San Juan 7:39 - Nahuatl Northern Oaxaca

³⁹ Jesús ijkón okijtoj kijtosneki akinmej kineltokaskej in Jesús kiresibiroskej in Espíritu Santo. Ijkuakón ayamo owalaya in Espíritu Santo porke in Jesús mach ya oyaya ilwikak para kiweyikixtiskej.

San Juan 7:39 ပူးပေါင်းရင်းမြစ်များ

San Mateo 16:14

Yejwan okijtojkej: ―Sekimej kijtaj tejwatzin tiJuan Tlakuateekij. Oksekimej kijtaj tejwatzin tiElías, iwan oksekimej kijtaj tejwatzin tiJeremías o noso akaj oksé profeta.

San Mateo 21:11

Iwan tlakaj okijtoayaj: ―Yin yen Jesús, in profeta de pueblo de Nazaret, de estado de Galilea.

San Lucas 24:49

Iwan axan xikkakikan, Nej namechwaltitlanilis amopan tlan noPapan oamechilwij. Pero ximokawakan nian Jerusalén asta xikresibirokan in poder katlej witz de ilwikak.

San Lucas 3:16

Pero in Juan okinmilwij nochtin: ―Nej, melawak, namechkuateekia ika atl. Pero witz se tlakatl katlej amechkuateekis ika Espíritu Santo iwan ika tlitl. Yej okachi kipia poder iwan amo ken nej, iwan nion mach notech powi nion para nikaktotomas.

San Lucas 7:16

Nochtin omomawtijkej nijkuak ijkón okitakej, iwan opéj kiweyikixtiaj in toTajtzin Dios, okijtoayaj: ―Omonextij se weyi profeta tonawak. Noijki okijtoayaj: ―Dios owalaj para kinpalewis in judiojtin.

San Juan 1:21

Iwan okitlajtlanijkej: ―Tonses, ¿akin tej? ¿Tej tiElías? Juan okijtoj: ―Amo, nej mach niElías. Oksemi okitlajtlanijkej: ―¿Yen tej tiprofeta katlej kipia de witz? Juan okinnankilij: ―Amo, mach nej.

San Juan 1:25

Iwan okitlajtlanijkej: ―¿Tlanik kiné titlakuateekia tla amo yen tej tiCristo, nion amo yen tej tiElías, nion amo yen tej tiprofeta katlej tikchiaj ma wiki?

San Juan 1:33

Nej mach ya onikixmatia, pero akin onechwaltitlanke ma nitlakuateeki ika atl, onechilwij: “Nijkuak tikitas in Espíritu Santo waltemos iwan motlalis ipan se tlakatl, yen yon katlej tlakuateekis ika Espíritu Santo.”

San Juan 12:16

Itech yon tonale imomachtijkawan mach okimomakakej kuenta tlan kijtosneki yon tlamantle tlan otlamochij. Pero satepan nijkuak in Jesús oyáj ilwikak, okelnamikej ke nochi yon yokatka ijkuilitok itech tiotlajkuilole kan otlapoaya de yen Jesús, iwan ijkón otlapanok.

San Juan 12:23

Ijkuakón Jesús okinmilwij: ―Yoajsiko in tonale nijkuak in Nej katlej onimochij nitlakatl nechweyikixtiskej.

San Juan 14:13

Iwan nochi tlan ankitlajtlaniskej ika notoka, Nej nikchiwas, para ijkón ma kiweyikixtikan noPapan por medio de Nej niiKone.

San Juan 14:26

Pero in Teyolojchikaj, yen Espíritu Santo katlej noPapan kiwaltitlanis ika notoka, Yej amechmachtis nochi tlamantle. Iwan amechelnamiktis nochi tlamantle katlej Nej yonamechilwij.

San Juan 16:14

Yej kichiwas in tlakaj ma nechweyikixtikan porke amechmachtis miek tlamantle de Nej.

San Juan 16:7

Pero Nej namechilwia tlan melawak, ke okachi kuale para namejwan ma niwia. Porke tla amo nias, in Teyolojchikaj mach witz para yetos amowan. Pero tla nias, Nej nikkualtitlanis.

San Juan 17:1

Satepan de okijtoj yon tlajtole, Jesús oajkopantlachixke ik ilwikak, iwan okijtoj: ―Papan, yoajsiko ora. Xinechweyikixti Nej nimoKone, para ijkón Nej noijki nimitzweyikixtis tejwatzin.

San Juan 17:5

Axan kiné, Papan, xinechweyikixti monawak ika weyikixtilistle katlej mowan onikpiaya desde ijkuak in tlaltikpak ayamo oyeka.

San Juan 20:22

Iwan okinmijpitzke imomachtijkawan, iwan okinmilwij: ―Xikresibirokan in Espíritu Santo.

San Juan 6:14

Nijkuak in tlakaj okitakej yon milagro katlej Jesús okichij, okijtojkej: ―Ipan melajka, yen yin profeta katlej otikchixtokaj ma wiki ixko yin tlaltikpak.

San Juan 7:12

Nochtin tlakaj omotlapowiayaj de Yej. Sekimej okijtoayaj: “Jesús kuale tlakatl.” Iwan oksekimej okijtoayaj: “Jesús mach kuale, san kinkajkayajtinemi in tlakaj.”

San Juan 8:54

Iwan Jesús okinnankilij: ―Tla Nej niktemoani noweyikixtilis, tonses noweyikixtilis mach itlaj ipatij. Pero katlej nechweyikixtia, yen noPapan, katlej namejwan ankijtaj yen namoDios.

Hechos 19:2

Pablo Okintlajtlanij: ―¿Ankiresibirojkej in Espíritu Santo nijkuak antlaneltokakej? Yejwan okinankilijkej: ―Mach keman tikkakij kox onkaj Espíritu Santo.

Hechos 2:17

Dios kijta: Ijkín tlapanos itech nekatej sa iyakatlanka tonaltin. Niktitlanis noEspíritu intech nochtin tlaltikpaktlakaj. Namopilwan kijtoskej tlan satepan tlapanos. In telpokamej kitaskej itlaj kej yeskia teemiktokej, iwan in tetajtzitzintin kikochteemikiskej tlan tlapanos.

Hechos 2:33

Yej omoyolkuik ika poder para omotlalij ik iyekma in toTajtzin Dios, yen toTajtzin Dios okimakak in Espíritu Santo katlej achtoj Jesús okijtoj techwaltitlanilis, iwan axan Yej yotechnokilij iEspíritu katlej namejwan axan ankitaj iwan ankikakij.

Hechos 2:38

Pedro okinnankilij: ―Ximoyolkuepakan inawak Dios iwan ximokuateekikan kada se de amejwan ika itoka in toSeñor Jesucristo, para ijkón Dios amechtlapojpolwis de amotlajtlakol, iwan ijkón Yej amechtliokolis iEspíritu Santo.

Hechos 2:4

Iwan nochtin otenkej de Espíritu Santo iwan opéj tlapoaj ika oksekimej tlajtoltin. Iwan okijtoayaj tlan Espíritu Santo okintoktiaya ma kijtokan.

Hechos 3:13

Yen Dios okipajtij in koxo, yen Dios de Abraham, de Isaac, de Jacob, iwan de yen ya wejkawitl toweyitajwan. Dios okipajtij iwan ika okiweyikixtij in Jesús katlej iKone, katlej namejwan ankitemaktijkej (okinkitemaktilijkej) imak Pilato, yej okinekia kikajkawani iwan namejwan mach ankinekej.

Hechos 4:31

Nijkuak otlankej omotiotzajtzilijkej, kan oololitokaj otlalolinke, iwan nochtin otenkej de Espíritu Santo, iwan otetlapowiayaj de itlajtol in toTajtzin Dios ika ixchikawalistle.

Romanos 8:9

Pero namejwan mach ok amechyekana namotlalnakayo, sino namejwan ya amechyekana in Espíritu Santo, porke iEspíritu in toTajtzin Dios ya kajki ipan namoyolo. Akin amo kipia iEspíritu in Cristo, kijtosneki mach iaxka in Cristo.

2 Corintios 3:8

axan kipia okachi weyi imawisotlanex in yankuik akuerdo para se welis kitekipanos in toTajtzin Dios porke ya techmaka iEspíritu Santo.

Efesios 4:30

Amo xikchiwakan de ma moyolkoko iEspíritu Santo in toTajtzin Dios, porke ika iEspíritu namejwan anmokajkej anseyadojtin (onmachiotitokej) para anyeskej kej iaxkawan in Dios asta nekáj tonale nijkuak Yej amechwikas para ilwikak.