Mörcos 5:36 - Nahuatl Tetelcingo

³⁶ Pero cuöc Jesús quecajque lo que oquejtojque, quelfejque tlayecönque de teopanconetzi: ―Amo xomomajte. Sa xomoneltoca.

Mörcos 5:36 ပူးပေါင်းရင်းမြစ်များ

Mateo 17:20

Hua Jesús oquemelfejque: ―Ipampa nemiechpoloa neltoquelestle. Pues melöhuac nemiechelfea, que tlö nenquepeasquiöne nemoneltoqueles quiename ixenöchyo mostöza, nenquelfisquiöya ini nönca tepietl: “Xomopacho de necö hasta niepa”, hua mopachus. Hua amo oyes niontle tli abele nenquechihuasque.

Mateo 9:18

Hua mientras oquemelfilutaya ini nönca sösantle, oaseco sente tlajtoöne, hua tiemabesutiöya. Otieyelfe: ―Nochpuch quiemach omec. Pero xehualmobica hua xomotlölele momötzi ipa hua yaja nemes.

Mörcos 5:22

Entunses ohuöla sente tlayecönque de teopanconetzi itucö Jairo. Hua cuöc tieyejtac Jesús, mopechtiecac tieicxetla.

Mörcos 5:34

Yejuatzi oquelfejque: ―Nochpuch, por tomoneltocac ye tepajtec. Xebeya ca pöquelestle, hua xepajte de mococoles.

Mörcos 9:23

Jesús quelfejque: ―Taja tequejtoa que tlö cuale. Pos noche cuale mochihuas para öque moneltoca.

Lucas 8:50

Pero Jesús oquecajque, hua oquenönquele: ―Amo xomomajte. Sa xomoneltoca, hua pajtes.

Juan 11:40

Jesús oquelfejque: ―¿Amo ye otemetzelfe, que tlö tomoneltocas, tequejtas quiene lalebes bieye iloac Deus?