Hebreos 5:11 - Nahuatl Tetelcingo

¹¹ De inu Melquisedec tecpea meyac sösantle tli tequejtusque. Hua beles tepetzi tequeyo para nencasojcömatesque lo que tli nemiechpubelisque, pues niese ayecmo nenquecaque cuale.

Hebreos 5:11 ပူးပေါင်းရင်းမြစ်များ

Mateo 13:15

Pues inyulo de ini nönca puieblo ye omotepitzo, hua amo yectlacaque itlacaqueles, hua omotlapachojque inmixtelolojua para amo quejtasque ca inmixtelolo, nimpor amo tlacaquesque ca intlacaqueles, nimpor amo casojcömatesque ca inyulo, nimpor amo moyulcuepasque para que ejqueu naja amo nequenpajtis.

Mörcos 8:21

Entunses quemelfejque: ―¿Quiene noso amo nencasojcömate?

Lucas 24:25

Yecuöquenu yejuatzi oquemelfejque: ―¡Nentuntojte, hua nenyultepitzteque para que amo nemoneltoca de noche tli oquejtojque inu tlayulepantejque tli oquepojque tietlajtultzi Deus!

Juan 16:12

’Oc necpea meyac sösantle tli nemiechpubelis, cache ayebele nenquexicusque öxö.

Juan 6:6

Cache ini nönca quejtuloöya para queprobörusque. Pos yejuatzi ye quematihuataya tli quechihuasque.

Hechos 28:27

Pos inyulo de nönca giente lalebes tepitztec, hua cate tzatzatzetzi de intlacaqueles. Hua oquentzajque imixtelolojua para majcamo queyequejtacö ca imixtelolojua, hua majcamo tlacaquecö ca intlacaqueles, hua majcamo casojcömatecö ca inyulo, hua majcamo moyulcuepacö, hua ejqueu amo nequenpajtis.

Hebreos 5:10

Hua Deus otietlölejque para ma iloa tlajtojcöteopexque quiename oyeya Melquisedec.

Hebreos 5:12

Pues ye nenquepea meyac tiempo desde cuöc primiero nemoneltocaque, hua ye nentlamachestisquiöne. Pero niese que oc nenquenesesitöroa ma nemiechmachesticö lo que tli ica cachto cöne piehua machestelestle de tlajtule de Deus. Nencate quiename nenpelantzetzi tli oc nenquenesesitöroa nenconitasque lieche, hua ayebele nenquecua tli checöjcötlacuale.

2 Piero 3:16

hua ejqueu nuyejque noche quejcueloa icörtas. Hua ipa inu cörtas tlajtoa de nönca sösantle, mös ocseque sösantle tequeyo para öque casojcömates. Por inu es que seque tli amo quemajmate hua amo checacteque cate de inneltoqueles, yejua case itlajtulhua hua quejtoa que quejtusneque ocseque sösantle. Pos ejqueu mismo quechihua ca ocseque teotlajtule tli tlajcuelulpanca. Ejqueu mixniempoloa yejua mismo.