San Juan 6:14 - Nahuatl Northern Oaxaca

¹⁴ Nijkuak in tlakaj okitakej yon milagro katlej Jesús okichij, okijtojkej: ―Ipan melajka, yen yin profeta katlej otikchixtokaj ma wiki ixko yin tlaltikpak.

San Juan 6:14 ပူးပေါင်းရင်းမြစ်များ

San Mateo 11:3

Iwan imomachtijkawan in Juan okitlajtlanijkej in Jesús: ―¿Yen tejwatzin tiCristo katlej Dios techilwijtiwitz kipia de witz o noso ok moneki tikchiaskej ma wiki?

San Mateo 21:11

Iwan tlakaj okijtoayaj: ―Yin yen Jesús, in profeta de pueblo de Nazaret, de estado de Galilea.

San Lucas 24:19

Tonses in Jesús okinmilwij: ―¿Tlan otlamochij? Yejwan okilwijkej: ―De yen Jesús de pueblo de Nazaret, katlej oyeka profeta iwan okipiaya poder de nochi tlan okichiwaya, iwan de nochi tlan okijtoaya inawak Dios iwan innawak nochtin in tlakaj.

San Lucas 7:16

Nochtin omomawtijkej nijkuak ijkón okitakej, iwan opéj kiweyikixtiaj in toTajtzin Dios, okijtoayaj: ―Omonextij se weyi profeta tonawak. Noijki okijtoayaj: ―Dios owalaj para kinpalewis in judiojtin.

San Juan 1:21

Iwan okitlajtlanijkej: ―Tonses, ¿akin tej? ¿Tej tiElías? Juan okijtoj: ―Amo, nej mach niElías. Oksemi okitlajtlanijkej: ―¿Yen tej tiprofeta katlej kipia de witz? Juan okinnankilij: ―Amo, mach nej.

San Juan 11:27

Marta okilwij: ―Nikneltoka, Señor. Nikneltoka nik tejwatzin tiCristo, titeKone de Dios. Yen tejwatzin katlej tejwan otikchiayaj ma wiki ixko yin tlaltikpak.

San Juan 2:11

Yen yin katlej yakinika milagro okichij in Jesús itech pueblo de Caná de Galilea. Ika yon milagro okiteititij ipoder. Iwan imomachtijkawan otlaneltokakej inawak.

San Juan 4:19

Nijkuak ijkón okikakke in siwatl, okilwij: ―Señor, nikmomaka kuenta nik tejwatzin tiprofeta.

San Juan 4:25

In siwatl okilwij: ―Nikmati nik witz in Mesías, katlej kilwiaj Cristo. Iwan nijkuak Yej witz techtomilis nochi yin tlamantle.

San Juan 4:42

Iwan okilwijkej in siwatl: ―Axan tikneltokaj amo san por tlan tej otitechilwij, sino porke tejwan tonewian yotikkakej noijki, iwan yotikmatkej ipan melajka nik Yej kinmakixtis in tlaltikpaktlakaj.

San Juan 6:2

Miekej tlakaj oyajkej iwan Jesús porke okinmitayaj in señalestin katlej Yej okinchiwaya ika ipoder itech in kokoxkej.

San Juan 6:26

Iwan Jesús okinnankilij: ―Ipan melajka namechilwia, namejwan annechtemoaj amo porke melawak ankimomakakej kuenta tlan kijtosneki in señal, sino porke onamechtlamakak iwan anmixwikej.

San Juan 6:30

Iwan yejwan okilwijkej: ―¿Tlan milagro titechititis para ma tikitakan iwan para ma timitzneltokakan? ¿Tlan milagro titechititis?

San Juan 7:40

Sekimej de yonmej tlakaj nijkuak ijkón okikakej okijtojkej: ―Ipan melajka yin yen profeta katlej otikchixtokaj ma wiki.

Hechos 7:37

Yen yon Moisés katlej achtoj okinmilwij in tlakaj de Israel: “Dios anmechwaltitlanilis se profeta ken nej onechwaltitlanke, iwan kisas de yen namejwan. Xikneltokilikan tlan amechilwis.”