Mateo 20:21 - Nahuatl Tetelcingo

²¹ Hua yejuatzi oquelfejque: ―¿Tli tecneque? Yaja otieyelfe: ―Xomotlanahuatele por favur ma motlölicö ini nöncate nopelhua, sente ca momöyecontzi hua ocsente ca momöarrabiescontzi, cuöc tejuatzi tomotlamandörfis.

Mateo 20:21 ပူးပေါင်းရင်းမြစ်များ

Mateo 18:1

Ipa inu nieca tiempo omopachojque tiemachtejcöhua tietlac Jesús. Otieyelfejque: ―¿Öquenu noso cache bieye momajtas cöne Deus tlamandöruro?

Mateo 19:28

Hua Jesús oquemelfejque: ―De melöhuac nemiechelfea, que cuöc noche moyancuelis, cuöc naja öque onochi netlöcatl notlölis ipa notrono de tlaniextelestle, nemejua nuyejque tli nenniechtocaque nemotlölisque ipa majtlactle huan ume tronos. Hua nenquenjuscörusque inu majtlactle huan ume grupos de giente de Israel.

Mateo 20:22

Entunses Jesús onöhuatihuac, hua oquejtojque: ―Amo nenquemate tli nentlajtlane. ¿Cuale nenconisque de inu bölso de tietunie tli naja isejco neconis? Hua yejua tieyelfejque: ―Cuale tecchihuasque.

Mateo 20:32

Yecuöquenu onequetzaluc Jesús, hua oquennutzque. Oquejtojque: ―Pos ¿tli nenqueneque ma nemiechchibele?

Mörcos 10:51

Jesús onöhuatihuac, oquelfejque: ―¿Pos tli tecneque ma temetzchibele? Ixcocoxque otieyelfe: ―NoTiemachtejcötzi, ma netlachea.

Mörcos 16:19

Cuöc Tlöcatzintle Jesús ye quennunutzaluc, otlejcoac elfecac. Netlöliluc ca tiemöyecmö de Deus.

Mörcos 6:22

Pos ompa pa yelfetl ocalac ichpuch Herodías hua omojtute. Quecualejtac rey Herodes ca tiehua tli tlatlalfilte. Entunses rey oquelfe sisehuantu: ―Xeniechtlajtlanele tli taja tecneques, hua naja temetzmacas.

Lucas 18:41

―Pos ¿tli tecneque ma temetzchibele? Hua yaja oquejto: ―Tlöcatzintle, ma netlachea.

Lucas 19:11

Mientras oquecaqueya yejua ini nönca sösantle, Jesús oquejtojque ocsente cuiento. Oquejtojque ipampa ye itlac oyeya de ciudad de Jerusalén, hua ipampa yejua quepensöroöya que nele sa nima Deus piehualusquea tlamandörurus pan tlöltecpactle.

Lucas 22:24

Hua omochi peleito intzölö yejua por öque de yejua momajtaya cache bieye.

Juan 15:7

Tlö nenyetasque notech hua notlajtul yetas ca nemejua, xetlajtlanecö noche tli nenquenequesque, hua ejqueu mochihuas ca nemejua.

Hechos 1:6

Cuöc ye omosentlölejque tlateotitlanme, otietlajtlanejque Jesús: ―Tlöcatzintle, ¿öxö tomotlölelis tonación Israel ocsajpa para tlamandörus?

Romanos 12:10

Xomotlasojtlacö entre nemejua ca tlasojtelestle quiename nenicnijte. Amo xectratörucö de nenchecuaquisasque, cache xomoyectieniehuacö entre nemejua.

Romanos 8:34

Entunses ¿öquenu cuale tiechcuntenörus? Pues nionöque. Pues Cristo iloac öque omecoac, cache nuyejque oyulebihuac, hua nuyejque iloac ca tiemöyecmö de Deus, hua nuyejque netlajtlötlajtiluteca por topampa tejua.

Colosenses 3:1

Bieno pues, tlö ye onenyojyulejque tieca Cristo hua onemiejque de ipa mequelestle, xectiemucö inu sösantle tli ica de tlacpac, cöne Cristo yehualuteca ca tiemöyecmö Deus.