Roma 8:1 - Nouveau Testament en Ngienboum

¹ Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Roma 8:1 ပူးပေါင်းရင်းမြစ်များ

Ŋwà’ne Jâŋ 14:20

À gwɔ́ lyɛ̌’ó, pi zsé ngie peg Tá wɔ̀ɔn pǔ ńgwɔ́ pɔ́ tà’a mmó, é gíŋe zsé ngie pi ee nê mèŋ, mèŋ n gwɔ́ ntʉ́m pi.

Ŋwà’ne Jâŋ 15:4

Pi temté ná mèŋ, pá’ mèŋ n temté yɔ́ɔn ná pi! Apwó tÿǒ lɔɔn tè temte nà letsiŋé tÿó wɔ́, mbà à té ku’u lézém mentɔ̌ɔn wɔ́. Áa ndʉŋ ndʉŋ pá’ pi lɔɔn tè temte ná mèŋ wɔ́, pi le ku’u légÿo tsɔ́ mmó tà á poŋ wɔ́.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Roma 16:3

Pi tsyɛ’te Piriska pɔ́ Akilas ńná né mèŋ, ée pʉ̀a pie pega pɔ́ pǔ fa’a fà’a Yěsô Kristo.

Roma 16:7

Pi tsyɛ’te Andelonikus pɔ́ Zunias. Pega pɔ́ pǔ ńgwɔ́ pà Yuda, mbà pega pɔ́ ka pǔ ńgwɔ́ ndá tsǎŋ. Pɔ́ ée tsetsɛ̀ɛ megàŋ ntúm mé kwoŋo nò yɔ́b tɛ’. Pɔ́ la zɔɔn ḿvɔg ńgwɔ́ pʉ̀a Kristo tá mèŋ n gÿo ńgwɔ́ yɔ́ɔn.

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Roma 5:16

Ammó gie e Ssé náa, la fa’a fà’ mboŋó. À yé fà’ á té pá’ ye nò tepòŋ wɔ́. Nò tepòŋ gie wɔɔn tà’ nyìŋ wémɔ’ɔ́ la fʉa, la gÿo pʉ̀a metsèm gwé ntsaŋ. Tá’ e Ssé gwɔ́ tà ńcÿo gem pʉ̀a, á gwaa gwɔ́, mbà pɔ́ zɔɔn fʉa menò tɛ’ tá’, yé Ssé cʉ́’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé, ntsaŋ e té gíŋe ńgwoon wɔ́b gwɔ́,

Roma 7:17

Pú’u la, mèŋ n zɔ tě ńdɔgɔ ńgÿo mɛ̌ menò wɔ́, nò tepòŋ gie á léen ńjÿó wɔ̀ɔn zɔ̌ gÿo.

Roma 7:20

Á lɔɔn ńgwɔ́ gie mèŋ n gÿo mmó gie mèŋ n tè tsɔ́ɔn légÿo wɔ́, mbà mèŋ n zɔ tě ńgÿo wɔ́, à nò tepòŋ gie á léen ńjÿó wɔ̀ɔn zɔ̌ gÿo.

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

Roma 8:14

Á nue pʉ̀a pie Zẅìge Ssé ne ńtsyeen wɔ́b ée púɔ Ssé.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

Roma 8:39

ńgwɔ́ pɔ́ metʉ̀ ntí ntí mie ée tsɛ̀ɛ njÿó, é mie ée tÿǒ, kà mie ée tsɛ̀ɛ ssé wɔ́, ńgwɔ́ pɔ́ tsɔ́ mmó ndyɛ̀’ɛ gie Ssé la pwóon, mbà tsɔ́ mmó té ńdá’a ńku’u létáte Ssé lékwoŋo wégè wɔ́. À la cʉa ná Yěsô Kristo, a Cʉ̀apʉ̀a wege, ńnyɛ ngie à kwoŋo wégè.

Roma 8:4

À la gÿo pú’u, légwɔ́ gie pege ge ku’u léńnéŋe ná ntí gie *lepʉ̌ ne ńzɛ́te. Mèŋ n gɔɔn wégè pie pege cʉ́’ʉ́ ńgiŋe ná ntí gie mbùm yege ne ńtsóte wégè wɔ́, pege cʉ’ʉ́ ńgiŋe pɔ́ nà ntí gie Zẅìge Ndʉalʉ̌a ne shwóŋó wégè.

Roma 8:9

Tá á ké ńgʉa ná pi, mbà pi tè ńnéŋe nà ntí gie mbùm gi ne shwóŋó gẅi wɔ́, pi neŋé pɔ́ nà ntí gie Zẅìge Ssé ne shwóŋó gẅí, á fʉ̀’ɔɔn gie Zẅìge Ssé áa nà pi. A Zẅìge Kristo lɔɔn tè ná nyìŋ wɔ́, mbà ngàŋ tè nyìŋ Kristo wɔ́.

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

1 Korento 15:22

Ndʉŋ ndʉŋ pá’ pʉ̀a mesoŋ metsèm lɔg pá’ pɔ́ la tswé’e ná Adam ńkwéte la, pɔ́ métsèm ge gíŋ lɔg pá’ pɔ́ tswé’e ná Kristo é zíme nà legwé.

2 Korento 12:2

Mèŋ n ne ńzsé tsɔ̌ nyìŋ gẅie à la la nnɛ́ ná Kristo, ée fʉ̀’ɔɔn ńgwɔ́ ngù’ ntsɔ̀b lekùɔ nê legém pá’ e Ssé la kaa yé ńdɔg ńkwɔ́’ kwɔ́’ tà ńkúu tàa tÿǒ lépwó Kà á laa pú’u, kwà’ yé zɔ̌ gʉa wó wɔ́, mbà mèŋ n kaa zsé, kà à la lyé pɔ́ njÿòon wɔ́, mbà mèŋ n kaa zsé. E Ssé zɔ ne ńzsé.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Galatia 5:16

N ge gɔɔn né pi ngie: Pi zẅíŋ Zẅìge Ssé zɔ tsyeen gẅi nà gẅi le gwɔ́, pú’u pi é légÿo menò tepòŋ mie mbùm gí tsóte gẅi ngie pi gÿo wɔ́.

Galatia 5:25

Pá’ wege le gwɔ́ we fʉ̀’ɔɔn foo pɔ́ mbwo Zẅìge Ndʉalʉ̌a la, pege giŋe ná ntí gie Zẅìge ŋwɛ́ ne ńnyɛɛ wégè.

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Filipo 3:9

légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.