Roma 7:7 - Nouveau Testament en Ngienboum

⁷ Mé lɔgɔ pá’ɔɔn ńgɔɔn ngie *lepʉ̌ Ssé ée mmó tepòŋ keen? Ngǎŋ á té pú’u wɔ́, a nue n ka kě fó pɔ́ nà *lepʉ̌ ŋwɛ́ tá ńzsé nò tepòŋ, é laa pé’è é té gɔɔn ngie: «Tè gẅiin kègɔ́’» wɔ́, mbà mèŋ n tè kègɔ́’ zsé.

Roma 7:7 ပူးပေါင်းရင်းမြစ်များ

Matio 5:28

!Tá mèŋ n gɔɔn né pi ngie: Nyìŋ lɔɔn ńdíe manzwě ńtsɔ́ɔn á zsé ngie áa tsɛ̀ɛ ntʉ́m yé mámbàŋa, mbà à ně ńdá’ ńgÿo gÿɛ́.

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Megàŋ ntúm 20:33

N daa nkáb nyìŋ tsɔ́ɔn. N te ngɔl tsɔ́ɔn. N te menzsǒ nyìŋ tsɔ́ɔn.

Roma 13:9

Pi zɔɔn ńzsé mbʉ̌ mie é gɔɔn ngie: «Tè gÿo gÿɛ́. Tè zẅé nyìŋ. Tè jʉ. Tè tÿɔ́g nÿɔ́g nà mmó nyìŋ». Lɔg ńkwá metwó mɔɔn mbʉ̌ tà mbɔɔ metsɔ́ gwɔ́ ngie: «Kwoŋo fɛ́ gù nyìŋ mesoŋ pá’ ɔ̀ kwoŋo twó mbùm jú».

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 3:5

Ńgwɔ́ tsɔ́ pʉ̀a gɔɔn ngie: Menò tepòŋ mie pege fʉ’ʉ gÿo pʉ̀a zsé ngie e Ssé ee ndʉŋ ndʉŋ, mbà pege ge tsɔ́’ɔ mbwo pɔ́b ngie kɔ́? Pege ge gɔɔn ngie e Ssé gwɔ̌ tà ne ńnéŋe ngʉ̀ngʉ̀ twó pégè ntí mefʉ̌’ nò mégè, à té ńdɔgɔ ńgwɔ́ ndʉŋ ndʉŋ wɔ́ keen? N gɔɔn pá’ɔɔn pɔ́ nò gie pʉ̀a mesoŋ ne ńgɔɔn.

Roma 4:1

Tà áa pá’ɔɔn pege ge gɔɔn ngie kɔ́, á nà nò Ábalam gẅie aa mangʉa njʉ’ weg pà Yuda? À la lɔg metʉ̀ nyìŋ mesoŋ ńgẅiin kɔ́?

Roma 4:15

*Lepʉ̌ zɔɔn ńgÿo lóŋ Ssé gyáŋ gyáŋ á nue pʉ̀a té ne ńkú’te wɔ́. Á la gwé’e pé’è *lepʉ̌ té wó wɔ́, mbà pʉ̀a té fʉa *lepʉ̌ pá’ɔɔn wɔ́.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

Roma 7:11

N da jú’ sɛ̌ *lepʉ̌, nò tepòŋ gie áa ná mèŋ gyá shÿó ńdɔg *lepʉ̌ ŋwɛ́ ńdʉte wɔ̀ɔn, mèŋ n gÿo nò tepòŋ, anò tepòŋ cʉa mǒ ńzẅé wɔ̀ɔn.

Roma 7:13

Tà áa pú’u pá’ɔɔn ńdɔgɔ ńgɔɔn ngie ammó gie áa mbòŋ kéen ńtóo ná mèŋ ńcʉ́’ pɔ́ legwé keen? Ngǎŋ á té pú’u wɔ́. Anò tepòŋ zɔ̌ la gÿo n kwé, anò tepòŋ la kwa’ ńnyɛ ngie á té poŋ. Á la zẅɛ́’ɛ mmó gie áa mbòŋ ńdɔg ńgÿo mèŋ n kwé, ńdɔg pú’u, ńcʉa nà mmó gie e Ssé la tsẅi ngie mé gÿo, ńkẅɛɛ kwà’ máamáa nò tepòŋ.

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 7:8

Anò tepòŋ gie áa nà mèŋ la zẅɛ́’ pɔ́ *lepʉ̌ ŋwɛ́, ḿbʉ́’te wɔ̀ɔn, légÿo shúm tepòŋ sie ntʉ́m wɔ̀ɔn tsɔ́ɔn tà é gyɔ́ɔn gyɔ́ɔn, *lepʉ̌ la zɔɔn ńgwé’e é té wó wɔ́, mbà nò tepòŋ té gẅiin tʉ̀ wɔ́.

1 Korento 15:56

Sisìŋ gie legwé lɔg ńtsɔ́gɔ nyìŋ ée menò tepòŋ, metʉ̀ menò tepòŋ fóo ná *lepʉ̌ Ssé sie é nyɛ ngie nyìŋ à gwě ntsaŋ.

Efeso 5:3

Pá’ pi ee fʉ̀’ɔɔn ńgwɔ́ pʉ̀a Ssé la, tsɔ́ shúm ée sie á té zɛ́te ngie nyìŋ gẅi gÿo wɔ́, ńgíŋ tè zɛ́te ngie me zɔɔn ńkím mbàa kǐm tsetsɛ̀ɛ pi wɔ́, mé gɔɔn nò pá’ mbàŋa létóŋ pànzwě, épànzwě léfa’ mbàŋa, á mmó pá’ menò ncÿǒ mbɔɔ nò kègɔ́’.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

1 Tesalonika 4:5

Tà á le zẅíŋ nkwaŋá tepòŋ jÿó yé pá’ é jÿó pʉ̀a pie é té Ssé zsé wɔ́.

Heber 7:19

Pú’u á nue *lepʉ̌ Mǒsê la tè gÿo tà tsɔ́ mmó ku’ ná ntí gie e Ssé ne ńkwoŋo wɔ́. Áa fʉ̀’ɔɔn, mbà Ssé la tsɔ́’ nzsè sẅé, nkwaŋá wégè ńnéŋe fʉ̀’ɔɔn ńcʉ́’ ńtyé pɔ́ mǒ. Ee mbòŋ ńcʉa yetsɔ́, á nue pege pfó mǒ ńgʉa tà ńkúu lejʉ́ŋ Ssé.