San Juan 14:24 - Nahuatl Northern Oaxaca

²⁴ Akin amo nechtlasojtla, mach kichiwa kuenta tlan nikijta. Iwan in tlajtole katlej namejwan ankikakij mach noaxka, sino iaxka in noPapan katlej onechwaltitlanke.

San Juan 14:24 ပူးပေါင်းရင်းမြစ်များ

San Mateo 19:21

Jesús okilwij: ―Tla tikneki tietos entero tikuale tlakatl, xiwia mochan iwan xiknamaka nochi tlan tikpia iwan tomin xikinmaka katlej pobrestin. Ijkón welis tikpias rikojyotl ompa ilwikak. Iwan ijkuakón kemaj xiwiki iwan xinemi nowan.

San Juan 14:10

¿Amo tikneltoka nik in Nej nikaj iwan noPapan iwan noPapan kajki nowan? Tlan Nej namechilwia mach nikijta san tlan Nej nikyejyekoa. NoPapan katlej kajki nowan, yen kichiwa in tekitl por medio de Nej.

San Juan 14:15

’Tla amejwan annechtlasojtlaj, xikchiwakan tlan namechnawatia.

San Juan 14:25

’Namechilwia nochi yin tlamantle mientras ok nikaj amowan.

San Juan 3:11

Ipan melajka nimitzilwia, tejwan tikijtaj de tlan tikmatij. Titetlapowiaj de tlan yotikitakej, pero namejwan mach ankineltokaj tlan tamechilwiaj.

San Juan 3:34

Pero Jesús katlej Dios okiwaltitlanke, noijki tlapoa de tlan Dios kijta, porke Dios kimaka nochi in poder katlej kipia iEspíritu.

San Juan 5:19

Jesús okinmilwij: ―Ipan melajka namechilwia: Nej katlej niiKone in Dios, mach welis itlaj nikchiwas san tlan Nej niknekis, sino Nej nikchiwa tlan nikita kichiwa noPapan. Nochi tlan kichiwa noPapan, yen yon noijki tlan Nej nikchiwa.

San Juan 5:38

Nion itlajtol mach weli kalaki ipan amoyolo, porke mach annechneltokaj Nej katlej noPapan onechwaltitlanke.

San Juan 7:16

Jesús okinnankilij: ―Notlamachtilis mach kisa de Nej, sino yon witz de noPapan Dios katlej onechwaltitlanke.

San Juan 7:28

Jesús ok otlamachtijtoka ijtik in weyi tiopan, iwan nijkuak ijkón okikakke, okijtoj chikawak: ―Namejwan annechixmatij iwan ankimatij de kan oniwalaj. Nej amo oniwalaj san por Nej nikneki, sino oniwalaj porke onechwaltitlanke in Dios katlej itech onkaj tlan melawak, iwan katlej namejwan mach ankixmatij.

San Juan 8:26

Nikpia miek tlamantle tlan namechilwis iwan miek tlan namechtlajtlakoltis namejwan. Melawak tlan nikijta, ijkón ken katlej onechwaltitlanke Yej melawak. Iwan tlan Nej onikakke de Yej, yen yon tlan nikimilwia in tlaltikpaktlakaj.

San Juan 8:28

Por yonik okinmilwij: ―Nijkuak namejwan annechajkokuiskej ajkopan Nej katlej onimochij nitlakatl, ijkuakón ankimomakaskej kuenta nik yen Nej. Iwan ankimomakaskej kuenta nik mach itlaj nikchiwa san tlan kisa de Nej, sino sanwel nikijta tlan noPapan yonechmachtij.

San Juan 8:38

Nej nikijta tlan noPapan nechititia, iwan namejwan ankichiwaj tlan namopapan amechnawatia.

San Juan 8:42

Ijkuakón Jesús okinmilwij: ―Tla yen Dios yeskia namopapan, namejwan annechtlasojtlanij, porke Nej oniwalaj de Dios ixko yin tlaltikpak. Mach oniwalaj san por Nej oniknekke, sino porke Dios onechwaltitlanke.