San Juan 18:38 - Nahuatl Northern Oaxaca

³⁸ Pilato okilwij: ―¿Iwan tlanon yon melawak? Nijkuak in Pilato ijkón okitlajtlanij, san niman okiske oksemi omotlapowito inwan judiojtin, iwan okinmilwij: ―Mach itlaj tlajtlakole nikkajxilia.

San Juan 18:38 ပူးပေါင်းရင်းမြစ်များ

San Mateo 27:24

Nijkuak in Pilato okitak nik mach itlaj owelia okichiwaya iwan yej okachi oyomoniaj, ijkuakón otlanawatij ma kikuitij atl iwan omomajtekij inmixpan nochtin tlakaj, iwan okijtoj: ―Nej mach nikmati de imikilis in yin tlakatl. Ompa amejwan xikitakan.

San Marcos 15:14

Pilato okinmilwij: ―¿Tlanik? ¿Tlan okichij? Pero yejwan okachi okuawtzajtziaj: ―¡Xikmajmasolti itech krus, ma miki!

San Lucas 23:4

Ijkuakón Pilato okinmilwij in tlayekankej tiopixkej iwan tlakaj: ―Mach itlaj tlajtlakole nikkajxilia yin tlakatl.

San Juan 18:33

Ijkuakón Pilato oksemi okalakke itech ipalacio, okinotzke in Jesús iwan okilwij: ―¿Yen tej tiRey de judiojtin?

San Juan 19:4

Pilato okiske oksemi, iwan okimilwij in judiojtin: ―Xikitakan, nian namechwalwikilia, para xikmomakakan kuenta nik mach itlaj tlajtlakole nikkajxilia.

San Juan 19:6

Nijkuak okitakej in tlayekankej tiopixkej iwan mayoltin, otzajtzikej chikawak: ―¡Xikmajmasolti itech krus! ¡Ma miki! Pilato okinmilwij: ―Amejwan xikwikakan iwan xikmajmasoltikan itech krus, porke nej mach itlaj tlajtlakole nikkajxilia.

Hechos 17:32

Nijkuak okikakej nik in mikkamej moyolkuiskej (moyolitiskej), sekimej okipinawijkej iwan oksekimej okijtojkej: ―Okachi kuale itech oksé tonale oksemi welis titechtlapowis.

1 Pedro 1:19

Sino okitlaxtlaj ika ieso in toSeñor Jesucristo nijkuak omikke, iwan yon ieso sa tekitl patíoj. Ya wejkawitl in tlakaj okimiktiayaj se ichkatzin katlej sa tekitl kuale iwan chipawak para okimakayaj in toTajtzin Dios kej se tlamanale, Cristo no ijkón omikke por tejwan maski mach okipixke nion se tlajtlakole.