San Juan 9:17 - Nahuatl Northern Oaxaca

¹⁷ Iwan oksemi okitlajtlanijkej in tlakatl katlej mach otlachiaya: ―¿Iwan tej, tlan tikijta de nekáj tlakatl katlej omitztlachialtij? Iwan yej okijtoj: ―Nej nikijta nik in yon tlakatl profeta.

San Juan 9:17 ပူးပေါင်းရင်းမြစ်များ

San Mateo 21:11

Iwan tlakaj okijtoayaj: ―Yin yen Jesús, in profeta de pueblo de Nazaret, de estado de Galilea.

San Lucas 24:19

Tonses in Jesús okinmilwij: ―¿Tlan otlamochij? Yejwan okilwijkej: ―De yen Jesús de pueblo de Nazaret, katlej oyeka profeta iwan okipiaya poder de nochi tlan okichiwaya, iwan de nochi tlan okijtoaya inawak Dios iwan innawak nochtin in tlakaj.

San Juan 4:19

Nijkuak ijkón okikakke in siwatl, okilwij: ―Señor, nikmomaka kuenta nik tejwatzin tiprofeta.

San Juan 6:14

Nijkuak in tlakaj okitakej yon milagro katlej Jesús okichij, okijtojkej: ―Ipan melajka, yen yin profeta katlej otikchixtokaj ma wiki ixko yin tlaltikpak.

San Juan 9:15

In fariseos okitlajtlanijkej in tlakatl kenik ya weli tlachia. Iwan yej okinmilwij: ―Onechixaltilij akuitlatl itech noixtololowan, onimixpakke, iwan axan ya kuale nitlachia.

Hechos 10:38

Namejwan ankimatij nik in Dios okititlanke in Espíritu Santo itech Jesús de Nazaret para okipixke poder. Iwan ankimatij nik in Jesús okichiwaya tlan kuale. Okinpajtij nochtin akinmej okintlajyowiltiaya in diablo. Jesús okichij nochi yon porke Dios okipalewiaya.

Hechos 2:22

’Xikkakikan kiné tlakaj de Israel tlan namechilwis: Jesús de Nazaret, Dios okipejpenke. Namejwan kuale ankimatij porke Jesús okipixke miek poder para okinchij milagrostin iwan señalestin anmoixpan.