Mörcos 9:35 - Nahuatl Tetelcingo

³⁵ Entunses netlöliluc. Quennutzque innochtie majtlactle huan ume, hua quemelfejque: ―Tlö canajyeca queneque mobieyemajtas, ma iye cache tzitzequetzi de nemonochtie hua ma iye tlatequepano de nemonochtie.

Mörcos 9:35 ပူးပေါင်းရင်းမြစ်များ

Mateo 23:11

Öque cache bieye iyes entre nemejua, ma iye nemotlatequepano.

Mörcos 9:36

Yecuöquenu ocaseque sente peltzintle, hua quetlölejque nepantla de yejua. Entunses quenöpaluc. Quemelfejque:

Lucas 18:14

Nemiechelfea que ini nönca tlanecheco uya ca ichö ye yectec tieixpa Deus, pero inu fariseo amo. Pues noche öque mochajchamöhuas, quepichaquisque. Cache öque mopichaquis, quechamöhuasque.

Lucas 22:26

Cache nemejua majcamo ejqueu xecchihuacö, tlöcamo öque cache bieye momajteca nemotzölö nemejua, ma mochihua quiename inu cache peltuntle. Hua öque icaca quiename tlayecönque, ma iye quiename tlatequepano.

Santiöco 4:6

Pero yejuatzi cache meyac tiefavur tiechmacalo. Por inu quejtoa teotlajtule ejqueyi: Deus neoponieruro cuntra tli mochajchamöhuaneme, pero tli mopejpichaquea quenmacalo tiefavur.