Roma 7:9 - Nouveau Testament en Ngienboum

⁹ Á laa fʉ̀’ gie n da nyé tè zsé *lepʉ̌ Ssé, ńjú’ ńgwɔ́ pɔ́ ntentʉ́, n da piŋ ńgwɔ́ tà ńzsé, létsɔ́ɔn légÿo nò tepòŋ kúu ná mèŋ,

Roma 7:9 ပူးပေါင်းရင်းမြစ်များ

Matio 19:20

Mûɔ shùm ŋwɛ́ gɔɔn né yé ngie: Mèŋ, n gee ńké ńtsẅé ńkú’te mbʉ̌ mɛ̂ ku’té ntsèm, àkɔ́ nyé ńzága wɔ̀ɔn?

Lukase 15:29

Á tsɔ́’ɔ mbwo yé ngie: Tɔ̌ɔn, mèŋ fa’á mbwo gù ngù’ shÿɔ́’ɔ? N dǎ ké fʉa *lepʉ̌ shú? Tà ɔ̀ lǎ fó ńnáa wɔ̀ɔn mûɔ mvfó ndà’ ngie pega meshǔ pɔ́ɔn zẅé ńdɔg ńkág?

Lukase 18:21

Nyìŋ ŋwɛ́ tsɔ́’ ngie: Tà fó pá’ n dà nyé mûɔ shùm, mèŋ n gee ńké ńtsẅé ńkú’te mbʉ̌ mɛ̂ ku’té ntsèm.

Roma 10:5

Pi jú’u mmó gie Mǒsê la ŋwe’e nà nò mánzsè gẅie aa nyìŋ léfó ná pá’ à kú’te *lepʉ̌, ńgwɔ́ ndʉŋ ndʉŋ mvfò Ssé. «À la gɔɔn ngie: Nyìŋ lɔɔn ńkú’te nò ntsèm gie *lepʉ̌ la tsẅi, tá mbà à ge zẅɛ́’ *lepʉ̌ é tsẅɛ́»

Roma 7:10

mèŋ n kwé. Á gwɔ́ pú’u, mbà *lepʉ̌ sie é kɔ’ɔ́ gÿo nyìŋ gwɔ́ wó, mbà é cʉ̌’ ńtóo ná mèŋ ńtsege wɔɔn ńnéŋ pɔ́ nà legwé.

Roma 7:11

N da jú’ sɛ̌ *lepʉ̌, nò tepòŋ gie áa ná mèŋ gyá shÿó ńdɔg *lepʉ̌ ŋwɛ́ ńdʉte wɔ̀ɔn, mèŋ n gÿo nò tepòŋ, anò tepòŋ cʉa mǒ ńzẅé wɔ̀ɔn.

Roma 7:4

Á gíŋe ńgwɔ́ pɔ́ ndʉŋ ndʉŋ pú’u, ná pi, mbà mefɛ́ pɔ́ɔn. Pi ee fʉ̀’ɔɔn ńgwɔ́ nà nò *lepʉ̌ ńgwɔ́ pɔ́ mepfó tá ńdɔgɔ nku’u pʉa Ssé, á nue pia Kristo la púte ńkwé fʉ̀’ gie à la kwé, pia *lepʉ̌ lɔg pú’u, fege légwɔ́ gie pi ge cʉ́’ gwɔ́ pɔ́ pʉ̀a tsɔ̌ nyìŋ ndyɛ̀’ɛ, é pʉ̀a Yěsô Kristo gẅie e Ssé la gÿo á zíme ná legwé. Légwɔ́ gie pege ge fa’ mefà’ mie ée me mbòŋo mbwo Ssé.

Roma 7:6

Tá á ké ńgwɔ́ fʉ̀’ɔɔn pege cʉ́’ʉ ńgiŋe ná mánzsè *lepʉ̌ tà ńtsɔ́ɔn légwɔ́ ndʉŋ ndʉŋ wɔ́, á nue pege ee ná wɛ̌ mánzsè gẅie à kɔ̌ɔn ńdɔgɔ wégè ńgÿo megàŋa tsǎŋ, ńcʉ́’ pɔ́ mepfó. Tà peg ee fʉ̀’ɔɔn ńcʉ́’ʉ fa’a mbwo Ssé pɔ́ nà ntí ye sẅé, ńdɔgɔ metʉ̀ Zẅìge Ndʉalʉ̌a éfa’a, tà peg tè gíŋe fa’a ná ntí ye fʉ̀’e mvfò, á fʉ̀’ gie peg kɔ̌ɔn ńjú’u pɔ́ ncwò *lepʉ̌ sie mé la ŋwe’e wɔ́.

Roma 7:8

Anò tepòŋ gie áa nà mèŋ la zẅɛ́’ pɔ́ *lepʉ̌ ŋwɛ́, ḿbʉ́’te wɔ̀ɔn, légÿo shúm tepòŋ sie ntʉ́m wɔ̀ɔn tsɔ́ɔn tà é gyɔ́ɔn gyɔ́ɔn, *lepʉ̌ la zɔɔn ńgwé’e é té wó wɔ́, mbà nò tepòŋ té gẅiin tʉ̀ wɔ́.

Roma 8:7

Petsɔ́ pʉ̀a ée ná mánzsè legwé á nue pʉ̀a pie pɔ́ ńnéŋe ńtÿɔ́g ntʉ́m wɔ́b pɔ́ nà mmó gie mbùm yɔb ne shwóŋó wɔ́b ée megàŋ mbù Ssé. Pɔ́ té kú’te *lepʉ̌ Ssé wɔ́, etsɔ́ shÿó lézɔɔn ńkú’te té wɔ́ mbwo pɔ́b wɔ́.

Galatia 2:19

Á kaa fʉ̀’ gie mèŋ n ka nyě ne fa’a ngie e Ssé fó ná pá’ mèŋ n gɔɔn ngie mèŋ n kú’te *lepʉ̌, ńcʉ́’ ńdíe wɔ̀ɔn pɔ́ pá’ nyìŋ gẅie aa ndʉŋ ndʉŋ, mèŋ n jú’ ngie ńgwɔ́ á le gwɔ́ pú’u wɔ́, áa yɛ̌ tá mèŋ n cʉ́’ ńgwɔ́ ná nò *lepʉ̌ yɔɔn ńgwɔ́ pɔ́ mpfó, pú’u, ńzsé ngie n ge gwɔ́ mvfò Ssé é gwɔ́ ntentʉ́. E Ssé la zɔɔn ńteme wég Kristo mé púte wég yé ńkime nà tÿǒ nkǐ.

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.