San Juan 18:33 - Nahuatl Northern Oaxaca

³³ Ijkuakón Pilato oksemi okalakke itech ipalacio, okinotzke in Jesús iwan okilwij: ―¿Yen tej tiRey de judiojtin?

San Juan 18:33 ပူးပေါင်းရင်းမြစ်များ

San Mateo 27:11

Jesús oyeka ixpan gobernador itoka Pilato, iwan yin gobernador okitlajtlanij in Jesús: ―¿Yen tej tiRey de judiojtin? Jesús okilwij: ―Aján, ijkón ken tej yotikijtoj.

San Mateo 27:27

Satepan isoldadojwan in gobernador okiwikakej in Jesús kan palacio, iwan okiyawalojkej nochtin in soldadojtin.

San Marcos 15:2

In Pilato okitlajtlanij: ―¿Yen tej tiRey de judiojtin? Jesús okilwij: ―Ijkón ken tej yotikijtoj.

San Lucas 23:2

Ompa opéj kistlakawiaj, okijtoayaj: ―Otikajsikej yin tlakatl kinkuatlapololtijtinemi in tlakaj. Kijta nik mach moneki se kitlaxtlawas impuestos para César, iwan kijta nik yen Cristo, kijtosneki Yej se Rey.

San Juan 1:49

Ijkuakón Natanael okijtoj: ―Tlamachtij, tejwatzin titeKone de Dios. Tejwatzin tiRey de Israel.

San Juan 12:13

Okimatejtekej sekin soyatl iwan okiskej okinamikitoj in Jesús, iwan otzajtziaj chikawak: ―¡Hosana! ¡Ma Dios kitiochiwa katlej okiwaltitlanke para tlanawatis! ¡Ma Dios kitiochiwa in Rey de Israel!

San Juan 12:15

Amo ximomawtikan, tlakaj de Sión. Xikitakan namoRey ya walmuika. Yetiwitz ipan se burro.

San Juan 18:34

Jesús okilwij: ―¿Kisa de tej tinechtlajtlania kox niRey, o noso porke akaj oksé omitzilwij nik Nej niRey?

San Juan 18:37

Ijkuakón Pilato okitlajtlanij: ―¿Tonses kijtosneki in Tej tiRey? Jesús okinankilij: ―Yen Nej niRey ijkón ken tej yotikijtoj. Nej onitlakatke para nietos niRey iwan oniwalaj ixko yin tlaltikpak para niktematiltis tlan melawak. Nochtin katlej kineltokaj tlan melawak, nechkakij.

San Juan 18:38

Pilato okilwij: ―¿Iwan tlanon yon melawak? Nijkuak in Pilato ijkón okitlajtlanij, san niman okiske oksemi omotlapowito inwan judiojtin, iwan okinmilwij: ―Mach itlaj tlajtlakole nikkajxilia.

San Juan 19:12

Desde ijkuakón in Pilato opéj kitemoa ken kichiwas para kikajkawas in Jesús. Pero in judiojtin otzajtziaj chikawak okijtoayaj: ―¡Tla tikkajkawas in yon tlakatl, mach tiiamigo de yen toweyi tlanawatij César! ¡Akin kineki motenewas kej rey, kijtosneki kikokolia in César!

San Juan 19:3

Iwan omijkuanijkej inawak iwan okijtoayaj: ―¡Viva in Rey de judiojtin! Iwan okixtlajtlatziniayaj.

San Juan 19:4

Pilato okiske oksemi, iwan okimilwij in judiojtin: ―Xikitakan, nian namechwalwikilia, para xikmomakakan kuenta nik mach itlaj tlajtlakole nikkajxilia.

San Juan 19:9

Oksemi okalakke itech ipalacio iwan okitlajtlanij in Jesús: ―¿Tej de kan otiwalaj? Pero in Jesús mach okinankilij.

1 Timoteo 6:13

Axan, ixpan toTajtzin Dios, katlej kimaka nemilistle nochi tlan yolitok, iwan ixpan toSeñor Jesucristo, katlej noijki kuale otlapoj de Dios ixpan Poncio Pilato,