Mörcos 15:14 - Nahuatl Tetelcingo

¹⁴ Pilöto quemelfiöya: ―¿Tlica? ¿Tli mal oquechi? Pero yejua cache tzajtzajtzeya lalebes: ―¡Xomocoruspelfe!

Mörcos 15:14 ပူးပေါင်းရင်းမြစ်များ

Mateo 27:19

Hua cuöc yaja oyehuataya ipa imiesa de tlajtojcötelestle, isohua oquetlatitlanele sente mensöje. Oquelfe: “Amo xomopile tli tomojtelis ca inu tlöcatl yectec. Porque öxö meyac tiecoco nopa omochi ipa nocochtiemequeles por tiepampa yejuatzi”.

Mateo 27:4

Oquejto: ―Naja ye onetlajtlaco onetieantrecöro para mecoas öque amo tlajtlacultec iloac. Cache yejua oquejtojque: ―¿Tli tiechtequepachoa tejua? Metztocöroa taja tequejtas.

Mateo 27:54

Inu capetö, hua tli oyejyeya ca yaja tieixutejtaya Jesús, cuöc oquejtaque tlaolinelestle, hua noche sösantle tli omochi, omomajtejque lalebes. Oquejtojque: ―De melöhuac ini nönca tlöcatl iloaya tieConie Deus.

Mörcos 15:13

Pos yejua ocsajpa tzajtzajtzeque: ―¡Xomocoruspelfe!

Mörcos 15:15

Yecuöquenu Pilöto, para quencontentörus giente, quencajcöbele Barrabás. Cuöc ye quemandörojque ma tiebitequecö Jesús, tietiemacac para ma tiecoruspelucö.

Lucas 23:21

Cache yejua otzajtzajtzeque, oquejtojque: ―¡Xomocoruspelfe, xomocoruspelfe!

Lucas 23:4

Hua Pilöto oquemelfe inu jefes de teopexcötzetzi, hua inu giente tli tlamachyeya: ―Niontle tlajtlacule amo necniextea ica ini nönca tlöcatl.

Lucas 23:41

Hua tejua, melöhuac conbenierebe ma topa mochihua ini nönca, pues sa tecselejtecate totlaxtlöbil tli tecmeresieroa por tli otecchijque. Cache ini nöiloac amo tli oquechijque tli amo cuale.

Lucas 23:47

Cuöc inu capetö oquejtac tli omochi, otiechamöhuaya Deus, hua oquejto: ―Melöhuac ini nönca oyeya yectec tlöcatl.

Juan 18:38

Otieyelfe Pilöto: ―¿Hua tlin inu yaja lo que tli ica melöhuac? Hua cuöc oquejto ini nönca, oquis ocsajpa inca joriojte, hua oquemelfe: ―Naja amo nequejtelea niontle tlajtlacule.

Juan 19:6

Hua cuöc tieijtaque jefes de teopexcötzetzi hua policías, otzajtzajtzeque: ―Xomocoruspelfe, xomocoruspelfe. Oquemelfe Pilöto: ―Xecönaco nemejua hua xejcoruspelucö, ipampa naja amo tli necniextelea tlajtlacule.

Hechos 13:28

Mös amo oqueniextejque niontle arasu para ma tiemecticö, de todos modos yejua quetlajtlanejque Pilöto ma tiecoruspelo Jesús.

Hechos 19:34

Cuöc inu giente oquejtaque que Alejandro oyeya joreyo, oquejtojque checöhuac quieme tlö sa sie tlöcatl: ―¡Bieyetzintle iloac tonöntzi Diana! ¡Yejuatzi iloac deus de tonochtie de Efeso! Oquesequirojque otzajtzajtzeque quieme ume ura.

Hebreos 7:26

Pues yejuatzi iloac tlajtojcöteopexque ejqueu quieme tejua tecnesesitöroöya. Pues tecnesesitöroöya sente tlajtojcöteopexque yectec quiename yejuatzi, hua sin tlajtlacule nimpor niontle tli amo cuale, tlaxelule de tli tlajtlaculteque, tli cache bejcapa iloac que elfecac;

1 Piero 1:19

Cache otiechcujque ca yestle tli otiecostöro lalebes, ca yestle quiename iyeso de sente calnielojconetzi intiero cuale, hua sin niontle tli quepoloa. Quejtusneque, otiechcujque ca tieyesojtzi Cristo.