San Juan 18:32 - Nahuatl Northern Oaxaca

³² Iwan ijkón omochij de tlan achtoj okijtoj in Jesús de kenik mikis.

San Juan 18:32 ပူးပေါင်းရင်းမြစ်များ

San Mateo 20:19

Nechtemaktiskej inmak in tlakaj katlej mach judiojtin para ma nechpijpinatikan, para ma nechwitekikan iwan para ma nechmajmasoltikan itech krus. Pero ipan eyi tonale nimoyolkuis (nimoyolitis).

San Mateo 26:2

―Namejwan ya ankimatij, nik sa ome tonale poliwi para yen ilwitl itoka pascua. Iwan Nej katlej onimochij nitlakatl nechtemaktiskej (nechtemaktiliskej) para nechmajmasoltiskej itech krus.

San Marcos 10:33

Jesús okinmilwij: ―Xikkakikan. Ma tiwian para weyikan de Jerusalén kan Nej katlej onimochij nitlakatl nechtemaktiskej (nechtemaktiliskej) inmak in tlayekankej tiopixkej iwan inmak in tlamachtijkej de itech tlanawatile de Moisés. Yejwan nechtlajtlakoltiskej para ma nechmiktikan, iwan nechtemaktiskej inmak in tlakaj katlej mach judiojtin.

San Juan 10:31

In judiojtin oksemi okonintilankej temej para kimojmotlaskej.

San Juan 10:33

In judiojtin okinankilijkej: ―Mach timitzmojmotlaskej por tlan kuale tikchiwa. Sino porke tikixpanwia in toTajtzin Dios. Tej san tikomokiera tlakatl, iwan timochiwa kej yeskia tiDios.

San Juan 13:18

’Tlan nikijta amo nikijta para aminochtin. Nej nikmati akinmej onikinpejpenke. Iwan kipia de mochiwas tlan kijta in tiotlajkuilole: “Akin nowan tlakua, omokuepke nokontra.”

San Juan 18:31

Pilato okinmilwij: ―Xikmowikilikan, iwan xikixkomakakan (xiktzonmanakan) namejwan ijkón ken kijta namotlanawatil. Pero in judiojtin okilwijkej: ―Pero itlanawatil in César mach techkawilia in tejwan akaj ma tikmiktikan.

San Juan 21:19

Jesús ijkón okijtoj para okinmatiltij kenik mikis in Pedro satepan, iwan kenik kiweyikixtis in Dios ika imikilis. Satepan okilwij: ―Xiwiki nowan.

San Juan 3:14

Iwan ijkón ken Moisés okajkokke in koatl kan tlawaki, ijkón noijki nechajkokuiskej Nej katlej onimochij nitlakatl.

San Juan 8:28

Por yonik okinmilwij: ―Nijkuak namejwan annechajkokuiskej ajkopan Nej katlej onimochij nitlakatl, ijkuakón ankimomakaskej kuenta nik yen Nej. Iwan ankimomakaskej kuenta nik mach itlaj nikchiwa san tlan kisa de Nej, sino sanwel nikijta tlan noPapan yonechmachtij.

Hechos 7:59

Nijkuak okimojmotlatokaj, Esteban omotiotzajtzilij, okijtoj: ―Señor Jesús, xikresibiro noanima.

Gálatas 3:13

Pero Cristo okitlaxtlaj para otechmakixtij de itech tlajyowilistle de itech itlanawatil in Moisés. Ijkón, yon tlanawatile mach ok weli techtlajyowiltia. Tejwan titlajyowiani por totlajtlakolwan pero Cristo yen otlajyowij por tejwan. In tiotlajkuilole kijta: “Nochtin tlakaj katlej kinpiloaj itech se kuawitl, Dios kinkawa se lado de inawak.”