Roma 7:5 - Nouveau Testament en Ngienboum

⁵ Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 7:5 ပူးပေါင်းရင်းမြစ်များ

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Ŋwà’ne Jâŋ 3:6

Nyìŋ gẅie mámbàŋa pɔ́ manzwě zyě yé, à gwɔ́ pɔ́ nyìŋ mesoŋ, nyìŋ gẅie à Zẅìge Ssé zyě yé, á gẅiin le gwɔ́ gẅie à gwɔ́ pɔ́ we Zẅìge Ssé.

Roma 1:26

Áa mmó gie á la gÿó e Ssé nyé wɔ́b pɔ́ gÿo mmó gie nkwaŋá wɔ́b tyé mǒ tá é gwɔ́ menò mie ée néŋ shʉ́ nà pɔ́b. Mezwě pɔ́b nyé mbàŋa ńcʉ́’ʉ fa’a pɔ́ tsɔ́ pànzwě pâ pɔ̌ nuŋe, yɛ̌ ntí légÿo menò è té ntí gie Ssé la záb wɔ́.

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 4:15

*Lepʉ̌ zɔɔn ńgÿo lóŋ Ssé gyáŋ gyáŋ á nue pʉ̀a té ne ńkú’te wɔ́. Á la gwé’e pé’è *lepʉ̌ té wó wɔ́, mbà pʉ̀a té fʉa *lepʉ̌ pá’ɔɔn wɔ́.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Roma 6:13

Tà pi gíŋe ńdɔg mekèm mbùm mí ńgÿo nò tepòŋ pá’ mé lɔgɔ shúm ncù ńgÿo menò tepòŋ. Tà ńcʉ́’ pú’u, pi pú ńnyé mbùm gi mbwo Ssé ńgwɔ́ kwà’ pʉ̀a pie é ka kwě ḿbiŋ ńzím. Pi lɔg mekèm mbùm mí ńgÿo shúm sie pi ge lɔg gÿo mmó gie áa ndʉŋ ndʉŋ.

Roma 6:19

Meŋ n dɔɔn ńgwɔ́ gie m bǐ fʉ̀’ ná menò mie é ne ńcʉate tsetsɛ̀ɛ pʉ̀a mesoŋ, mbà mèŋ n dɔgɔ fa’a légÿo pi cwoŋo ńjú’, á nue nyìŋ mesoŋ pÿɛ́ pÿɛ̌. Pi la lɔg mekèm mbùm mí ńgÿo nkwɔɔn menò ncÿǒ laa ye menò lɔg ńtág jʉ’. Mɛ̌ menò gwɔ́ mie é gÿo mé tʉʉ twó mbwo Ssé tʉ. Ndʉŋ ndʉŋ pú’u, pi gwɔ́ fʉ̀’ɔɔn ńcʉ́’ ńdɔg mekèm mbùm mí ŋwɛ́ ńgÿo pɔ́ nkwɔɔn gie é fa’a mbwo mmó gie áa ndʉŋ ndʉŋ mvfò Ssé, à lêen ńké fó pú’u, léńnéŋe gẅi gwɔ́ we Ssé.

Roma 6:21

Pi la jÿó kɔ́ pì ná yɛ̌ ntí mefà’? Pi ee fʉ̀’ɔɔn ńcʉ́’ ńkwaŋ mɛ̌ mefà’ éshʉ́ kúu gẅi mǒ kú, mélà’mie é gwaa mag ńná pɔ́ legwé.

Roma 6:23

a nue mmó gie nò tepòŋ lɔ́g ḿbéen fà’a nyìŋ, á gwɔ́ pɔ́ ngàŋ lekwé, tá afù’ gie e Ssé náa mbwo nyìŋ pɔ́ sẅɛɛ sẅɛɛ, á gwɔ́ pá’ ngàŋ zẅɛ̌’ pá’ á la nnɛ́ ná Cʉ̀apʉ̀a wege Yěsô Kristo, ńgẅiin le gwɔ́ tèmì.

Roma 7:23

Tá á gʉa tsɛ̀ɛ mbùm mèŋ, n gyá tsɔ́ *lepʉ̌ gwɔ́ wó, ésie é ńnéŋe ńdɔg ncù, ḿma’ *lepʉ̌ sie legyè sɔ́ɔn kwa’ ńzẅíŋ, ńgÿó mèŋ n cʉ́’ʉ ngàŋa tsǎŋ *lepʉ̌ nò tepòŋ gie á léen ńjÿó wɔ̀ɔn.

1 Korento 15:56

Sisìŋ gie legwé lɔg ńtsɔ́gɔ nyìŋ ée menò tepòŋ, metʉ̀ menò tepòŋ fóo ná *lepʉ̌ Ssé sie é nyɛ ngie nyìŋ à gwě ntsaŋ.

2 Korento 10:3

Peg tsɛ ńgwɔ́ pɔ́ pʉ̀a mesoŋ pá’ petsɔ́ tá’, e yeg ntí léma’ ncù e tè leen ńgwɔ́ pɔ́ ye pʉ̀a mesoŋ wɔ́.

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 2:11

Pú’u la, pi kímte pá’ pi ka zɔɔn ńgwɔ́, mé la zyé gẅi pi tè pà Yuda pie mé pú’u wɔ́b gwɔ́, é Pà Yuda pie mé pú’u wɔ́b, pɔ́ lɔg pú’u, ńgyá ngie pɔ́ ee pʉ̀a Ssé ńcʉ́’ ńkʉ́e gẅi kʉ́e ngie pi tè pʉ̀a Ssé wɔ́, ńgɔɔn pú’u, tá lepu’ú wɔ́b ŋwɛ́ gwɔ́ pɔ́ liŋé gie mé la lɔg pɔ́ pwó ńgÿo nà mbùm yɔb.

Efeso 2:3

Pege metsèm ka zɔɔn ńgwɔ́ pɔ́ pá’ pɔ́b, ńne ńgÿo pɔ́ mmó gie ntʉ́m nyìŋ mesoŋ ne ńtsɔ́ɔn, éshúm sie ntʉ́m nyìŋ mesoŋ lâ nkwaŋá wé tyé mǒ, mbà mé la zyé wégè pege gwɔ́ pɔ́ pʉ̀a pie e Ssé ne ńgyáŋa lóŋ ná pɔ́b pá’ à ne ńgyáŋa lóŋ ná petsɔ́ pʉ̀a.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Ŋwà’ne Jâg 1:15

Letsɔ̌ɔn shúm ŋwɛ́ gwɔ́ tà ńgá’, ńkẅɛɛ nò tepòŋ, anò tepòŋ gá’ ńkẅɛɛ legwé.

Ŋwà’ne Jâg 4:1

Mencwò mencwò aa pé’e fóo nzɔ̌ tsetsɛ̀ɛ pi? Melà’ fóo nzɔ̌ tsetsɛ̀ɛ pi? Né ngie é fóo ná gi ntí letsɔ̌ɔn shúm gie ee tsɛ̀ɛ ntʉ́m gẅi ńtsóte gẅí.

1 Jâŋ 3:4

Nyìŋ lɔɔn ńnéŋe ńgÿo nò tepòŋ, mbà ngàŋ lʉ’ʉ légiŋe ná *lepʉ̌ Ssé, à nue legÿo nò tepòŋ aa lelʉ’ʉ légiŋe ná *lepʉ̌ Ssé.