Apocalipsis 18:3 - Nahuatl Tetelcingo

³ Noche inu opasöre ipampa inu ciudad oyeya quiename sente sohuatl tli quenpiepiehualtiöya gientes de noche naciones, hua quentlöhuantiöya. Hua reyes de tlöltecpactle ocalajque ca yaja, hua comersiöntes de noche tlöltecpactle omochijque ricos ipampa yaja quecualejtaya quepeas meyac sösantle tli pateyo.

Apocalipsis 18:3 ပူးပေါင်းရင်းမြစ်များ

Lucas 7:25

Cache, ¿tli nenquisque nenquejtato? ¿Beles sente tlöcatl tli motlaquentiöya ca tlin cuale tlaquentle? Amo. Xequejtacö, que niecate tli motlaquentea ca tlin cuöcualtzi intlaquie, hua neme ca noche tlin quenmaca pöquelestle, yejua ipa ichö de sente rey neme.

1 Timoteo 5:11

Pero amo xequentlöle ipan tlapoale inu icnusohuame tli ayemo quepejpea inu xebetl, porque paques mocxetlajtea de yesque tieca Cristo, hua quenejneque monajnömectisque.

Apocalipsis 14:8

Hua ocsente segundo öngel hualtocaya inu primiero. Oquejtoöya: ―Ye obetz, ye onxexetu inu bieye ciudad de Babilonia. Pos yaja oyeya quiename sente sohuatl amo cualtec tli quenpiepiehualtea tlöca hua quenchihualtea ma calaquecö ca yaja, hua quentlöhuantea. Pos ejqueu yaja ciudad de Babilonia oquechihuaya ca giente de noche naciones.

Apocalipsis 17:2

Hua reyes de tlöltecpactle ocalajque ca yaja, hua innochtie tli chajchönte ipan tlöltecpactle mocöjque quieme tlöhuöncötzetzi ipampa ocalajque ca yaja.

Apocalipsis 18:19

Hua motlöltienque ipa intzonteco; chojchucataya hua moyulcocojque hua tzajtzeque. Quejtojque: Ay, porube de yaja, ciudad bieye. Ca iricojyu toricojtejque tonochtie tli tecpejpea börcos ipa lamör, hua sa sie repiente ye onxexetu.

Apocalipsis 18:23

hua ayecmo quiema tlaniextis tlöbile ompa, hua ayecmo quiema caquestes yelfetl de nesohuajtiluyo ompa. Noche inu pasörebes ipampa icomersiöntes de inu ciudad quepejpeaya checöhualestle ipan tlöltecpactle, hua inu ciudad quencajcayö noche naciones ca ichichyutl.

Apocalipsis 18:7

Ejqueu quiene mochamöhuaya hua quepeaya de noche sösantle para inemeles, ejqueu mismo xecmacacö tiecoco hua yulcocolestle. Pos yaja quejtoöya ipa iyulo: “Naja nereina neca; amo sa nosielneca hua ayec noyulcocus”.

Apocalipsis 18:9

Entunses chojchucasque lalebes reyes de tlöltecpactle, tli calaqueya ca yaja hua mopöctiöya. Chojchucasque ipampa quejtasque puctle de inu tletzintle cuöc yaja xutlatas.