Efesios 5:14 - Nahuatl Northern Oaxaca

¹⁴ Por yonik in Dios kijta itech in tiotlajkuilole: Xijsa tej katlej tikochi. Ximewa tej katlej tikaj kej timikkatl por yen tlajtlakole katlej tikchiwa, iwan Cristo mitztlawilis ipan monemilis.

Efesios 5:14 ပူးပေါင်းရင်းမြစ်များ

San Lucas 1:78

In toTajtzin Dios kintlapojpolwia porke sa tekitl kipia weyi iteiknotlamachilis. Iwan ika iteiknotlamachilis techwaltitlanilis se yankuik tonale.

San Lucas 15:24

Porke yin nokone yomikka, iwan axan oksemi omoyolkuik. Opolika, iwan axan yotikajsikej.” Iwan opéj kichiwaj ilwitl.

San Juan 8:12

Jesús oksemi okintlapowij in tlakaj, iwan okinmilwij: ―Nej nitlanextle de yen tlaltikpaktlakaj, akin walmuikas nonawak, mach semi nemis ijtik tlatleyualotl, sino kipias tlanextle katlej kitemaka nemilistle katlej mach keman tlamis.

San Juan 9:5

Mientras Nej nikaj ixko yin tlaltikpak, nikaj kej se tlanextle katlej kinyoltlawilia in tlaltikpaktlakaj.

Hechos 13:47

Ijkón tikchiwaskej porke in toSeñor ijkón otechnawatij, okijtoj: Onimitztlalij kej se tlanextle para xikintlawili in tlakaj katlej mach judiojtin, para xikinmitkili in kuale tlajtole katlej temakixtia itech nochi in tlaltikpak.

Romanos 6:13

Amo xiktemaktikan (xiktemaktilikan) namotlalnakayo ipan tlajtlakole para ankichiwaskej tlan amo kuale. Sino ximotemaktikan inawak Dios kej yeskia ya anmikkaj iwan axan ya anmoyolkuikej oksemi. Xiktemaktikan namotlalnakayo inawak Dios para welis ankichiwaskej tlan kuale.

1 Corintios 15:34

Ayakmo xiekan kej yeskia amiwintitokej, ximoskalikan (xitlalnamikikan) iwan xiekan ika kuale amotlalnamikilis, iwan ayakmo xitlajtlakokan. Porke sekimej de amejwan mach kixmatij Dios. Nej ijkín namechilwia para ijkón namejwan xipinawakan.

2 Corintios 4:6

Dios Yej otlanawatij ma petlani in tlanextle ijtik tlatleyualotl, iwan okichij ma petlani itlanex ipan toyolo, para ma tikixmatikan imawisotlanex in Dios katlej petlani itech ixko in Jesucristo.

Efesios 2:1

Cristo oamechmakak nemilistle nijkuak namejwan anyekaj kej anmikkamej, porke ankichiwayaj tlajtlakole iwan ankichiwayaj oksekin tlamantle mach kuale.

Efesios 2:5

Iwan nijkuak otiekaj kej yeskia timikkamej por yen totlajtlakol, Dios otechmakak nemilistle iwan Cristo. Dios otechmakixtij porke kipia weyi iteiknotlamachilis por tejwan.

Colosenses 3:1

Ijkón kiné, tla namejwan Dios yoamechyolitij iwan Cristo, xiktemokan ika nochi amoyolo tlan onkaj itech ilwikak kan Cristo ewatok ik iyekma in toTajtzin Dios.

1 Tesalonicenses 5:6

Por yonik, amo ma tikochikan ken oksekimej, sino ma tijsatokan ika kuale totlalnamikilis.

2 Timoteo 1:10

Pero axan Dios yotechititij itlasojtlalis nijkuak owalaj in toTemakixtij Jesucristo, katlej okitlanke in mikilistle, iwan okinextij in nemilistle katlej mach keman tlamis por medio de yen itlajtol katlej techmakixtia.

2 Timoteo 2:26

Iwan ijkón welis momakixtiskej de imak in diablo katlej kintoktia ma kichiwakan san tlan yej kineki.