San Juan 9:35 - Nahuatl Northern Oaxaca

³⁵ Jesús okimatke nik in tlakatl katlej mach otlachiaya okikixtijkej iktlanke (ik tlami) de itech intiopan. Iwan nijkuak in Jesús okinamikke yon tlakatl, okitlajtlanij: ―¿Titlaneltoka inawak iKone in Dios?

San Juan 9:35 ပူးပေါင်းရင်းမြစ်များ

San Mateo 14:33

Ijkuakón katlej oyekaj itech barko omotlankuaketzkej iyakapan Jesús iwan okiweyikixtijkej, okijtojkej: ―Melawak nik tejwatzin titeKone de Dios.

San Mateo 16:16

Simón Pedro okinankilij: ―Tejwatzin tiCristo, titeKone de Dios katlej nochipa yolitok.

San Mateo 4:3

Ijkuakón, in tetlajtlakolmayaj owalaj inawak Jesús para kitlajtlakolmayawis, iwan okilwij: ―Tla melawak Tej titeKone de Dios, xikchiwa ma mokuepa pan in yinmej temej.

San Marcos 1:1

Ijkín nik opéj in kuale tlajtole katlej temakixtia de Jesucristo iKone in toTajtzin Dios.

San Juan 1:18

Dios mach semi akaj kita. Pero iKone katlej san Yej se, katlej noijki Dios, iwan katlej kajki iwan iPapan, yen otechixmatiltiko in Dios.

San Juan 1:34

Iwan nej yonikitak, iwan por yonik namechilwia nik yen yon iKone in toTajtzin Dios.

San Juan 10:36

Iwan tla Dios onechpejpenke iwan onechwaltitlanke ixko yin tlaltikpak, ¿tlanik kiné, namejwan ankijtaj ke nikixpanawia in Dios por onikijtoj nik in Nej niiKone?

San Juan 11:27

Marta okilwij: ―Nikneltoka, Señor. Nikneltoka nik tejwatzin tiCristo, titeKone de Dios. Yen tejwatzin katlej tejwan otikchiayaj ma wiki ixko yin tlaltikpak.

San Juan 20:28

Ijkuakón Tomás okilwij: ―¡Tejwatzin tinoDios iwan tinoSeñor!

San Juan 20:31

Pero nochi yin tlan ijkuilitok itech yin libro, omijkuiloj para namejwan xikneltokakan nik in Jesús yen Cristo, iKone in toTajtzin Dios. Iwan tla namejwan antlaneltokaskej inawak ankipiaskej nemilistle katlej mach keman tlamis.

San Juan 3:36

Akin kineltoka iKone in toTajtzin Dios, kipia nemilistle katlej mach keman tlamis. Pero akin amo kineltoka yon iKone, mach kipias yon nemilistle, sino ipan witz ikualanilis in Dios.

San Juan 5:14

Satepan, Jesús okitak in yon tlakatl kan weyi tiopan, iwan okilwij: ―Xikkaki, yotipajtik, ayakmo xitlajtlako, para amo timochiwas itlaj okachi temawtij.

San Juan 6:69

Iwan tejwan yotikneltokakej iwan ya tikmatokej nik tejwatzin tiiyolchipawkaKone in toTajtzin Dios katlej yolitok.

San Juan 9:22

Itajwan ijkón okijtojkej porke okinmiimakasiaj in tlayekankej judiojtin, porke in tlayekankej judiojtin yokichijkaj san se tlajtole ke tla akaj kijtos nik Jesús yen Cristo, kikixtiskej iktlanke (ik tlami) de itech intiopan.

San Juan 9:34

Iwan yejwan okilwijkej: ―Tej otitlakatke titentok de tlajtlakole, ¿iwan axan tikneki titechmachtis? Iwan okikixtijkej iktlanke (ik tlami) de itech intiopan.

Hechos 8:36

Okachi tlayakapan, oajsitoj se lado kan oyeka atl, iwan tlakatl etiope okijtoj: ―Nian onkaj atl, ¿amo welis tinechkuateekis?

Hechos 8:37

Felipe okilwij: ―Tla ika nochi moyolo tikneltoka in Cristo, tonses welis. In tlakatl etiope okilwij: ―Nikneltoka nik in Jesucristo yen iKone in toTajtzin Dios.

Hechos 9:20

San niman Saulo opéj tetlapowia itech tiopanmej de yen judiojtin nik Jesús yen iKone in toTajtzin Dios.

Romanos 1:4

Pero nijkuak omoyolkuik satepan de omikke, omoteititij nik melawak Yej iKone in Dios katlej kipia weyi ipoder, iwan noijki okipiaya in Espíritu Santo katlej chipawak porke Yej Dios.

Romanos 10:20

Satepan, Isaías okijtoj ika ixchikawalistle: Katlej achtoj mach onechtemoayaj, axan yonechajsikej. Iwan katlej mach otlajtlaniaj por Nej, axan yonikinmonextilij.

1 Juan 4:15

Akin kineltoka iwan kijta inmixpan nochtin in tlakaj nik in Jesús yen iKone in Dios, kijtosneki Dios kajki iwan yej, iwan yej kajki iwan Dios.

1 Juan 5:10

Akin kineltoka iKone in Dios, kuale kimati ipan iyolo nik melawak tlan kineltoka. Akin amo kineltoka in Dios, kijtosneki kichiwa kej yeskia tekajkayaj in Dios, porke amo kineltoka tlan Dios techmatiltia nik in Jesús yen iKone.

1 Juan 5:13

Namechtlajkuililia namejwan katlej ankineltokaj iKone in Dios, para kuale xikmatikan nik ya ankipiaj yankuik nemilistle katlej mach keman tlamis.

1 Juan 5:20

Noijki tikmatij nik iKone in Dios owalaj, iwan otechmakak tlalnamikilistle para ma tikixmatikan katlej melawak Dios. Iwan axan tikatej iwan katlej melawak Dios, kijtosneki tikatej iwan iKone, yen Jesucristo. Yen yin katlej melawak Dios iwan yen katlej techmaka yankuik nemilistle katlej mach keman tlamis.

1 Juan 5:5

Iwan akin kineltoka nik in Jesús yen iKone in Dios, yen yon akin weli kitlani tlan amo kuale de ixko yin tlaltikpak.

3 Juan 1:10

Por yonik, nijkuak nej nias ompa, namechilwis tlan biero kichijtok. Nechistlakawijtinemi ika tlan amo melawak iwan tlapojtinemi biero de nej. Iwan amo san yon, sino noijki mach kineki kinresibiros in tokniwan katlej ompa ajsij. Iwan akinmej kinekij kinresibiroskej in tokniwan, yej mach kinkawilia, iwan asta kinkixtia iktlanke (ik tlami) de itech tiopan.