1 Corintios 14:16 - Nahuatl Tetelcingo

¹⁶ Pues tlö cana taja tetieteochihua Deus solamiente ca moyulo, ocsente tlöcatl tli amo casojcömate abele quejtus: “Amén, ma ejqueu iye”, pues abele casojcömate lo que tequejtoa cuöc tetietlasojcömate Deus.

1 Corintios 14:16 ပူးပေါင်းရင်းမြစ်များ

Mateo 15:36

Entunses ocönque inu checume pöntzi hua mimechte, hua tietlasojcömatelejque Deus. Entunses oquencojcototzque pöntzi hua mimechte hua oquenmacaque tiemachtejcöhua. Hua tiemachtejcöhua quenmacaque inca tlöca.

Mateo 28:20

Xequenmachticö ma quechihuacö noche sösantle tli ye onetlanahuate. Hua naja necaca ca nemejua nochepan tunalte. Hasta ipan tunale cuöc tlames tlöltecpactle naja neyes ca nemejua.

Mateo 6:13

Hua amo xetiechmocöbele ma tiechyulmajmötoca Amo Cuale Tlöcatl, cache xetiechmomöquextele de yaja.

Mörcos 16:20

Tiemachtejcöhua oquisque. Tlanunutztenemeya ca nobeyo, hua Tlöcatzintle tequetihuaya ca yejua. Cafirmöruroöya inu tlajtule tli quenunutzaya por medio de sieñas de tietzöbetl.]

Juan 21:25

Hua onca nuyejque ocseque meyac sösantle tli oquechijque Jesús, que tlö mojcuelusquiöya sente por sente, necnenebelea beles nimpor ipa noche tlöltecpactle amo aquesquiöya inu ömame tli mojcuelusquiöya.

Juan 7:15

Hua quetietzöbejtaya joriojte. Quejtoöya: ―¿Quiene quemate ömatl ini nönca tlöcatl, hua ayec omomachte?

Hechos 4:13

Teopexcötzetzi oquejtaque que Piero hua Xohuö quepeaya meyac balur. Oquematque que amo bel tlaestudiörojque tlöcamo cate quieme cualquiera. Pos quetietzöbejque. Cuöquenuju omomacaque cuienta que nele oyejyeya ca Jesús.

1 Corintios 11:24

Hua sötiepa de que otietlasojcömatque Deus, oquixtlapönque. Oquenmelfejque: “Nönca pöntzi ica nocuierpo, tli necantrecörus nemopampa. Xecchihuacö ini nönca para nenniechelnömectasque”.

1 Corintios 14:14

Tlö naja notlajtlötlajtea ipa ocsente tlajtule, melöhuac motlajtlötlajtea noyulo, pero noasojcömateles amo tli proviecho quequextea.

1 Corintios 14:2

Pues öque tlajtlajtoa ca ocseque tlajtulme tlajtlajtoa ca Deus, hua amo ca tlöca. Pues amo öque casojcömate, cache quejtojteca sösantle secrieto ca iyulo.

1 Corintios 16:24

Naja nemiechtlasojtla nemonochtie nemejua tieca Cristo Jesús.

2 Corintios 1:20

Porque noche tiepromiesas de Deus tli onca, yejuatzi quemafirmöruro ca sente tlajtule de “quiema”. Hua ejqueu por medio de yejuatzi tejua nuyejque tequejtusque “Amén, ma ejqueu iye”. Ejqueu tetiechamöhuasque Deus.

Apocalipsis 22:20

Yejuatzi öque quetestificörojque nönca sösantle quejtulo: ―De melöhuac isejco nehuölös. Amén, ma ejqueu iye. Xehualmobica, Tlöcatzintle Jesús.

Apocalipsis 5:14

Hua inu nöbeme tli yojyulejtecate quejejtoöya: ―¡Amén! ¡Ma ejqueu iye! Hua inu biebentzetzi motlancuöquetzque hua tieteochijque.

Apocalipsis 7:12

Oquejtojque: Amén; ma ejqueu iye. Ma tetiemacacö toDeus tlateochihualestle hua chamöhualestle, tlamachestelestle, tlasojcömatelestle, respieto, checöhualestle, hua fuiersa nochepa. Amén; ma ejqueu iye.