San Lucas 20:25 - Nahuatl Northern Oaxaca

²⁵ Tonses in Jesús okinmilwij: ―Pues xikmakakan in César tlan de yen César, iwan xikmakakan Dios tlan de yen Dios.

San Lucas 20:25 ပူးပေါင်းရင်းမြစ်များ

San Mateo 17:27

Pero maski amo tikpiaj de tiktlaxtlawaskej, iwan para amakaj ma kualani, xiwia kan lago, xikkajkawa moanzuelo ijtik atl, iwan in michin katlej achtoj tikixtis, xikkamachalolti iwan tikkajxilis se tomin, iwan ika xiktlaxtlawa in de Nej noimpuesto iwan de tej moimpuesto.

San Mateo 22:21

Okinankilijkej: ―De César. Iwan Jesús okinmilwij: ―Xikmakakan in César tlan de yen César, iwan xikmakakan Dios tlan de yen Dios.

San Marcos 12:17

Ijkuakón Jesús okinmilwij: ―Xikmakakan in César tlan de yen César, iwan xikmakakan Dios tlan de yen Dios. Iwan yejwan sa otlajtlachixkej (omomajmawtijkej) de kenik okinnankilij.

San Lucas 20:24

Xinechititikan se tomin. ¿De akin ixko iwan akin itoka katlej nestok itech yin tomin? Yejwan okijtojkej: ―De César.

Hechos 5:29

Pedro iwan oksekimej tlatitlaniltin otlanankilijkej: ―Tejwan tikpiaj de tikchiwaskej tlan Dios kijta iwan amo tlan namejwan ankijtaj.

1 Corintios 10:31

Tla namejwan antlakuaj, o noso ankonij, o noso ankichiwaj itlaj oksé tlamantle, xikchiwakan nochi para in tlakaj ma kiweyikixtikan in toTajtzin Dios por tlan namejwan ankichiwaj.

1 Pedro 4:11

Tla akaj de amejwan tlapoa de itlajtol in Dios, ma tlapoa kiné kej yeskia yen Dios tlapoa. Tla akaj kinpalewia oksekimej, ma kinpalewi kiné ika nochi ichikawalis katlej Dios kimaka. Nochi tlan ankichiwaskej ma yeto para ika ankiweyikixtiskej in toTajtzin Dios porke namejwan ankineltokaj in toSeñor Jesucristo, katlej kipia imawisotlanex iwan kipia ipoder nochipa.