Hechos 10:14 - Nahuatl Tetelcingo

¹⁴ Pero Piero onöhuat: ―Abele, Señor. Ayec nejcua canajyetla tli amo cuale noso amo chepöhuac para nejcuös confurme tocostumbre. Así es que abele.

Hechos 10:14 ပူးပေါင်းရင်းမြစ်များ

Mateo 15:11

Lo que tli calaque ca pa icamac tlöcatl, inu amo tlamajmöhua. Pero lo que tli quisa de ijtec icamac tlöcatl, yaja inu quemajmöhua.

Mateo 16:22

Entunses Piero tieasec hua tieajajuac, otieyelfe: ―Tlöcatzintle, majcamo metzmopasörfe ini nönca. Ayec ejqueu mopantzinco betzes ini sösantle.

Mateo 25:9

Cache tli tlajmatque onöhuatque, oquejtojque: “Amo nemiechmacasque, amo cana de repiente tiechpolus tejua hua nemejua nuyejque. Xeyöcö cöne monamaca, hua xomocubicö asiete”.

Mateo 8:2

Hua necö sente tlöcatl sa söhuayo ohuöla, hua tiemabesutiöya. Oquejto: ―Tlöcatzintle, mach tomonequitis, cuale teniechmopajtelis.

Mörcos 7:2

Pos yejua quejtaque que seque de tiemachtejcöhua Jesús tlacuöya sin quechepöhuaya inmöhuö. Es decir, amo momöpajpöcaya. Por inu quentlajtlacultejque.

Lucas 1:60

Yecuöquenu onöhuat inöntzi, oquejto: ―Amo, cache itucöyes Xohuö.

Juan 4:11

Sohuatl otieyelfe: ―Señor, amo tomopilea tli ica tomoquextelis, hua öpuso bejcatla. ¿De cöne, noso, tomopilea inu ötzintle tli quetiemaca nemelestle?

Hechos 10:13

Entunses Piero oquecac canajyeca tlajtlajtoa. Oquejto öquenuju: ―Xemiehua Piero. Xetlamecte hua xetlacua.

Hechos 10:28

Entunses Piero oquemelfe: ―Nemejua nenquemate que para sente joreyo ireligión amo quecöhua ma mosentlöle ca sente tli amo joreyo. Pero Deus oniechmachestejque nele quenequihua majcamo nequejto que canajyeca amo chepöhuac para amo nosentlölis ca yaja.

Hechos 22:8

Entunses onetlajtla: “¿Öquenu tejuatzi?” Oniechelfejque: “Naja neJesús de puieblo de Nazaret. Taja miero teniechtepotztocateneme naja”.

Hechos 9:5

Entunses Saulo otlajtla: ―¿Öquenu tejuatzi? Yejuatzi oquelfejque: ―Pos naja neJesús. Taja miero teniechtepotztocateneme naja cuöc tequentepotztoca tli niechtoca.