San Lucas 7:29 - Nahuatl Northern Oaxaca

²⁹ Nochtin in tlakaj iwan asta katlej tlakobraroaj ika impuestos nijkuak okikakej tlan okintlapowij in Juan, omotemakakej ma kinkuateeki, porke okineltokakej iwan okitakej nik sa tekitl kuale itlajtol in toTajtzin Dios katlej Juan okinmachtiaya.

San Lucas 7:29 ပူးပေါင်းရင်းမြစ်များ

San Mateo 5:46

Porke in tla namejwan ankintlasojtlaj sanwel katlej amechtlasojtlaj, ¿tlan welis ankitlaniskej? Asta katlej tlakobraroaj ika impuestos no ijkón kichiwaj.

San Lucas 20:6

Iwan tla tikijtoskej yejwan in tlakaj okinawatijkej, nochtin in tlakaj techmiktiskej ika tetl, porke yejwan kuale kimatij nik in Juan oyeka profeta de Dios.

San Lucas 3:12

Noijki owalajkej sekimej katlej tlakobraroaj ika impuestos para mokuateekiskej, iwan okitlajtlanijkej in Juan: ―Tlamachtij, ¿tlanon moneki tikchiwaskej in tejwan?

San Lucas 7:28

Iwan namechilwia, ke entre nochtin in tlakaj mach akaj onkaj katlej okachi ma kipanawili in Juan Tlakuateekij. Pero se tlaneltokak katlej okachi tzikitzin de kan Dios tlanawatia yen yon okachi weyi ke Juan.

San Lucas 7:35

Pero in ixtlamachilistle de Dios mota por tlan se kichiwa ika Dios iixtlamachilis.

Hechos 18:25

Okiyekixmatia iojwi in Señor, iwan otetlapowiaya ika pakilistle. Tlan Apolos otetlapowiaya iwan tlan otlamachtiaya de Jesús yon melawak, pero san yen tlakuateekilistle de Juan tlan okimatia.

Hechos 19:3

Ijkuakón Pablo okintlajtlanij: ―Tonses, ¿tlan tlakuateekilistle ankineltokakej kiné? Yejwan okijtojkej: ―Otimokuateekijkej ijkón ken otlakuateekiaya in Juan Tlakuateekij.

Romanos 10:3

Porke in judiojtin mach kimomakaj kuenta kenik in Dios weli techita tichipawakej de totlajtlakol. Sino yejwan inselti kinekij mochipawaskej de intlajtlakol, iwan amo ken Dios kineki. Mach kinekij kineltokaskej tlan Dios yokijtoj de kenik kipia de yetos para welis techitas tichipawakej de totlajtlakol.

Apocalipsis 15:3

Iwan okitlakuikayaj (okuikayaj) se tlakuikale katlej Moisés okijkuiloj katlej okitekipanoaya in toTajtzin Dios, iwan noijki otlakuikayaj para yen Ichkatzin. Ijkín nik otlakuikayaj: Weyi iwan tetlajtlachialtij (temajmawtij) nochi tlan tejwatzin otikchij, Señor, tejwatzin Dios katlej tikpia nochi poder. Tikchiwa tlan kuale iwan tlan melawak, tejwatzin tiRey de nochtin paismej.

Apocalipsis 16:5

Satepan onikakke in ángel katlej kinawatia in atl. Okijtoj: ―Tejwatzin otikchij ken moneki, Señor, tejwatzin tiyolchipawak, tejwatzin katlej axan tikaj iwan katlej achtoj yotieka.