Roma 9:4 - Nouveau Testament en Ngienboum

⁴ Pɔ́ ée pʉ̀a Israel. Mbà Ssé la kaŋa wɔ́b ńdɔgɔ wɔ́b ńgÿo púɔ pé, ńnyɛɛ wɔ́b legú’ we, ńgÿo pâ pɔ̌ gwâ *kʉ̀a, á ná *lepʉ̌ sé né pɔ́b, éshwóŋó wɔ́b ntí gie pɔ́ ge lɔg gu’te yé, ńka’ menò mbwo pɔ́b tà é gyɔ́ɔn gyɔ̌ɔn.

Roma 9:4 ပူးပေါင်းရင်းမြစ်များ

Matio 21:33

Yěsô gɔɔn ngie: Pi gíŋe ńjú’ tsɔ̌ sagá nò. Àtsɔ̌ ndÿò lǎ’ ńgẅiin jʉ’ʉ nká’ yé, ńgʉa wó ḿbye metÿǒ mie mé kyéen mentɔ̌ɔn ńdɔg ńnyɛte melù’, ḿbwóon nkàŋ nká’ ńdɔg ḿbú ńkíle, ńgʉa tsɛ̀ɛ nká’ ńtúŋo jʉ’ gie mé ge kyéen mentɔ̌ɔn wó, ḿbwóon tà’ shʉ̀a ndá gẅie mé ge kwɔ́’ɔ tyé tsɛ̀ɛ wó tá pyɛ́bɛ nká’, ńgÿo pú’u, ńcʉ́me nká’ mbwó pànyɛte melù’, ńdeen ńké ńgʉa lé túm

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Megàŋ ntúm 2:39

Méla’mie eshúm sie e Ssé la ka’, à lɔ̌ɔn ńka’a mbwo pi, mbɔɔ mbwo gubé gí. À lɔ̌ɔn ńka’a mbɔɔ mbwó pʉ̀a pie pɔ́ ńnéŋe ngʉ̀a shʉ̀shʉ̀a, é ngwòŋ pʉ̀a metsèm pie Cʉ̀apʉ̀a Ssé yégè ge gÿo tóŋo wɔ́b.

Roma 3:2

Apì ké ńgwɔ́ wó tɛ’, é meshÿó meshÿó nà légwɔ́ nyìŋ Yuda. Ndùŋ mvfò á gwɔ́ pá’ e Ssé la cʉ́me shwóŋè yé pɔ́ mbwo pà Yuda.

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

Roma 9:6

Pɔ́ tsɛ ne ḿmoŋe Kristo, tá ńgwɔ́ n de gɔɔn ngie anò gie e Ssé la ka’a mbwo pʉ̀a Israel la tè kẅɛɛ nò wɔ́ wɔ́. Á nue á zɔɔn ńgwaa gwɔ́, pʉ̀a pie ée nà ngẅɛ̀ Israel, lelÿò tè kwà’ pʉ̀a Israel wɔ́,

2 Korento 11:22

Pɔ́ lɔgɔ pɔ́ pá’ pɔ́ ée pʉ̀a Heber ńka’te keen? Mbɔɔ mèŋ yɔ́ɔn n gwɔ́ pɔ́ tsɔ̌. Kà pɔ́ pá’ pɔ́ ée pʉ̀a Israel? Mbà mèŋ n tyě pá’ɔɔn ńgwɔ́ pɔ́ tsɔ̌. Kà pɔ́ pá’ pɔ́ ée pʉ̀a ná ngẅɛ̀ Ábalam? Mbɔɔ mèŋ yɔɔn n gwɔ́ pɔ́ tsɔ̌.

Galatia 3:16

Áa mbwo Ssé ńgíŋ ńgwɔ́ pɔ́ pú’u. E Ssé la ka’a mmó mbwo Ábalam tà mbɔɔ mbwo nyìŋ gẅie Ábalam lɔ̌ɔn ńge gÿo zyé yé. Aŋwà’ne Ssé té gɔɔn ngie mé la ka’a mbwo pʉ̀a pie à lɔ̌ɔn ńge gÿo tá zyé wɔ́b pá’ fʉ̀’ gie pʉ̀a pie mé lɔ́ɔn ńka’a yɛ̌ mmó à gwɔ́ yɔ́b la gyɔ́ɔn gyɔ̌ɔn wɔ́. Ngǎŋ á la gwɔ́ pɔ́ nò tà’ nyìŋ, á nue mé zɔɔn ńtóŋo tsɛ̀ɛ ŋwà’ne Ssé ngie: Tà mbɔɔ mbwo nyìŋ gẅie ɔ̀ ge gÿo zyé yé. Wɛ̌ nyìŋ piŋ ńgwɔ́ Kristo.

Efeso 2:12

Pi gíŋ ńkímte ngie á kaa fʉ̀’ ayɛ̌, pi tè ne ńzsé ngie tsɔ̌ nyìŋ aa wó ńgwɔ́ *Nzà’nkÿo, tà mé gẅiin lézẅí’te yé wɔ́. Pi gwɔ́ tsetsɛ̀ɛ pʉ̀a Israel ńgwɔ́ pɔ́ megʉ̀, pi tè nò nà *kʉ̀a yɔ́ba Ssé gẅiin tà mbɔɔ nà mmó gie e Ssé la ka’a mbwo pɔ́b. Pi laa gí tsɛ̀ɛ yɔɔn njÿó, pi tè ne ńzẅí’te tsɔ́ mmó wɔ́, ńgíŋe tè ne ńzsé Ssé wɔ́.

Heber 9:1

Nndùŋ mvfò *kʉ̀a la gẅiin ye ntí mendendá’ gie mé lɔ́ɔn ńgiŋe mǒ tá ńnuŋe pwɔ́’. Mé la gíŋ ńgẅiin jʉ’ gie mé nuŋe pwɔ́’ Ssé wó, á gwɔ́ pɔ́ ndùmo ssé tsetsá’.

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.

Heber 9:3

Lúm we tsoló gẅie aa nzèm mmó nzsǒ yɛ̌ gwɔ́ kwà’ jʉ’e Ssé.

Heber 9:5

Á gwɔ́ ndùmo kʉ̀be *kʉ̀a, mbà mé la tÿɔ́g metútú *mecÿɔ́’ Ssé, é ne ńnyɛɛ ngie e Ssé ee jʉ’ó, jʉ́jʉ́ŋ mbabá mɔ́b kábte jʉ’ gie mé pfɛte metse menɔ̀ɔn wó, ḿpfɛte légwɔ́ gie e Ssé ge lege menò tepòŋ pʉ̀a mesoŋ. Tá’, yɔɔn té fʉ̀’ gie pege ge gɔɔn nò ná menò mɔɔn ntsèm tà tyɛ’te wɔ́.

Heber 9:6

Me pú ńtáŋte pá’ɔɔn, pànuŋe pwɔ́’ kúu tsɛ̀ɛ lûm we pǐ é lyɛ̌’ ntsèm éfa’a fà’ yɔ́b.