Roma 8:4 - Nouveau Testament en Ngienboum

⁴ À la gÿo pú’u, légwɔ́ gie pege ge ku’u léńnéŋe ná ntí gie *lepʉ̌ ne ńzɛ́te. Mèŋ n gɔɔn wégè pie pege cʉ́’ʉ́ ńgiŋe ná ntí gie mbùm yege ne ńtsóte wégè wɔ́, pege cʉ’ʉ́ ńgiŋe pɔ́ nà ntí gie Zẅìge Ndʉalʉ̌a ne shwóŋó wégè.

Roma 8:4 ပူးပေါင်းရင်းမြစ်များ

Lukase 1:6

Sakarîɛ pɔ́ nzwě we laa pʉ̀a, ńkú’te *lepʉ̌ Ssé kwà’ mboŋó, ńjú’u ncwò Ssé, ḿbiŋe ńgÿo pɔ́ mmó gie à ne ńkwoŋo tà *lɔ̌’ téen ńkẅɛɛ wɔ́.

Roma 2:26

ḿbiŋ ńgwɔ́ gie pʉ̀a pie mé la tè wɔ́b pú’, giŋe ná pá’ *lepʉ̌ ně ńzɛ́te, mbà Ssé tè cʉ́’ líe wɔ́b gẅie mé la té wɔ́b pú’ pɔ́ pá’ pʉ̀a pie mé kéen ḿbú’u wɔ́b gwɔ́ ka?

Roma 3:31

Ńzsé ngie áa pá’ɔɔn ńgwɔ́ gie pege lɔɔn ńzáb ntʉ́m ná Yěsô, mbà *lepʉ̌ cʉ́’ʉ tsɔ́ nò wɔ́ keen? Ngǎŋ á té ńdɔgɔ ńgwɔ́ pú’u wɔ́. Tà ńcʉ́’ pú’u, mbà pege lɔgɔ pú’u, ńtÿɔ́gɔ *lepʉ̌ kwà’ ná jʉ’e.

2 Korento 10:2

M bǔ’ mbwó mbwo pi ngie tà pi gÿo ná ntí gie mèŋ n ge gÿo tóo tsetsɛ̀ɛ pi, é gɔɔn nò pɔ́ lê cÿɔ́g. Mèŋ n ge ké gÿo cÿɔ́g pʉ̀a pie pɔ́ ne ńgyá yɔ́b pɔ́ ngie peg gÿo yég kɔ̀ɔkɔ́ɔ ńdɔgɔ fa’a pɔ́ pì pá’ wɔ̌wɔ́ɔ.

2 Korento 10:3

Peg tsɛ ńgwɔ́ pɔ́ pʉ̀a mesoŋ pá’ petsɔ́ tá’, e yeg ntí léma’ ncù e tè leen ńgwɔ́ pɔ́ ye pʉ̀a mesoŋ wɔ́.

Galatia 5:16

N ge gɔɔn né pi ngie: Pi zẅíŋ Zẅìge Ssé zɔ tsyeen gẅi nà gẅi le gwɔ́, pú’u pi é légÿo menò tepòŋ mie mbùm gí tsóte gẅi ngie pi gÿo wɔ́.

Kolosia 1:22

Tá á ké ḿbiŋ ńgwɔ́ fʉ̀’ɔɔn, mbà á ka fó ná pá’ Míŋ we ka cʉ́’ʉ nyìŋ mesoŋ, ńkwé, éshwoŋte gẅi ńgíŋe ńnéŋe lejʉ́ŋ ye, éshwoŋte gẅi pú’u, légwɔ́ gie pi ge gwɔ́ ndʉalʉ̌a, é gwɔ́ pà tèfʉa, é gwɔ́ pà tè *lɔ̌’.

Heber 12:23

Pi ka sẅɛ’te nnɛ́ ńtóo tsɛ̀ɛ cú’tè pʉ̀a pie Ssé la lɔgɔ wɔ́b ńgÿo púɔ pé pie ée twó mvfò, pɔ́ gwɔ́ tsɛ̀ɛ lekág, mezíŋ mɔ́b gwɔ́ me ŋwe’e á tÿǒ lepwó. Pi ka sẅɛ’te nnɛ́ ńtó nê kwà’ lejʉ́ŋ Ssé, ée ndà’ yé, ńgwɔ́ ŋàg pʉ̀a mesoŋ métsèm. Pi ka tǒ nê jʉ’ gie mezẅìge pʉ̀a mesoŋ pie pɔ́ ée ndʉŋ ndʉŋ mvfò Ssé ée wó. Pɔ́ ée fʉ̀’ɔɔn ńgwɔ́ pʉ̀a Ssé pɔ́ ndà’ ndà’.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

Ŋwà’ne Ngyà jʉ’ 14:5

mbà mé laa mé ńjú’ cÿɔ̌ nò kẅɛɛ ncwò pɔ́b wɔ́, *alɔ̌’ɔ yɔ́b té wó wɔ́.