San Juan 20:25 - Nahuatl Northern Oaxaca

²⁵ Satepan in oksekimej imomachtijkaikniwan okilwijkej: ―Yotikitakej in toSeñor. Pero in Tomás okinnankilij: ―Tla amo nikinmitas imawan iwan tla amo nikkalakis nomajpil kan okimakujkuyunijkej ika klabostin, iwan noijki tla amo nikkalakis noma itech ikestlan, mach nikneltokas.

San Juan 20:25 ပူးပေါင်းရင်းမြစ်များ

San Mateo 27:42

―Okinmakixtij oksekimej, pero yej inewian mach weli momakixtia. Tla melawak yen Rey de Israel, ma temo de itech krus, para tikneltokaskej nik melawak yen Cristo.

San Marcos 16:11

Iwan nijkuak okinmilwij nik in yej okitak in Jesús yolitok, yejwan mach okineltokakej.

San Marcos 16:13

Yejwan noijki okinmatiltijkej in oksekimej momachtijkej iwan noijki mach okinneltokilijkej.

San Marcos 16:14

Okachi satepan okinmotitij san ken majtlaktle iwan se imomachtijkawan, nijkuak yejwan oewatokaj otlakuajtokaj. Jesús okinmajwak porke mach tlaneltokakej iwan por yoltlakuawakej, porke mach okinneltokilijkej katlej okinmilwijkej nik okitakej in Jesús yolitok.

San Lucas 24:25

Ijkuakón Jesús okinmilwij: ―¡Melawak amechpoloa tlalnamikilistle, iwan sa tekitl owij ankineltokaj nochi tlan okijtojkej in profetajtin!

San Juan 1:41

Andrés niman oyáj okitemoto ikni katlej itoka Simón, iwan okilwij: ―Yotikajsikej in Mesías ―kijtosneki Cristo o noso Tlapejpenale de Dios.

San Juan 20:27

Ijkuakón okilwij in Tomás: ―Xikinmita nomawan iwan xikkalaki momajpil itech nomakpal. Noijki xikkalaki moma ik nokestlan. Amo xieto mach titlaneltokak, sino xieto titlaneltokak.

San Juan 21:7

Ijkuakón in momachtij katlej Jesús okitlasojtlaya, okilwij in Pedro: ―¡Yen toSeñor! San niman nijkuak ijkón okikakke in Simón Pedro nik yen Señor, omotzotzoltijtiwetzke, porke oyeka xitlatztik, iwan omotlamotlak ijtik atl.

San Juan 6:30

Iwan yejwan okilwijkej: ―¿Tlan milagro titechititis para ma tikitakan iwan para ma timitzneltokakan? ¿Tlan milagro titechititis?

Hebreos 3:12

Por yonik, nokniwan, xikpiakan kuidado de amo ankipiaskej namoyolo mach kuale para amo ankikawaskej de ankineltokaskej in toTajtzin Dios, iwan amo anmoxeloskej de inawak Dios katlej yolitok.

Hebreos 3:18

¿Iwan akinmej okinmilwij in toTajtzin Dios nik mach kalakiskej kan Yej yotlayektlalij para mosewiskej? Pues yejwan katlej mach okitlakitakej.