San Juan 18:18 - Nahuatl Northern Oaxaca

¹⁸ Komo wel chikawak osewatoka, in tlapalewijkej iwan mayoltin okitlalijkej se tlitl iwan omototonijtokaj mokejketokej. Pedro noijki ompa inwan omoketoka omototonijtoka.

San Juan 18:18 ပူးပေါင်းရင်းမြစ်များ

San Marcos 14:54

Pedro oyaya san wejka iwan omokaj kan patio de yen ichan in weyi tiopixke, iwan ompa omotlalij omototonijtoka itech tlikuile inwan sekimej tlamonekuitlawijkej de ompa.

San Marcos 14:67

Nijkuak okitak in pedro mototonijtok, omoketzke iwan okitlatak, iwan okijtoj: ―Tej noijki otinemia iwan Jesús de pueblo de Nazaret.

San Lucas 22:44

Iwan nijkuak omoyolkokojtoka sa tekitl, omotiotzajtziliaya okachi. Wejweyi itonil ochipinia ipan tlale kej estle.

San Juan 18:25

Pedro ok omoketoka mototonijtok, iwan okitlajtlanijkej: ―¿Amo tej noijki tiimomachtijkaw de nekáj tlakatl? Pedro mach okimokuitij, iwan okijtoj: ―Amo, nej mach niimomachtijkaw.

San Juan 18:3

Ijkuakón Judas ompa oajsito kinwika miekej soldadojtin iwan miekej mayoltin de yen tlayekankej tiopixkej iwan de yen fariseos. Oajsitoj ompa ika kandil iwan ika okotl motlawilijtiwej, iwan nochi intejtepos.

San Juan 21:9

Nijkuak otemokej ipan tlale, okitakej se michin iwan se pan ipan tlixochtle.

Hechos 4:23

Pedro iwan Juan, nijkuak okinkajkajkej, oyajkej kan oyekaj in oksekimej intekitijkaikniwan, iwan okinmakakej kuenta de nochi tlan tlayekankej tiopixkej iwan tlayekankej tetajtzitzintin okinmilwijkej.

1 Corintios 15:33

Amo ximotekawilikan ma amechkajkayawakan ken katlej kijta yon tlajtole. Tla inwan annemiskej katlej kichiwaj tlan amo kuale, amechijtlakoskej itech tlan kuale katlej ankinekij ankichiwaskej.