Roma 9:3 - Nouveau Testament en Ngienboum

³ Pega pɔ̌ ee tà’ ngẅɛ̀. Á laa gie ńgwɔ́ mánzsè gwɔ́ wó légwɔ́ gie Ssé ge gwá’a wɔ̀ɔn peg Kristo piŋ fege, tà á gwɔ́ gie mefɛ́ pɔ́ɔn pà Yuda ge cʉa mǒ é zsé nyìŋ gẅie Kristo aa wɛ̌, mbà à lɔɔn ńgwɔ́ n de lʉ’.

Roma 9:3 ပူးပေါင်းရင်းမြစ်များ

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Megàŋ ntúm 22:5

Tándá pànuŋe pwɔ́’, mbaa cú’tè pàsá’a lá’ɔɔn, ne ńzsé ngie nò gie mèŋ n gɔɔn áa nénʉ́. Pɔ́ zɔ̌ la zɔɔn ńná meŋwà’ne ńdɔg ńtúmo wɔ̀ɔn ngie n gʉa ńnyɛɛ mbwo mefɛ́ pégè pà Yuda pie pɔ́ ée tsɛ̀ɛ tÿǒsoŋ Ndamas. Á gwɔ́ ngie n gwoon pʉ̀a Kristo, ńdɔgɔ wɔ́b ḿbiŋ nzèm nê Yerósalem. Légwɔ́ gie mé ge gÿo pɔ́ gyá ngɔ́’.

Megàŋ ntúm 28:21

Pà Yuda jú’ tà ńtsɔ́’ɔ mbwo Pɔl ngie, peg laa zɔɔn ńkẅé tsɔ́ ŋwà’ne gie á fóo Jẅidea ńgɔɔn nò ná gù wɔ́. Atsɔ̌ fɛ́ wege ké tè tóo jʉ’ɔɔn ḿbíte tsɔ́ nò éshwóŋó wég ná gù wɔ́, tsɔ́ nyìŋ laa gɔɔn ngie ɔ̀ gÿǒ tsɔ́ nò tepòŋ wɔ́.

Roma 1:3

Wɛ̌ nkʉ̀ gɔɔn nò nà Míŋ we Yěsô Kristo gẅie aa Cʉ̀apʉ̀a wege. À la sele ńcʉ́’ʉ nyìŋ mésoŋ mé zyé yé nà ngẅɛ̀ ndá fùɔ Ndavíd.

Roma 11:1

Á gwɔ́ pú’u, mèŋ n zɛ́te ngie tà áa pá’ɔɔn, mbà Ssé gwǎ’ pʉ̀a pé keen? Ngǎŋ á té pú’u wɔ́, á nue mbàa mèŋ yɔ́ɔn mèŋ n gee nyìŋ Israel, ngẅɛ̀ Ábalam, éfóo ná tsìŋe ndá Mběnjameŋ.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

Roma 16:11

Pi tsyɛ’te *Herôdine. Àa nyìŋ Yuda pá’ mèŋ. Pi tsyɛ’te pʉ̀a ndá Narsise pie é la nnɛ́ ná Cʉ̀apʉ̀a.

Roma 16:21

Timoté gẅie peg yé fa’a, à tsyɛ’té gẅí. Lusius mbɔɔ Jasoŋ mbɔɔ Sosipatɛɛ, pie pega pɔ́ pǔ ńgwɔ́ pà Yuda pɔ́ tsyɛ’té gẅi yɔ́b.

Roma 16:7

Pi tsyɛ’te Andelonikus pɔ́ Zunias. Pega pɔ́ pǔ ńgwɔ́ pà Yuda, mbà pega pɔ́ ka pǔ ńgwɔ́ ndá tsǎŋ. Pɔ́ ée tsetsɛ̀ɛ megàŋ ntúm mé kwoŋo nò yɔ́b tɛ’. Pɔ́ la zɔɔn ḿvɔg ńgwɔ́ pʉ̀a Kristo tá mèŋ n gÿo ńgwɔ́ yɔ́ɔn.

Roma 9:2

Yɛ̌ nò áa ngie mèŋ n neŋé lê kwà’ lemÿɔ́g, ḿbiŋ ne ńjú’u kékáŋ ntʉ́m mèŋ fʉ̀’ ntsèm ńtí mefɛ́ pɔ́ɔn pà Yuda.

1 Korento 12:3

Áa yɛ̌ tá mèŋ n ne ńkwoŋo ngie pi zsé ngie: A Zẅìge Ssé zɔ̌ lɔɔn ńtsóte nyìŋ légɔɔn nò, mbà ńgwɔ́ ngàŋ á le néŋ ndòon twó Yěsô wɔ́. A Zẅìge Ndʉalʉ̌a lɔɔn ḿbiŋ tè ne ńtsóte nyìŋ légɔɔn nò wɔ́, mbà ńgwɔ́ ngàŋ á le gɔɔn ngie Yěsô aa Cʉ̀apʉ̀a wɔ́.

1 Korento 16:22

Nyìŋ lɔɔn tè kwoŋo Cʉ̀apʉ̀a Yěsô wɔ́, e Ssé néŋ ndòon twó ngàŋ. Marana tha. Cʉ̀apʉ̀a weg, tóo!

2 Korento 12:15

Á gʉa ná mèŋ, mbà à lɔɔn ńgwɔ́ á poŋo wɔ̀ɔn poŋ lénáa kɔ̀ɔkɔ́ɔ gie mèŋ n gẅiin né pi. Ngwɔ́ n gíŋe ńná mbɔɔ twó yɔ́ɔn ńtí gẅí. N dɔɔn ne ńkẅi’i ńkwoŋo gẅi pɔ́ nzẅìŋó, egì kwoŋo nzèm mèŋ ne ńtsẅɛ́te tsẅɛté lá?

Galatia 1:8

Peg kéen ńdá’ ńtswi nkʉ̀ mbòŋo mbwo pi. Tà tsɔ̌ nyìŋ lɔɔn ḿbiŋ ńtó fʉ̀’ɔɔn, kà pɔ́ nyìŋ weg wɔ́, kà pɔ́ *cÿɔ́’ Ssé, éfóo tÿǒ lepwó wɔ́, ńtsẅi tsɔ́ nkʉ̀ mbòŋo we ndyɛ̀’ɛ mbwo pi, tà é té gwɔ́ pɔ́ gẅie peg ka tsẅi wɔ́, mbà á zɛ́te ngie Ssé néŋ ndòon twó ngàŋ.

Galatia 1:9

Peg ka zɔɔn ńgɔɔn né pi. Mèŋ n gee fʉ̀’ɔɔn ńgíŋe ńkímte kimtě ngie, nyìŋ lɔɔn ńtó ńtsẅi tsɔ́ nkʉ̀ mbòŋo we ndyɛ̀’ɛ mbwo pi, tà é té gwɔ́ pɔ́ gẅie peg ka tsẅǐ wɔ́, mbà á zɛ́te ngie e Ssé néŋ ndòon twó ngàŋ.

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

Efeso 6:5

Ńgʉa ná pi menkwɔɔn, pi jú’ ncwò pʉ̀a pie pɔ́ gẅiin gẅí, ńne náa mekù’ mɔ́b, ésẅí’i mbùm gí ńnáa ssé mvfò pɔ́b, ńgẅiin ntʉ́m mbòŋo nzèm pɔ́b, ndʉŋ ndʉŋ pá’ pi jú’u ncwò Kristo.