Roma 7:23 - Nouveau Testament en Ngienboum

²³ Tá á gʉa tsɛ̀ɛ mbùm mèŋ, n gyá tsɔ́ *lepʉ̌ gwɔ́ wó, ésie é ńnéŋe ńdɔg ncù, ḿma’ *lepʉ̌ sie legyè sɔ́ɔn kwa’ ńzẅíŋ, ńgÿó mèŋ n cʉ́’ʉ ngàŋa tsǎŋ *lepʉ̌ nò tepòŋ gie á léen ńjÿó wɔ̀ɔn.

Roma 7:23 ပူးပေါင်းရင်းမြစ်များ

Roma 6:13

Tà pi gíŋe ńdɔg mekèm mbùm mí ńgÿo nò tepòŋ pá’ mé lɔgɔ shúm ncù ńgÿo menò tepòŋ. Tà ńcʉ́’ pú’u, pi pú ńnyé mbùm gi mbwo Ssé ńgwɔ́ kwà’ pʉ̀a pie é ka kwě ḿbiŋ ńzím. Pi lɔg mekèm mbùm mí ńgÿo shúm sie pi ge lɔg gÿo mmó gie áa ndʉŋ ndʉŋ.

Roma 6:19

Meŋ n dɔɔn ńgwɔ́ gie m bǐ fʉ̀’ ná menò mie é ne ńcʉate tsetsɛ̀ɛ pʉ̀a mesoŋ, mbà mèŋ n dɔgɔ fa’a légÿo pi cwoŋo ńjú’, á nue nyìŋ mesoŋ pÿɛ́ pÿɛ̌. Pi la lɔg mekèm mbùm mí ńgÿo nkwɔɔn menò ncÿǒ laa ye menò lɔg ńtág jʉ’. Mɛ̌ menò gwɔ́ mie é gÿo mé tʉʉ twó mbwo Ssé tʉ. Ndʉŋ ndʉŋ pú’u, pi gwɔ́ fʉ̀’ɔɔn ńcʉ́’ ńdɔg mekèm mbùm mí ŋwɛ́ ńgÿo pɔ́ nkwɔɔn gie é fa’a mbwo mmó gie áa ndʉŋ ndʉŋ mvfò Ssé, à lêen ńké fó pú’u, léńnéŋe gẅi gwɔ́ we Ssé.

Roma 7:14

Pege zɔɔn ne ńzsé ngie *lepʉ̌ fó mbwo Ssé. Tá á ké ńgʉa ná mèŋ, nyìŋ mesoŋ, mèŋ fege fege, mbà mé la sẅiŋe wɔ̀ɔn n cʉ́’ nkwɔɔn nò tepòŋ.

Roma 7:21

N dɔgɔ pú’u, ńgyá ngie áa ngwòŋ fʉ̀’ ntsèm, n ngie kɔ tà mèŋ n gÿo nò mbòŋo, esɔ́ɔn *lepʉ̌ gwɔ́ ngie mèŋ n gÿo pɔ́ nò tepòŋ.

Roma 7:25

E Ssé zɔ ge tóo tsoló kẅile wɔ̀ɔn. Á cʉa ná Cʉ̀apʉ̀a wege Yěsô Kristo, agù’te gwɔ́ mbwo yé. Áa pú’u, legyè sɔ́ɔn ne shwóŋó wɔ̀ɔn ngie n kú’te *lepʉ̌ Ssé, tá mbab nnɛ́ nyìŋ mesoŋ gie mèŋ n gẅiin ne ńtsóte wɔ̀ɔn n kú’te pɔ́ *lepʉ̌ nò tepòŋ.

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

Galatia 5:17

Á nue menò mie mbùm nyìŋ mesoŋ tsóte yé ngie à gÿo é té mie Zẅìge Ndʉalʉ̌a ne ńkwoŋo ngie à gÿo wɔ́. Menò mie Zẅìge Ndʉalʉ̌a ne ńkwoŋo é té mie mbùm nyìŋ mesoŋ kwoŋ wɔ́, pɔ́ mépʉ́a lɔgɔ ńdʉ’ʉ lʉ’ʉ. Áa yɛ̌ tá pi tè gẅiin légÿo mmó gie pi kwǒŋ wɔ́.

Heber 12:4

Pi zɔ́ɔn fó ńnyé pɔ́ tè lɔg pá’ pi ne ńdʉ’ʉ nò tepòŋ, ḿbyɛ́b ncù tà mé pfɛte metse mí.

Ŋwà’ne Jâg 3:2

Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.

Ŋwà’ne Jâg 4:1

Mencwò mencwò aa pé’e fóo nzɔ̌ tsetsɛ̀ɛ pi? Melà’ fóo nzɔ̌ tsetsɛ̀ɛ pi? Né ngie é fóo ná gi ntí letsɔ̌ɔn shúm gie ee tsɛ̀ɛ ntʉ́m gẅi ńtsóte gẅí.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.