San Marcos 10:23 - Nahuatl Northern Oaxaca

²³ Jesús otlachixke ik nian nepa iwan okinmilwij imomachtijkawan: ―In tlakaj katlej kimopialiaj sa tekitl owij para kalakiskej kan Dios tlanawatia.

San Marcos 10:23 ပူးပေါင်းရင်းမြစ်များ

San Mateo 18:3

iwan okijtoj: ―Ipan melajka namechilwia, tla namejwan amo anmoyolkuepaj iwan amo anmochiwaj ken pilalaktin, mach ankalakiskej kan Dios tlanawatia.

San Marcos 10:15

Ipan melajka namechilwia, tla se tlakatl amo kikawilis in Dios ma tlanawati ipan iyolo ken se chokotzin kimokawilia, yon tlakatl mach kalakis kan Dios tlanawatia.

San Marcos 10:22

Nijkuak ijkón okikakke in tlakatl oyáj omoyolkokojtiaj porke sa tekitl okimopialiaya.

San Marcos 3:5

Jesús okintlatak in fariseos iwan okualanke, iwan omoyolkokoj porke sa tekitl yoltlakuawakej. Ijkuakón okilwij in kokoxke: ―Xikmelawa moma. In kokoxke okimelaj ima iwan san niman ijkuakón opajtik.

San Marcos 5:32

Jesús okintlatak nochtin tlakaj para kitas akin ijkón okichij.

San Lucas 18:24

Nijkuak Jesús okitak nik sa tekitl omoyolkokoj yon tlakatl, okijtoj: ―Sa tekitl owij para nekatej katlej kimopialiaj kalakiskej kan Dios tlanawatia.

San Juan 3:5

Iwan Jesús okinankilij: ―Ipan melajka nimitzilwia: Akin amo tlakatis ika atl iwan akin amo tlakatis ika Espíritu Santo, mach welis kalakis kan Dios tlanawatia.

1 Corintios 1:26

Nokniwan, xikelnamikikan kenik anyekaj nijkuak Dios oamechnotzke para xiekan iaxkawan. Mach miekej de amejwan anyekaj anmixtlamatkej ixko yin tlaltikpak. Mach miekej de amejwan ankipiayaj tekiwajkayotl, iwan nion mach anyekaj de familia katlej okachi wejweyikistokej (wejweyititokej).

Santiago 2:5

Notetlasojkaikniwan, xikkakikan. Dios okinpejpenke katlej pobrestin de ixko yin tlaltikpak, para ma yekan rikojtin itech intlaneltokalis, iwan para kinmaxkatis in yankuik nemilistle kan Dios tlanawatia, ijkón ken Yej okijtoj kinmakas akinmej kitlasojtlaj.

Santiago 4:4

¡Melawak mach ankitlakitaj in Dios! Porke tla ankinekij ankichiwaskej ken kichiwaj in tlaltikpaktlakaj katlej mach kixmatij Dios, kijtosneki anmokuepaj kej ikontraswan Dios. Porke akin kineki kipias iyolo ken kipiaj in tlaltikpaktlakaj, kijtosneki mokuepa kej ikontra in Dios.

2 Pedro 1:11

Iwan toSeñor Jesucristo katlej toTemakixtij, Yej amechtlatlapolis ompa ilwikak iwan amechresibiros ika pakilistle nijkuak ompa anmajsitiwej kan Yej tlanawatijtos nochipa.