Roma 7:4 - Nouveau Testament en Ngienboum

⁴ Á gíŋe ńgwɔ́ pɔ́ ndʉŋ ndʉŋ pú’u, ná pi, mbà mefɛ́ pɔ́ɔn. Pi ee fʉ̀’ɔɔn ńgwɔ́ nà nò *lepʉ̌ ńgwɔ́ pɔ́ mepfó tá ńdɔgɔ nku’u pʉa Ssé, á nue pia Kristo la púte ńkwé fʉ̀’ gie à la kwé, pia *lepʉ̌ lɔg pú’u, fege légwɔ́ gie pi ge cʉ́’ gwɔ́ pɔ́ pʉ̀a tsɔ̌ nyìŋ ndyɛ̀’ɛ, é pʉ̀a Yěsô Kristo gẅie e Ssé la gÿo á zíme ná legwé. Légwɔ́ gie pege ge fa’ mefà’ mie ée me mbòŋo mbwo Ssé.

Roma 7:4 ပူးပေါင်းရင်းမြစ်များ

Matio 26:26

Pâ pɔ́ ne njÿó shúm léjÿó, Yěsô pí mbelég, ńná ndǎg mbwó Ssé, ḿbwɔ́’te ńgwaa náa mbwó *ngàŋa kwò yé, ńgɔɔn ngie: Pi kɔ̀ ḿpfɛ́, yɔɔn ee mbùm nnɛ́ yɔ̀ɔn,

Malékuse 4:20

Mbyè mmó gie e gwě nà tsetsá’a mbòŋo, lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ, ḿbiŋ ńně ńgÿo pá’ nò Ssé ne ńzɛ́te, ńdɔgɔ ńgee mvfò, pɔ́ lɔgɔ ńgwɔ́ pá’ mbyè mmó gie tsɔ̌ mvòm gwɔ̌ sá’ tó ńná memvòm móm ntá, yetsɔ̌ ná móm ntɔgɔ́, yetsɔ̌ ná nkÿo.

Ŋwà’ne Jâŋ 15:8

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Roma 6:11

Mbɔɔ pi gí, pi líe twó mbùm gí pá’ pʉ̀a pie pɔ́ ée nà nò tepòŋ, ńcʉ́’ pɔ́ mepfó. Pi cʉ́’ ńgwɔ́ pɔ́ pʉ̀a pie é lɔg pá’ pɔ́ la nnɛ́ ná Kristo, ńcʉ́’ ńgẅiin pɔ́ ntí ye sẅé pá’ pɔ́ ge fa’a fà’ Ssé.

Roma 6:14

Anò tepòŋ zɔɔn tě ńdá’a ńgíŋe ńgẅiin gẅi wɔ́, á nue pi cʉ’ʉ́ ńgiŋe ná mánzsè *lepʉ̌ wɔ́, pi cʉ’ʉ́ ńgiŋe pɔ́ ná mánzsè gẅie e Ssé ne ńcʉa mǒ ńcÿó gem gí, pi ne gÿo mmó gie áa ndʉŋ ndʉŋ.

Roma 6:2

Ngǎŋ! Ńgwɔ́ pege é le pú’u, gÿo. Pá’ á zɔɔn ńgwɔ́ nà légÿo nò tepòŋ, mbà pege léen ńkwé lá, ńgwɔ́ pege gǎ tá ńgíŋe ne ńgÿo pɔ́ nò tepòŋ?

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

Roma 7:3

Pú’u la ńgwɔ́ gie andǔm we lɔɔn ńnyé té kwé, á zɔ́’ɔ tsɔ̌ mámbàŋa, mbà mé ge tóŋo yé le ngàŋa gÿɛ́ manzwě. Tá ńké ńgwɔ́ gie andǔm we lɔɔn ńkwé, *lepʉ̌ le gíŋe ńtɔ’ɔ yé lézɔ́’ɔ tsɔ̌ mámbàŋa wɔ́. Á cʉ́’ ńgwɔ́ pɔ́ nzwě tsɔ́ nyìŋ fʉ̀’ó, á le gwɔ́ ngie à gÿo gÿɛ́ wɔ́.

Roma 7:6

Tá á ké ńgwɔ́ fʉ̀’ɔɔn pege cʉ́’ʉ ńgiŋe ná mánzsè *lepʉ̌ tà ńtsɔ́ɔn légwɔ́ ndʉŋ ndʉŋ wɔ́, á nue pege ee ná wɛ̌ mánzsè gẅie à kɔ̌ɔn ńdɔgɔ wégè ńgÿo megàŋa tsǎŋ, ńcʉ́’ pɔ́ mepfó. Tà peg ee fʉ̀’ɔɔn ńcʉ́’ʉ fa’a mbwo Ssé pɔ́ nà ntí ye sẅé, ńdɔgɔ metʉ̀ Zẅìge Ndʉalʉ̌a éfa’a, tà peg tè gíŋe fa’a ná ntí ye fʉ̀’e mvfò, á fʉ̀’ gie peg kɔ̌ɔn ńjú’u pɔ́ ncwò *lepʉ̌ sie mé la ŋwe’e wɔ́.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

1 Korento 10:16

Pege ne ńnúu ntú’ melù’ gie pege nǎ ndǎg mbwo Ssé mǒ, pege tě ńdɔgɔ pú’u, ńtemte ná metse Kristo wáa? Mbelég gie pege pwɔ́’te ńgaba, e tě ńtemte wégè ná mbab nnɛ́ Kristo wáa?

2 Korento 11:2

Pi zsé ngie n kwoŋo gẅi tà mèŋ n te zẅíŋ ngie nyìŋ gwaa gÿo mmó ná pi n ne ńgyá wɔ́. Yɛ̌ ntí nkwòŋo gie mèŋ n gẅiin nzèm pi e fóo pɔ́ mbwo Ssé, mélà’mie pi ée mbwo mèŋ, ńgwɔ́ pá’ múɔ manzwě gẅie mèŋ n da pÿé mbwo tà’ nyìŋ wémɔ’ɔ́, angàŋ gwɔ́ Kristo. Mèŋ n ne ńda’te gẅi mbwo yé ngie pi ee pá’ mûɔ ngùɔ gẅie à kaa tsɔ́ *lɔ̌’ kaa.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

Galatia 5:18

Tá pi lɔɔn ńzẅíŋ Zẅìge Ndʉalʉ̌a ne ńtsyeen gẅí, mbà *lepʉ̌ té gíŋe ńgẅiin lésá’a gẅi wɔ́.

Efeso 2:15

Yěsô ka pyág mbʉ̌ pà Yuda mie é gɔɔn ngie, gÿo yɔɔn, ńgÿo gi, tá ńdɔg ńgwɔ́ nyìŋ Ssé, ḿbyága pú’u, pá’ pʉ̀a Yuda mbɔɔ pʉ̀a pie é té pà Yuda wɔ́ ge lɔg pá’ wɔ̌wɔ́ɔ ná pɔ́b wɔ́ lǎ nnɛ́ ná Yěsô, é temte, é cʉ́’ʉ nùɔ ye sẅé. À lɔg ḿmag mbù tsetsɛ̀ɛ pɔ́b, pɔ́ ńnéŋe lè mbʉ́lè.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Filipo 4:17

N gɔɔn pá’ɔɔn, á té gwɔ́ pɔ́ ngie, n ne fa’a pɔ́ shúm sie mé ge túm ná né mèŋ wɔ́. Mèŋ n ne ńtsɔ́ɔn pɔ́ ngie e Ssé fó mǒ ńnéŋ mbʉ́lè ná pi.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Kolosia 1:22

Tá á ké ḿbiŋ ńgwɔ́ fʉ̀’ɔɔn, mbà á ka fó ná pá’ Míŋ we ka cʉ́’ʉ nyìŋ mesoŋ, ńkwé, éshwoŋte gẅi ńgíŋe ńnéŋe lejʉ́ŋ ye, éshwoŋte gẅi pú’u, légwɔ́ gie pi ge gwɔ́ ndʉalʉ̌a, é gwɔ́ pà tèfʉa, é gwɔ́ pà tè *lɔ̌’.

Kolosia 1:6

Nkʉ̀ Mbòŋo ne saa jʉ’ tsɛ̀ɛ njÿó té vʉ’ʉ tsɔ́, ńgwɔ́ pá’ tÿǒ gie á ne ńzéme ntɔ̌ɔn, ńgíŋe ne ńgú’u la, ée tsetsɛ̀ɛ pi, ńgíŋe ńne ńgee ne mvfò pɔ́ pú’u, tà fó ndùŋ mvfò lyɛ̌’ gie pi la jú’ mé zye lékím pá’ e Ssé lɔgɔ menò mbòŋo mé ńcÿó gʉm pʉ̀a, pi kéen ńgyá yɛ̌ nò, ayɛ̌ nò gwɔ́ gie áa nénʉ́.

Kolosia 2:14

À la véle ŋwà’ne njǔ yega pɔ̌, mbà *lepʉ̌ laa tsɛ̀ɛ yɛ̌ ŋwà’ne ńne sẅiŋe wégè ná menò mie pege fʉaté, ńgwɔ́ mé gɔɔn ngie à la pú wɔ́b Yěsô ńkime nà tÿǒ nkǐ, ńdɔgɔ pú’u, ńcʉŋte ŋwà’ne.

Kolosia 2:20

Pia Kristo la pú ńkwé, á lɔgɔ pú’u, ńkẅé gẅi mbwo metʉ̀ nzěm mie é sá’a njÿó. Mélà’a kɔ́ mé gíŋe shwóŋó gẅi ngie tsɔ́ shúm ée shúm sie nzse ée mǒ tà pi zẅí’te pá’ fʉ̀’ gie pi gwɔ̌ pɔ́ pʉ̀a yɔɔn njÿó?

Heber 10:10

Kristo la gÿo mmó gie e Ssé ne ńkwoŋo. À la náa twó mbùm yé tà’ legʉ̀a á ku’. Á lɔg pú’u, ńgÿo peg ku’ pʉ̀a Ssé.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

Ŋwà’ne Ngyà jʉ’ 19:7

Pege kág, ńnáa gugẅî, ńnáa legú’ mbwo yé. Á nue eshúm léjÿó línɔ́ɔn lɔ́ɔn ndá mûɔ *Njʉ̀njÿò é sɔ́ɔn. Anzwě ngʉ̀ we, kẅǐŋ mbùm ye tà ne ńzẅí’te.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,