia kichiwani. Iwan por yonik noijki, axan Yej weli kinmakixtia iktlanke (ik tlami) nochtin akinmej kineltokaj.

Apocalipsis 6:16

Iwan okinmilwiayaj in tepemej iwan tepejximej: ―Topan xiwetzikij, iwan xitechtlaatikan para amo ma techita nekáj katlej ewatok ipan isiya, iwan para amo ma techajsi in temawtij kualanilistle de yen Ichkatzin.