Apocalipsis 6:16 - Nahuatl Northern Oaxaca

¹⁶ Iwan okinmilwiayaj in tepemej iwan tepejximej: ―Topan xiwetzikij, iwan xitechtlaatikan para amo ma techita nekáj katlej ewatok ipan isiya, iwan para amo ma techajsi in temawtij kualanilistle de yen Ichkatzin.

Apocalipsis 6:16 ပူးပေါင်းရင်းမြစ်များ

San Mateo 26:64

Jesús okinankilij: ―Aján yen Nej, ijkón ken tej yotikijtoj. Iwan noijki namechilwia, nik namejwan annechitaskej Nej katlej onimochij nitlakatl niewatos ik iyekma in Dios katlej kipia weyi ipoder, iwan niwitz de ilwikak ijtik mixtle.

San Marcos 3:5

Jesús okintlatak in fariseos iwan okualanke, iwan omoyolkokoj porke sa tekitl yoltlakuawakej. Ijkuakón okilwij in kokoxke: ―Xikmelawa moma. In kokoxke okimelaj ima iwan san niman ijkuakón opajtik.

San Lucas 23:30

Ijkuakón in tlakaj pewas kinmilwiskej in tepemej: “Topan xiwetzikij”, iwan kinmilwiskej in tepetzitzintin: “Xitechtlaatikan.”

Apocalipsis 10:6

iwan okijtoj se tlajtole, asta okijtoj Dios tlachixtok katlej yolitok nochipa, katlej okichij in ilwikak, in tlaltikpak, in atl, iwan nochi tlan onkaj intech. Okijtoj: ―Ya ajsis ora, mach ok wejkawas.

Apocalipsis 19:15

De ijtik iten okisaya se espada sa tekitl tlateki, katlej ika kinmagas nochtin in paismej. Iwan Yej kinnawatis ika se vara de tepostle kej tekiwaj. Iwan kintoktis ken kitoktiaj in uvas nijkuak ipan tlajtlaksaj para kipatzkaj, kijtosneki sa tekitl kintlajyowiltis ika ikualanilis in Dios katlej kipia nochi poder.

Apocalipsis 20:11

Satepan onikitak se weyi siya istak, iwan noijki onikitak katlej ompa ipan oewatoka. Iwan ompa ixpan, in tlaltikpak iwan ilwikak san owalpolikej, porke mach ok oyeka lugar para yejwan.

Apocalipsis 4:2

Ijkuakón in Espíritu Santo onikmachilij owalaj notech, iwan onikitak se siya ompa ilwikak, iwan itech yon siya onikitak akaj ompa ewatok.

Apocalipsis 4:5

Iwan kan kajki yon siya okisaya miek tlapejpetlanalistle, otlakukuyokaya iwan otlatijtikuinia. Iwan iyakapan siya otlikuitokaj chikome tlanextin, kijtosneki yen chikome espíritus de Dios.

Apocalipsis 4:9

Iwan nijkuak in yonmej katlej yolitokej okimakayaj weyikixtilistle, tetlakitalistle iwan tlasojkamachilistle, katlej ewatok ipan isiya, katlej yolitok iktlanke (ik tlami),

Apocalipsis 5:1

Ijkuakón onikitak itech iyekma de yen katlej oewatoka ipan siya, iwan onikitak se libro tetejkuixtok ijkuilitok ik tlixko iwan ik tlijtik iwan otzaktoka ika chikome seyojtin.

Apocalipsis 6:10

Iwan okijtoayaj chikawak: ―Señor, tejwatzin tiyolchipawak iwan nochipa tikijta tlan melawak, ¿asta keman tikinmixkomakas (tikintzonmanas) iwan tikintlaxtlawaltis in tlaltikpaktlakaj katlej otechmiktijkej?

Apocalipsis 9:6

Itech yonmej tonaltin in tlaltikpaktlakaj kinekiskej ma mikikan pero mach welis. Iwan maski kinekiskej mikiskej, in mikilistle kincholilis.