Apocalipsis 14:11 - Nahuatl Northern Oaxaca

¹¹ Iwan nochipa tlejkotos in poktle de yen tlitl katlej kitlajyowiltijtos nochipa iwan mach keman sewis. Iwan mach keman kipiaskej nesewile nion tonayan nion yuak nochtin katlej kiweyikixtiskej in amo kuale yolkatl iwan iretrato, iwan nochtin katlej motekawiliskej ma kintlalilikan imarka de yen itoka in amo kuale yolkatl.

Apocalipsis 14:11 ပူးပေါင်းရင်းမြစ်များ

San Mateo 11:28

Xiwikikan nonawak, aminochtin namejwan katlej antekipanojtokej iwan antlamamajtokej itech tlajyowilistle de tlajtlakole, iwan Nej namechmakas nesewile.

San Mateo 25:41

’Ijkuakón noijki Nej niRey nikinmilwis katlej yeskej ik noopochma: “Xitzinkisakan de Nej, namejwan mach ankualtin. Xiwian ijtik tlitl katlej mach keman sewis katlej Dios okichij para yen diablo iwan iangelwan.

San Mateo 25:46

Iwan yonmej katlej mach kualtin yaskej iktlanke (ik tlami) kan tlajyowiskej, iwan katlej yolchipawakej kalakiskej kan kipiaskej nemilistle kan mach keman tlamis.

Hebreos 1:8

Pero de yen iKone, kijta: Tejwatzin Dios, titlanawatis iktlanke (ik tlami). Tejwatzin titlanawatia sa tekitl kuale iwan ipan melajka, porke nochtin tikinchiwilia ijkón ken moneki.

Apocalipsis 11:15

In ya ipan chikome ángel otlapitzke, iwan omokakej miekej tlajtoltin ompa ilwikak, okijtojkej chikawak: Nochi in tlaltikpak kan tlanawatiaj in tlaltikpaktlakaj ya iaxka in toTajtzin Dios iwan de Jesucristo. Iwan Yej tlanawatis iktlanke (ik tlami).

Apocalipsis 13:12

Iwan noijki okipiaya poder no ken oksé amo kuale yolkatl katlej achtoj omonextij iwan katlej ompa iwan okatka. Yin ya ipan ome amo kuale yolkatl okintoktij nochtin in tlaltikpaktlakaj ma kiweyikixtikan in achtoj amo kuale yolkatl, katlej oyeka kuatlatzontektle iwan opajtik.

Apocalipsis 13:15

In ya ipan ome amo kuale yolkatl noijki okimakakej poder para ma kijpitza iretrato in achtoj amo kuale yolkatl, para ma weli ma tlajto yon retrato iwan ma kinmikti nochtin katlej mach kinekij kiweyikixtiskej.

Apocalipsis 13:17

Iwan mach akaj owelia otlakowaya nimpor otlanamakaya tla amo okipiaya yon marka. Yon marka yen itoka in amo kuale yolkatl o noso inúmero yon yolkatl.

Apocalipsis 14:9

Satepan in ya ipan eyi ángel oyáj inkuitlapan nekatej ome angelestin iwan okijtoj ika chikawak tlajtole: ―Tla akaj kiweyikixtia in amo kuale yolkatl iwan iretrato, iwan motekawilia ma kitlalilikan imarka itech ixkuak o noso itech ima,

Apocalipsis 18:18

Iwan nijkuak kitaskej ipokyo in tlitl nijkuak tlatlatos in weyikan, kijtoskej: ―Mach oyeka oksé weyikan katlej okachi ma tlayekanto ke yin weyikan.

Apocalipsis 18:9

In reytin de ixko yin tlaltikpak katlej okimomekatijkej iwan omopaktijkej ika inrikojyo, chokaskej iwan moyolkokoskej nijkuak kitaskej ipokyo in tlitl nijkuak tlatlas in weyikan.

Apocalipsis 19:3

Iwan oksemi okijtojkej: ―¡Ma tikweyikixtikan toTajtzin Dios! Porke ipokyo in yon weyikan katlej yokixpolojkej nochipa tlejkotos ipokyo.

Apocalipsis 20:10

Iwan diablo, katlej okinkajkayaj, kitlamotlaskej ijtik tliko kan xotlatok in tlitl ika azufre, kan kajki in amo kuale yolkatl iwan profeta tekajkayaj. Ompa tlajyowijtoskej iktlanke (ik tlami) yuale tonale.

Apocalipsis 22:5

Ompa mach ok keman tlatleyuas. Iwan katlej ompa chantiskej mach ok kinekiskej itlaj tlanextle para ika motlawiliskej, nion mach ok monekis ma kintlawili in tonale, porke in toSeñor Dios Yej kintlawilis. Iwan yejwan tlanawatiskej iktlanke (ik tlami).

Apocalipsis 7:12

Okijtojkej: ¡Ijkón ma yeto! Dios ma yeto iaxka axan iwan iktlanke (ik tlami) in yektenewalistle, weyikixtilistle, ixtlamachilistle, tlasojkamachilistle, tetlakitalistle, poder iwan chikawalistle. Ijkón ma yeto.