Roma 8:7 - Nouveau Testament en Ngienboum

⁷ Petsɔ́ pʉ̀a ée ná mánzsè legwé á nue pʉ̀a pie pɔ́ ńnéŋe ńtÿɔ́g ntʉ́m wɔ́b pɔ́ nà mmó gie mbùm yɔb ne shwóŋó wɔ́b ée megàŋ mbù Ssé. Pɔ́ té kú’te *lepʉ̌ Ssé wɔ́, etsɔ́ shÿó lézɔɔn ńkú’te té wɔ́ mbwo pɔ́b wɔ́.

Roma 8:7 ပူးပေါင်းရင်းမြစ်များ

Matio 12:34

Ngẅɛ̀ mennú, ńgwɔ́ pi gwɔ́ pʉ̀a tepòŋ pɛ́’ɛ, ńgɔɔn nò mbòŋo lêkɔ́? Nyìŋ gɔɔn pɔ́ nò gie áa tsɛ̀ɛ ntʉ́m yé.

Matio 5:19

Pú’u la, nyìŋ gẅie à gʉ̌a nà mbʉ̌, éfó fʉa pɔ́ tsɔ̌ mùɔ métsẅǐ ḿbiŋ ńzí’i tsɔ́ pʉ̀a légÿo yɔ́b pá’ yé, mé ge lá’ náa yé tàa nzèm tsɛ̀ɛ nò *lefùɔ Ssé. À piŋ ńgʉa ná nyìŋ gẅie à tÿɔgɔ́ kwó mǒ, ḿbiŋ ńzí’i petsɔ́ pʉ̀a légÿo pú’u, mé lá’ ńnáa yé tàa mvfò tsɛ̀ɛ nò *lefùɔ Ssé.

Ŋwà’ne Jâŋ 7:7

Alɔɔn ńgwɔ́ pʉ̀a njÿó le gẅi pʉ̀a. Tá ńgʉa ná mèŋ, mbà pɔ́ pʉa wɔ̀ɔn, mélà’mie mèŋ n kě ne shwóŋó wɔ́b shwóŋ ngie ngÿǒ nò wɔ́b té poŋ.

Roma 1:28

Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

Roma 1:30

ésele ńtÿɔ́g sóon nà pɔ́b tsetsɛ̀ɛ pɔ́b, ńgwɔ́ megàŋ mbù Ssé, ńzoonte pʉ̀a, ńgwɔ́ ngàŋa ŋá’tè, ńgwɔ́ pà nyɛ nnɛ́, éfa’ meshÿó ntsèm lélɔg ńgÿo nò tepòŋ, pɔ́ té jú’ ncwò metá pɔ́b mbɔɔ we memá pɔ́b wɔ́.

Roma 3:31

Ńzsé ngie áa pá’ɔɔn ńgwɔ́ gie pege lɔɔn ńzáb ntʉ́m ná Yěsô, mbà *lepʉ̌ cʉ́’ʉ tsɔ́ nò wɔ́ keen? Ngǎŋ á té ńdɔgɔ ńgwɔ́ pú’u wɔ́. Tà ńcʉ́’ pú’u, mbà pege lɔgɔ pú’u, ńtÿɔ́gɔ *lepʉ̌ kwà’ ná jʉ’e.

Roma 5:10

Pega Ssé ka zɔɔn ńgwɔ́ pɔ́ megàŋ mbù, tá Ssé lɔg pá’ Míŋ we kwé, ḿmag mbù wegá pɔ̌. Á ge piŋ gwɔ́ nà fʉ̀’ɔɔn, à gaa wɔ́ ńdɔg pá’ Míŋ we gwɔ́ pɔ́ wó, ńgÿo pege tsẅɛ́ ngɔ́’ tsẅɛ́!

Roma 7:22

Mèŋ n ge kwà’ tsɛ̀ɛ ntʉ́m mèŋ, *lepʉ̌ Ssé poŋo wɔ̀ɔn tɛ’.

Roma 8:4

À la gÿo pú’u, légwɔ́ gie pege ge ku’u léńnéŋe ná ntí gie *lepʉ̌ ne ńzɛ́te. Mèŋ n gɔɔn wégè pie pege cʉ́’ʉ́ ńgiŋe ná ntí gie mbùm yege ne ńtsóte wégè wɔ́, pege cʉ’ʉ́ ńgiŋe pɔ́ nà ntí gie Zẅìge Ndʉalʉ̌a ne shwóŋó wégè.

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

1 Korento 9:21

Mèŋ n gee fʉ̀’ gie mèŋ n ne fa’a tsɛtsɛ̀ɛ pʉ̀a pie *lepʉ̌ Mǒse té ne sá’a wɔ́b gwɔ́, mèŋ n ńnéŋe pá’ nyìŋ gẅie *lepʉ̌ té ne sá’a yé wɔ́ la, ńzsé ngie n ge lɔg pú’u, é gÿo pʉ̀a pie *lepʉ̌ té ne sá’a wɔ́b gwɔ́, e cʉ́’ pʉ̀a Kristo, ńnéŋe pú’u, á té ńdɔgɔ ńgɔɔn pɔ́ ngie *lepʉ̌ Ssé té ne sá’a wɔ̀ɔn mɔ́, é ne sá’a wɔ̀ɔn sá’, á nue mèŋ n neŋé pɔ́ ná pá’ *lepʉ̌ Kristo ne ńzɛ́te.

Kolosia 1:21

Pi gí, pi laa tsɔ́ fʉ̀’ pi tè lejʉ́ŋ Ssé wɔ́, ńgwɔ́ pɔ́ ngʉ̀a shʉ̀shʉ̀a, ńgwɔ́ megàŋ mbù Ssé, á nue pi lɔ̌ɔn ńkwaŋa nò tepòŋ, ńgÿo pɔ́ yɛ̌.

Kolosia 2:18

Pi pɔ́ɔn pá’ à lɔɔn ngwɔ́ etsɔ́ pʉ̀a tó ḿbaba gẅi pi pyé ntsɔ’ɔ́ fà’ ncù gẅie Kristo la jÿó ńná né pi. Mèŋ n gɔɔn pʉ̀a pie pɔ́ gɔɔn ngie pɔ́ ná mbùm yɔb ssé tɛ’, ńgwɔ́ pʉ̀a pie pɔ́ gú’te *mecÿɔ́’ Ssé. Pɔ́ gíŋe ńdɔg shúm sie pɔ́ gɔɔn ngie e Ssé nyɛ̌’ nÿɔ́g mɔ́b pɔ́ gyá ńdɔg ńŋá’te sẅɛ̀ɛ sẅɛ̀ɛ. Pɛ̌ pʉ̀a gẅiin pɔ́ nkwaŋá pʉ̀a mesoŋ, é gÿo pɔ́ zẅíŋ pɔ́ mmóm.

2 Timote 3:4

é gwɔ́ pàjÿò menáŋ, é gÿo nò pɔ́ ḿvege vege, é gwɔ́ ngàŋ ŋá’te tɛ’, é kwoŋo mmó gie á poŋo wɔ́b, pɔ́ le Ssé kwoŋ,

Heber 8:10

Tá *akʉ̀a gie mèŋ n ge gwaa tsetsɛ̀ɛ pega pʉ̀a Israel á yɔɔn. Yɛ̌ fʉ̀’ ge gÿo gwɔ́ tà tɔ́g, mèŋ Cʉ̀apʉ̀a zɔ gɔɔn Mèŋ n gÿo legyè sɔ́b ńnéŋe ńtyé pɔ́ nà mbʉ̌ mɔ́ɔn mbɔɔ ntʉ́m wɔ́b tyé pɔ́ mǒ Mèŋ n gwɔ́ Ssé yɔb pɔ́ gwɔ́ pʉ̀a pɔ́ɔn

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.