Roma 9:1 - Nouveau Testament en Ngienboum

¹ Anò gie n ge gɔɔn áa nénʉ́. Pá’ mèŋ n déen ńda nnɛ́ ná Kristo la, mèŋ n tě ńgee shwóŋ cÿɔ̌ nò wɔ́. A Zẅìge Ndʉalʉ̌a ne ńgÿo ntʉ́m wɔ̀ɔn shwóŋó wɔ̀ɔn ngie nò gie mèŋ n gɔɔn áa nénʉ́.

Roma 9:1 ပူးပေါင်းရင်းမြစ်များ

Roma 1:9

Áa yɛ̌ fʉ̀’ wɔ́, gie mèŋ n ne sẅíŋte Ssé, mèŋ n té nyé té kíme gẅi wɔ́. E Ssé ne ńzsé pú’u. Mèŋ n gɔɔn pá’ɔɔn ńgwɔ́ nyìŋ gẅie à ne fa’a fà’ yé lé ngwòŋ ntʉ́m wé ntsèm, ńně ńtsẅii nkʉ̀ mbòŋo gẅie é líe Míŋ we.

Roma 2:15

Pɔ́ lɔgɔ pú’u, ńnyɛ́ ngie mefà’ mie *lepʉ̌ ne ńzɛ́te ngie me fa’, e Ssé la ŋwe’e tsɛ̀ɛ ntʉ́m wɔ́b, tà mbùm yɔb ne ńzẅíŋe ngie áa nò. Nkwaŋá wɔ́b gʉa fʉ̀’ gie é ge ŋǎg pɔ́b, ńdɔg pɔ́ mefà’ ŋwɛ́ ńŋága wɔ́b, ńgʉa fʉ̀’ gie é gee tàg nzèm yɔb ńgíŋ ńdɔg pɔ́ mɛ̌ ńtág.

Roma 8:16

Kwà’ Zẅìge ŋwɛ́ yé máŋwɛ́ ne ńgÿo pege cwoŋo ńzsé tsɛ̀ɛ ntʉ́m wégè ngie pege ee púɔ Ssé.

Roma 9:2

Yɛ̌ nò áa ngie mèŋ n neŋé lê kwà’ lemÿɔ́g, ḿbiŋ ne ńjú’u kékáŋ ntʉ́m mèŋ fʉ̀’ ntsèm ńtí mefɛ́ pɔ́ɔn pà Yuda.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 1:23

Pi cʉ́’ mèŋ shwóŋó gẅi mmó gie á ka gÿo tá mèŋ n tè gíŋe ńtóo lá’ pi Korento wɔ́, n ka tè ne ńkwoŋo légÿo pi jú’ kékáŋ wɔ́. Mèŋ n gɔɔn pá’ɔɔn éshwóŋó nò. N dɔɔn ńcÿɔ nò, e Ssé zẅé wɔ̀ɔn.

2 Korento 11:10

Mèŋ n ge fó nà nò nénʉ́ Kristo gie áa tsɛ̀ɛ ntʉ́m mèŋ, é gɔɔn mbwo pi ngie, n dɔɔn ńgʉa pɔ́ nzɔ̌ jʉ’ á tsɛ̀ɛ Akay wɔ́, n de gwá’a wɛ̌ le gwɔ́ gẅie n dɔg ńka’te wɔ́. N te lá’a tsɔ́ lyɛ̌’ é kẅé mmó mbwo nyìŋ gẅì wɔ́.

2 Korento 11:31

E Ssé gẅie aa tá pà Ndè wege Yěsô Kristo, yé Ssé gẅie á ne ńzɛ́te ngie mé gu’te yé té zá’a pàa, à ne ńzsé ngie n tě ńgɔɔn pá’ɔɔn ńdɔgɔ ńcÿɔ nò wɔ́.

2 Korento 12:19

Ndyɛ̌’ tsɔ́, mbà pi ně ńdá’ ńzye lékwaŋ ngie peg ne fa’a lézoŋo twó yég mbwo pi. Ngǎŋ á té pú’u wɔ́. Peg gwɔ́ gɔɔn nò, á gwɔ́ pɔ́ nà ntí gie Kristo ne ńkwoŋo, peg piŋ ńtyé pɔ́ mvfò Ssé tá ńgɔɔn. Mefɛ́ pɔ́ɔn pe ntʉ̀ nzẅìŋ, peg gwɔ́ gɔɔn pú’u, á gwɔ́ pɔ́ lélɔg ńgÿo, pi kẅi’i ńzáb ntʉ́m gẅi nà Ssé.

Galatia 1:20

Ammó gie mèŋ n ŋwe’e shwóŋó gẅi lɔɔn, áa nénʉ́. Mèŋ n tyě pá’ɔɔn mvfò Ssé, ńgɔɔn ngie mèŋ n tě ńcÿɔ nò wɔ́.

Filipo 1:8

E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

1 Tesalonika 2:5

Pi ne ńzsé mboŋó ngie peg laa shwóŋó shwóŋè lʉte wɔ́, ńké tè gɔɔn nò gie peg lɔgɔ ńtsɔ́ɔn pì gie á ge kúu pɔ̀ɔn peg wɔ́. Tà Ssé ne ńzsé.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Timote 5:21

Mèŋ n dɔ̌g lezíŋ Ssé, ńdɔg lezíŋ Yěsô Kristo mbɔɔ lezíŋ *mecÿɔ́’ Ssé pie Ssé la tsɔ́’ ńgɔɔn mbwo gù ngie: Cwoŋo ńjú’u mmó gie mèŋ n gee ngɔ̌ɔn. Pɔ́ɔn lélíe shÿó nyìŋ, kà ńdɔg pɔ́ metùŋ wɔ́ ńgÿo mmó ná nyìŋ.