2 Corintios 1:4 - Nahuatl Northern Oaxaca

⁴ Yej nochipa techyolosewia nijkuak titlajyowiaj, para ijkón tejwan noijki ma tikinyolosewikan akinmej noijki tlajyowiaj. Tejwan tikinyolosewiaj ijkón ken Dios techyolosewia.

2 Corintios 1:4 ပူးပေါင်းရင်းမြစ်များ

San Juan 14:16

Iwan Nej niktlajtlanilis noPapan ma amechwaltitlanili oksé Teyolojchikaj, para ma yeto nochipa amowan,

San Juan 14:18

’Mach namechkawas amiknomej. Nej niwalmokuepas oksemi iwan nietos amowan.

San Juan 14:26

Pero in Teyolojchikaj, yen Espíritu Santo katlej noPapan kiwaltitlanis ika notoka, Yej amechmachtis nochi tlamantle. Iwan amechelnamiktis nochi tlamantle katlej Nej yonamechilwij.

2 Corintios 7:13

Por yonik, nijkuak otikmatkej nik namejwan antechtlasojtlaj, ika yon otimoyolojchikajkej. Pero noijki sa tekitl otipakej porke otikitakej in Tito sa tekitl paki, porke aminochtin namejwan ankipalewijkej para yej ma moyolojchikawa.

2 Corintios 7:4

Melajka niktlalia noyolo amonawak iwan nimoweyikixtia por amejwan. Maski sa tekitl titlajyowiaj, nej sa tekitl nipaki iwan nimoyolojchikawa por yen namonemilis.

Filipenses 1:14

Iwan miekej tlaneltokakej okachi moyolojchikawaj tlaneltokaj inawak Cristo porke nechitaj nitzaktok. Iwan por yonik mach ok momawtiaj para kitematiltiskej itlajtol in Dios.

1 Tesalonicenses 4:18

Por yonik, ximoyolojchikawakan se iwan oksé ika yin tlajtole.

1 Tesalonicenses 5:11

Por yonik, ximoyolojchikawakan iwan ximochikawakan se iwan oksé itech namotlaneltokalis, ijkón ken ya ankichijtokej.

Hebreos 12:12

Por yonik, moneki ximoyolojchikawakan iwan oksemi xikitzkikan chikawalistle porke ya ansotlawakej.