Hechos 6:13 - Nahuatl Tetelcingo

¹³ Oquentlölejque seque istlacatque tli quejtojque: ―Ini nönca tlöcatl amo quequetza icamac para quejtojtas checuayutl cuntra ini nönca locör sönto hua cuntra inu ley.

Hechos 6:13 ပူးပေါင်းရင်းမြစ်များ

Mateo 24:15

’Ejqueu noso nenquejtasque inu tli san petzotec tlaxexetotzas hua moquetzas ipa löcor yectec. Inu tlayulepante Daniel otlajtlajto de inu tli san petzotec. ―Öque quetlajtultea ömatl ma casojcömate.―

Mateo 26:59

Hua inu jefes de teopexcötzetzi, ca tiehua noche inu junta, quetiemoöya maniera de tietieyelfisque Jesús mös iyes por istlacatlajtule, hua ejqueu tiemectisque.

Hechos 21:28

Oquejtojque checöhuac: ―¡Señores de tonación Israel! ¡Xetiechpaliebicö! Ini nönca tlöcatl yajteneme pa ocseque naciones. Quenmachtejteneme noche giente tlimach cuntra tonación hua cuntra toley hua cuntra ini nönca teopantle. Hua amo sa inu, tlöcamo ahorita oquencalaque seque giente griegos pa ini teopantle hua ca inu ye oquepetzotele tieteupantzi Deus.

Hechos 25:8

Entunses Pöblo omodefendiero. Oquejto: ―Naja amo tli necchihua nimpor cuntra inu ley de joriojte nimpor cuntra inu teopantle de Jerusalén, nimpor cuntra inu emperador César.

Hechos 6:11

Entunses oquentlajtulmacaque seque giente ma ejistlacatecö. Inu tlöca oquejtojque: ―Tejua otejcajque Esteban que checuatlajto cuntra Moisés hua cuntra Deus.

Hechos 7:58

Oquequextejque Esteban de ipa puieblo hua oquetecaltejque. Tli oquetecaltejque hua tlatestificörojque cuntra yaja oquetlölejque intzotzomajua icxetla sente peltuntle itucö Saulo.

Hebreos 7:12

Pos ye que omopatlac teopexcöyutl, quejtusneque que nuyejque omopatlac inu ley.