San Juan 18:30 - Nahuatl Northern Oaxaca

³⁰ Yejwan otlanankilijkej: ―Tla yin tlakatl amo kichiwani itlaj tlan amo kuale, mach timitzmaktilianij.

San Juan 18:30 ပူးပေါင်းရင်းမြစ်များ

San Marcos 10:33

Jesús okinmilwij: ―Xikkakikan. Ma tiwian para weyikan de Jerusalén kan Nej katlej onimochij nitlakatl nechtemaktiskej (nechtemaktiliskej) inmak in tlayekankej tiopixkej iwan inmak in tlamachtijkej de itech tlanawatile de Moisés. Yejwan nechtlajtlakoltiskej para ma nechmiktikan, iwan nechtemaktiskej inmak in tlakaj katlej mach judiojtin.

San Marcos 15:3

Iwan katlej tlayekantokej tiopixkej okistlakawiayaj de miek tlamantle.

San Lucas 24:7

Okijtoj nik in Yej, katlej omochij tlakatl, nik yipa kitemaktianij (kitemaktilianij) inmak in tlakaj tlajtlakolejkej, iwan nik yipa kimajmasoltianij itech krus, iwan nik okipiaya por moyolkuis (moyolitis) ipan eyi tonale.

San Juan 18:29

Por yonik, in Pilato okiske kalan kan yejwan oyekaj, iwan okinmilwij: ―¿Tlan ika nankitilwiaj yin tlakatl?

San Juan 18:31

Pilato okinmilwij: ―Xikmowikilikan, iwan xikixkomakakan (xiktzonmanakan) namejwan ijkón ken kijta namotlanawatil. Pero in judiojtin okilwijkej: ―Pero itlanawatil in César mach techkawilia in tejwan akaj ma tikmiktikan.

San Juan 19:12

Desde ijkuakón in Pilato opéj kitemoa ken kichiwas para kikajkawas in Jesús. Pero in judiojtin otzajtziaj chikawak okijtoayaj: ―¡Tla tikkajkawas in yon tlakatl, mach tiiamigo de yen toweyi tlanawatij César! ¡Akin kineki motenewas kej rey, kijtosneki kikokolia in César!

Hechos 3:13

Yen Dios okipajtij in koxo, yen Dios de Abraham, de Isaac, de Jacob, iwan de yen ya wejkawitl toweyitajwan. Dios okipajtij iwan ika okiweyikixtij in Jesús katlej iKone, katlej namejwan ankitemaktijkej (okinkitemaktilijkej) imak Pilato, yej okinekia kikajkawani iwan namejwan mach ankinekej.

2 Timoteo 2:9

Iwan por niktematiltia yin tlamachtile axan nitlajyowia de miek tlamantle, asta nechtzakuaj telpiloyan kej yeskia mach nikuale. Pero itlajtol in toTajtzin Dios mach welij kitzakuaj.

1 Pedro 4:15

Tla namejwan antemiktiaj, antlachtekij, ankichiwaj tlan amo kuale o noso anmokalakiaj kan amo amechtokaroa, tonses moneki antlajyowiskej iwan ma amechpijpinatikan.