San Lucas 23:40 - Nahuatl Northern Oaxaca

⁴⁰ Pero in oksé katlej noijki mach kuale, okajwak iwan okilwij: ―¿Amo tikimakasi in Dios, maski ya tikmati nik san sekan timikiskej?

San Lucas 23:40 ပူးပေါင်းရင်းမြစ်များ

San Mateo 20:9

Tonses oejkokej in tlapalewijkej katlej okalakej kej las sinko de tiotlakke, iwan kada se de yejwan okitlaxtlawijkej se denario tomin.

San Mateo 8:26

Yej okinnankilij: ―¿Tlanik wel anmomawtiaj? Namejwan wel tzikitzin namotlaneltokalis. Ijkuakón, omoketzke, okajwak in ejekatl iwan atl, iwan san niman omokaj sa tlamantok.

San Lucas 12:5

Pero Nej namechilwis akin moneki ankimakasiskej: xikimakasikan toTajtzin Dios katlej welis amechmiktis, iwan ika ipoder welis kititlanis namoanima ijtik tliko. Ijkón kiné, moneki xikimakasikan yen toTajtzin Dios.

San Lucas 23:39

Se de yen omen tlakaj katlej mach kualtin katlej ompa opilkatoka itech krus, noijki san tlan amo okilwij, okijtoj: ―Tla tej tiCristo, monewian ximomakixti, iwan xitechmakixti in tejwan noijki.

San Lucas 23:41

Tejwan technamiki ma techtlajyowiltikan, porke ya tiktlaxtlajtokej tlan otikchijkej, pero yin tlakatl mach itlaj okichij.

Efesios 5:11

Amo xikchiwakan itlaj tlamantle katlej mach tepalewij ken katlej kichiwaj in tlakaj katlej katej ijtik tlatleyualotl. Okachi kuale xikinmilwikan nik mach kuale yon tlan kichiwaj.

Apocalipsis 15:4

¿Akin amo mitzimakasis, Señor? ¿Akin amo mitzweyikixtis? San yen tejwatzin tiyolchipawak, iwan nochtin tlaltikpaktlakaj de nochtin paismej witzej iwan mitzweyikixtiskej, porke in tlaltikpaktlakaj kitaj nik tikchiwa nochi tlan kuale.

Apocalipsis 16:11

Iwan okiwikaltiayaj in toTajtzin Dios katlej kajki ilwikak, porke otlajyowiayaj iwan porke otenkej de tzotzomej, pero maski ijkón, mach okikajkej tlan amo kuale.