San Lucas 8:49 - Nahuatl Northern Oaxaca

⁴⁹ Nijkuak in Jesús ok okitlapowijtoka in siwatl, ijkuakón oejkok se tlakatl katlej owalaj de ichan Jairo, yon Jairo yen katlej tlayekanke de tiopan, iwan yon tlakatl okilwij in Jairo: ―Motakkoj yomikke. Ayakmo xiktekimaka in Tlamachtij.

San Lucas 8:49 ပူးပေါင်းရင်းမြစ်များ

San Mateo 26:10

Jesús okikakke, iwan okinmilwij: ―¿Tlanik anmokuejsoaj inawak yin siwatl? Porke kuale tlan okichij.

San Mateo 9:18

Iwan nijkuak Jesús okintlapowijtoka in tlakaj de yon tlajtole, ijkuakón owalaj se tlayekanke judío, omotlankuaketzke iyakapan Jesús iwan okilwij: ―Nochpoch yakin tlami omikke. Pero tla tejwatzin tias iwan tla ipan tikintlalis momawan, moyolkuis (moyolitis).

San Marcos 5:22

Satepan se tlakatl itoka Jairo, katlej oyeka se de yen tlayekankej de itech intiopan in judiojtin de yon lugar, nijkuak okitak in Jesús, omijkuanij iwan omotlankuaketzke iyakapan.

San Lucas 11:7

Iwan tla nekáj tlakatl waltlanankilis desde ikalijtik, iwan kilwis: “Amo xinechkuejso. Ya tzaktok in puerta, iwan nokonewan ya kochtokej nowan ipan totlapech. Mach welis nimoketzas para nimitzinmakati.”

San Lucas 7:6

Tonses Jesús oyáj inwan. Pero nijkuak ya onajsiaj ichan kapitan, in kapitan okintitlanke sekimej iamigoswan para ma kilwikan in Jesús: ―Señor, amo xitlanemili, porke mach notech powi xikalaki nokalijtik.