2 Timoteo 4:22 - Nahuatl Tetelcingo

²² Tlöcatzintle ma iloa ca taja ipa moyulo. Hua ma nemiechmacacö Deus tiefavur.

2 Timoteo 4:22 ပူးပေါင်းရင်းမြစ်များ

Mateo 28:20

Xequenmachticö ma quechihuacö noche sösantle tli ye onetlanahuate. Hua naja necaca ca nemejua nochepan tunalte. Hasta ipan tunale cuöc tlames tlöltecpactle naja neyes ca nemejua.

Romanos 1:7

Nemiechejcuelfea ini nönca cörta para noche nemejua tli nencate ipa Roma, öque Deus nemiechtlasojtlalo, hua nemiechnutzque para ma xeyecö xeyecteque. Ma Deus toTajtzi, hua Tlöcatzintle Jesucristo ma nemiechmeyaquelicö tieinfavur hua neyulsiebelestle.

Romanos 16:20

Hua Deus, öque quetiemacalo neyulsiebelestle, sa nima quexaxacualus inu Satanás itzintla nemocxehua. Tiefavur toTlöcatzintle Jesús ma iye ca nemejua.

1 Corintios 16:23

Tlöcatzintle Jesús ma nemiechmeyaquelicö tiefavur.

2 Corintios 13:14

ToTlöcatzintle Jesucristo ma nemiechmeyaquelicö tiefavur, hua Deus ma nemiechpilicö tlasojtelestle, hua Espíritu Sönto ma nemiechacompañörucö nemonochtie nemejua.

Gálatas 6:18

Tiefavur de toTlöcatzintle Jesucristo ma iye ipa nemoyulo, nocnihua. Amén. Ma ejqueu iye.

Efesios 6:24

Ma quepeacö tiefavur innochtie tli tietlasojtla toTlöcatzintle Jesucristo ca tlasojtelestle tli ayec mopatla.

Filipenses 4:23

Tiefavur Tlöcatzintle Jesucristo ma iye pa nemoyulo.

Colosenses 4:18

Naja nePöblo nemiechejcuelfea ini nönca tlajpalulestle ca belaja nomö. Xequelnömequecö que neca ipan cörsel. Tiefavur Deus ma iye ca nemejua.

1 Timoteo 6:21

Pos seque tli quetoca inu nieca enseñönsa ye omoxelojque de inneltoqueles. Tiefavur Deus ma iye ca nemejua.

Filemón 1:25

Tiefavur Tlöcatzintle Jesucristo ma iye ca nemoyulo.

1 Piero 5:14

Xomopetzucö ca tlasojtelestle cuöc nemotlajpaloa. Nemonochtie tli nencate tieca Cristo ma xecpeacö neyulsiebelestle.

Apocalipsis 22:21

Tiefavur Tlöcatzintle Jesús ma iye ca nemonochtie.