Roma 7:8 - Nouveau Testament en Ngienboum

⁸ Anò tepòŋ gie áa nà mèŋ la zẅɛ́’ pɔ́ *lepʉ̌ ŋwɛ́, ḿbʉ́’te wɔ̀ɔn, légÿo shúm tepòŋ sie ntʉ́m wɔ̀ɔn tsɔ́ɔn tà é gyɔ́ɔn gyɔ́ɔn, *lepʉ̌ la zɔɔn ńgwé’e é té wó wɔ́, mbà nò tepòŋ té gẅiin tʉ̀ wɔ́.

Roma 7:8 ပူးပေါင်းရင်းမြစ်များ

Malékuse 7:22

ńne ńgÿo gÿɛ́, ńne ńgẅiin kegɔ̀’, ńgẅiin ssé ntʉ́m, ńgẅiin fʉ̀te, ńkúu zɔgɔ́ tepòŋ, ńkwɔ́’ɔ lóŋ, ńtÿɔ́gɔ sóon twó nyìŋ, ńŋá’te nnɛ́, ńdʉ’ʉ ntÿɔgɔ́ ntsèm.

Ŋwà’ne Jâŋ 15:22

Mèŋ n daa pé’e, n tè tó, n daa pé’e pega pɔ̌ té shwóŋe, mbà tsɔ́ menò tepòŋ té ná pɔ́b wɔ́. Tá’ á ké ńgwɔ́ fʉ̀’ɔɔn pá’ɔɔn atsɔ́ nò gie aa ńgwɔ́ pɔ́ gɔɔn ńtí menò tepòŋ mɔ́b té wó wɔ́.

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 4:15

*Lepʉ̌ zɔɔn ńgÿo lóŋ Ssé gyáŋ gyáŋ á nue pʉ̀a té ne ńkú’te wɔ́. Á la gwé’e pé’è *lepʉ̌ té wó wɔ́, mbà pʉ̀a té fʉa *lepʉ̌ pá’ɔɔn wɔ́.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Roma 7:11

N da jú’ sɛ̌ *lepʉ̌, nò tepòŋ gie áa ná mèŋ gyá shÿó ńdɔg *lepʉ̌ ŋwɛ́ ńdʉte wɔ̀ɔn, mèŋ n gÿo nò tepòŋ, anò tepòŋ cʉa mǒ ńzẅé wɔ̀ɔn.

Roma 7:13

Tà áa pú’u pá’ɔɔn ńdɔgɔ ńgɔɔn ngie ammó gie áa mbòŋ kéen ńtóo ná mèŋ ńcʉ́’ pɔ́ legwé keen? Ngǎŋ á té pú’u wɔ́. Anò tepòŋ zɔ̌ la gÿo n kwé, anò tepòŋ la kwa’ ńnyɛ ngie á té poŋ. Á la zẅɛ́’ɛ mmó gie áa mbòŋ ńdɔg ńgÿo mèŋ n kwé, ńdɔg pú’u, ńcʉa nà mmó gie e Ssé la tsẅi ngie mé gÿo, ńkẅɛɛ kwà’ máamáa nò tepòŋ.

Roma 7:17

Pú’u la, mèŋ n zɔ tě ńdɔgɔ ńgÿo mɛ̌ menò wɔ́, nò tepòŋ gie á léen ńjÿó wɔ̀ɔn zɔ̌ gÿo.

Roma 7:9

Á laa fʉ̀’ gie n da nyé tè zsé *lepʉ̌ Ssé, ńjú’ ńgwɔ́ pɔ́ ntentʉ́, n da piŋ ńgwɔ́ tà ńzsé, létsɔ́ɔn légÿo nò tepòŋ kúu ná mèŋ,

1 Korento 15:56

Sisìŋ gie legwé lɔg ńtsɔ́gɔ nyìŋ ée menò tepòŋ, metʉ̀ menò tepòŋ fóo ná *lepʉ̌ Ssé sie é nyɛ ngie nyìŋ à gwě ntsaŋ.